თბილისი. არასამთავრობო ორგანიზაცია „პარტნიორობა თანაბარი უფლებებისთვის" (PHR) შშმ პირებისათვის ხელმისაწვდომი გარემოს უზრუნველსაყოფად განცხადებით მიმართა სამთავრობო უწყებებს. კერძოდ, განცხადებაში საუბარი იყო მეტროსადგურ „უნივერსიტეტის" მშენებლობის პროცესში ხელმისაწვდომობის დადგენილი სტანდარტების გათვალისწინებას, რათა შშმ პირებს დაუბრკოლებლად შეეძლოთ თბილისის მეტროს მომსახურებით სარგებლობა.

„სსიპ საქართველოს მუნიციპალური განვითარების ფონდმა განიხილა მიმართვა და შესაძლებლად მიიჩნია ხელმისაწვდომობის უზრუნველყოფა მშენებარე მეტროსადგურში. PHR სხვა მეტროსადგურების ხელმისაწვდომობის გაზრდაზე ადვოკატირებას შესაბამის უწყებებთან საკითხის განხილვის გზით გააგრძელებს. გაერთიანებული ერების შეზღუდული შესაძლებლობის მქონე პირთა უფლებების კონვენციის (UN CRPD) მე-9 მუხლი მისაწვდომობა", ნათქვამია ორგანიზაციის ვებგვერდზე სოციალურ ქსელში.

წყარო: ორგანიზაციის ვებგვერდი სოციალურ ქსელში