თბილისი. „სამართლიანი არჩევნებისა და დემოკრატიის საერთაშორისო საზოგადოებამ" 2014 წლის 15 ივნისის ადგილობრივი თვითმმართველობების არჩევნების მონიტორინგის მეორე შუალედური ანგარიში გამოაქვეყნა. დოკუმენტი 20 აპრილიდან 11 მაისის ჩათვლით პერიოდს და გამოვლენილ დარღვევებს მოიცავს. ანგარიშის პრეზენტაციაზე ორგანიზაციის წარმომადგენელმა ისაუბრა გამოკვეთილ დარღვევებზე: ადმინისტრაციული რესურსების გამოყენების, წინასაარჩევნო კამპანიაში ხელის შეშლის, საკადრო ცვლილებების, სავარაუდო მოსყიდვის შემთხვევების, გენდერული დისბალანსის, ქსენოფობიური განცხადების შესახებ. ასევე გაავლო პარალელები ორგანიზაციის მიერ გამოქვეყნებულ პირველსა და მეორე ანგარიშებს შორის.

საანგარიშო პერიოდში ორგანიზაცია წინასაარჩევნო კამპანიის დაკვირვებას საქართველოს ყველა მუნიციპალიტეტში ახორციელებდა.