აჭარა. 15 ივლისს, ბათუმის ხელოვნების სასწავლო უნივერსიტეტმა სოციალური სახლების პროექტების გამოფენას უმასპინძლა. პროექტები ბერნის, ბათუმისა და თბილისის უმაღლესი სასწავლებლების სტუდენტებმა შეიმუშავეს. ბათუმის თვითმმართველობისა და შვეიცარიის განვითარების სააგენტოს ოფიციალური შეთანხმების საფუძველზე ახალგაზრდებმა სულ 40-მდე პროექტი დაამზადეს, რომელთაგან 25 საუკეთესო ნაშრომი საავტორო უფლებების დაცვით და ცვლილებების შეტანის უფლებით ქალაქის თვითმმართველობას გადაეცა. აღნიშნულ პროექტების მიხედვით ბათუმის მერია „იაფი სახლისა" და მოხუცთა თავშესაფრის აშენებას გეგმავს. საუკეთესო პროექტის ავტორი კი კვალიფიკაციის ასამაღლებლად შვეიცარიაში გაემგზავრება.