EMC ქობულეთში მიმდინარე მოვლენებს სწავლობს
თბილისი. „ადამიანის უფლებების სწავლებისა და მონიტორინგის ცენტრის" (EMC) თანამშრომლები ქობულეთში მიმდინარე რელიგიურ კონფლიქტს სწავლობენ. ისინი ადგილზე, კონფლიქტის მიმდინარეობასა და ადამიანის უფლებების დარღვევის ფაქტებს აღრიცხავენ.
„ადგილობრივ მაცხოვრებლებს პანსიონის წინ მორიგეობა აქვთ დაწესებული და მუსლიმებს პანსიონის შენობაში გადაადგილების თავისუფლებას უზღუდავენ. მათ გადაკეტილი აქვთ პანსიონის ეზოს შესასვლელი და ცდილობენ გააკონტროლონ შენობაში შესვლის პროცესი. აღსანიშნავია, რომ ადგილობრივი მაცხოვრებლები აგრესიულები არიან იქ მიმსვლელი სხვა პირების მიმართაც, რომლებიც სიტუაციის გარკვევას ცდილობენ", ნათქვამია ორგანიზაციის გვერდზე .
წყარო: ორგანიზაციის გვერდი სოციალურ ქსელში
