აჭარა. 8 სექტემბერს, საკონსტიტუციო სასამართლოში გერმანულ-კავკასიური სკოლა „ევროპული სისხლის სამართალი" გაიხსნა. პროექტის მიზანი სამხრეთ კავკასიის ქვეყნებში სტუდენტებისა და სამართალ-პრაქტიკოსებისთვის ევროპულ სისხლის სამართალში სემინარების ჩატარება და შიდა კავკასიური დიალოგის ჩამოყალიბებაა. სკოლას 5 აზერბაიჯანელი, 5 სომეხი და 15 ქართველი მონაწილე ჰყავს. ლექციებს ევროპული სისხლის სამართლისა და ადამიანის უფლებათა ევროპული კონვენციის შესახებ გერმანელი პროფესორები წაიკითხავენ.

სკოლის 25-ვე მონაწილე ბერლინის ჰუმბოლდტის უნივერსიტეტის იურიდიული ფაკულტეტის სერტიფიკატს მიიღებს.