თბილისი. აგვსიტოს ომის მე-12 წლისთავთან დაკავშირებით, საქართველოს სახალხო დამცველმა განცხადება გაავრცელა.  „2008 წლის აგვისტოს ომის მე-12 წლისთავზე კონფლიქტის ზონაში მცხოვრები, როგორც ქართველი, ისე ოსი და აფხაზი მოსახლეობა დღემდე მწვავედ განიცდის ომის დამანგრეველ შედეგებს.  განსაკუთრებით საგანგაშოა სიცოცხლის უფლების უკანონო ხელყოფის ფაქტები. აღნიშნულს ცხადყოფს 2014 წელს დავით ბაშარულის, 2016 წელს გიგა ოთხოზორიას, 2018 წელს არჩილ ტატუნაშვილის და 2019 წელს ოკუპირებული აფხაზეთის, გალის რაიონის სოფელ ნაბაკევის რუსულ სამხედრო ბაზაზე, საქართველოს მოქალაქის ირაკლი კვარაცხელიას სიცოცხლის უფლების დარღვევა. ხაზგასასმელია ის ფაქტი, რომ ყველა მკვლელობაში უშუალო მონაწილე საოკუპაციო რეჟიმების წარმომადგენლები არიან.  გადაადგილების თავისუფლება უმწვავეს პრობლემას წარმოადგენს. ოკუპირებული ახალგორის რაიონის ტერიტორიაზე არსებული სავალალო უფლებრივი მდგომარეობა და ჰუმანიტარული კრიზისი ნათლად წარმოაჩინა ე.წ. გამშვები პუნქტის თვითნებური ჩაკეტვის შედეგად, არასათანადო სამედიცინო დახმარების გამო ოკუპირებულ ტერიტორიაზე მცხოვრებ პირთა გარდაცვალების ფაქტებმა.  წლების განმავლობაში, ოკუპირებულ ტერიტორიებზე, ერთ–ერთ ყველაზე პრობლემურ საკითხად რჩება საოკუპაციო ხაზზე მოქალაქეთა დაკავებისა და თავისუფლების უკანონო შეზღუდვის ფაქტები, პატიმართა ცემა, არასათანადო მოპყრობა და წამება დროებით იზოლატორებსა თუ საპყრობილეებში.  2008 წლის ომიდან 12 წელი გავიდა. მიუხედავად ამისა, საოკუპაციო რეჟიმი კვლავ აგრძელებს უკანონო ბორდერიზაციას“, - ვკითხულობთ განცხადებაში.  სრულად...   წყარო: ორგანიზაციის ვებგვერდი

თბილისი. საერთაშორისო გამჭვირვალობა - საქართველომ, დღეს, საზოგადოებას წარუდგინა ახალი ვებგვერდი Russianoccupation ge ვებგვერდზე მოცემულია ამ კონფლიქტით დაზარალებული სოფლები და რუსული ბაზები, რომელიც საქართველოს ტერიტორიაზეა განთავსებული.  „2008 წლის შემდეგ 12 წელი გავიდა. ამ ომში საქართველომ 125 სოფელზე დაკარგა კონტროლი; დაიღუპა 850, დაშავდა 2000-ზე მეტი, 20 000-მდე ადამიანი კი დღემდე დევნილობაში ცხოვრობს; მცოცავი ოკუპაცია დღემდე გრძელდება და ჩვენს მოქალაქეებს გამყოფი საზღვრის კვეთის გამო აკავებენ“, - გვახსენებს.  სრულად...   წყარო: გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ბლოგპოსტს - „12 წელი 2008 წლის აგვისტოს ომიდან: რუსული დეზინფორმაცია და რეალური ფაქტები“. „2020 წელს, 2008 წლის აგვისტოს რუსეთ-საქართველოს ომის დაწყებიდან 12 წელი გავიდა. ისევე როგორც 2008 წელს, დღესაც რუსეთ-საქართველოს ომთან დაკავშირებით აქტიურია რუსული პროპაგანდა, რომელიც დეზინფორმაციის გავრცელების გზით ცდილობს დაარწმუნოს როგორც რუსეთისა და საქართველოს მოსახლეობა, ასევე საერთაშორისო საზოგადოება, რომ ომი 2008 წლის 8 აგვისტოს საქართველომ დაიწყო ეთნიკური ოსების წინააღმდეგ, რომელთა „დასაცავადაც“ რუსეთი „იძულებული გახდა“ საქართველოში სამხედრო ინტერვენციის გზით შემოსულიყო. რეალურად კი აღნიშნულ კონფლიქტს გაცილებით ვრცელი ისტორია აქვს, რომელიც ადასტურებს, რომ ომის ინიციატორი საქართველო არ ყოფილა“, - ნათქვამია ბლოგპოსტში. სრულად...  წყარო: ორგანიზაციის ვებგვერდი

თბილისი. რუსეთსა და საქართველოს შორის კონფლიქტის 12 წლისთავთან დაკავშირებით, საქართველოში ამერიკის შეერთებული შტატები საელჩო განცხადებას ავრცელებს. „თორმეტი წელი გავიდა მას შემდეგ, რაც რუსეთი საქართველოს აფხაზეთისა და სამხრეთ ოსეთის რეგიონებში შეიჭრა. 7 აგვისტო მწუხარებით გვახსენებს რუსეთის ოკუპაციის შედეგად დაზარებულ ათასობით ადამიანს, რომლებიც კვლავაც განსაცდელში რჩებიან. დღეს ვიხსენებთ იმ ადამიანებს, რომლებსაც თავიანთი სახლების დატოვება და დევნილობა აიძულეს. ჩვენ ვიხსენებთ უდანაშაულო, მშვიდობიან მოქალაქეებს, რომლებიც დაიღუპნენ იმის გამო, რომ დე ფაქტო ხელისუფლებამ ადმინისტრაციული გამყოფი ხაზი ჩაკეტა და არ მისცა მათ გადაუდებელი სამედიცინო დახმარების მიღების უფლება. ჩვენ გვახსოვს უკანონო „ბორდერიზაციის“ შედეგად გახლეჩილი ოჯახები და დაკარგული საარსებო წყარო. მაშინ, როდესაც მთელი მსოფლიო კოვიდ 19-ით გამოწვეულ ზიანთან გამკლავებას ცდილობს, საქართველო, ამავდროულად, ზარალდება სავაჭრო ურთიერთობების დაკარგვით იმ მოქალაქეებს შორის, რომლებიც ახლა ერთმანეთს თვითნებურად დადგენილი გამყოფი ხაზებით არიან მოწყვეტილი, ეს კი ქვეყნის ეკონომიკური აღდგენის პროცესს კიდევ უფრო აბრკოლებს“, - აღნიშნულია განცხადებაში,- „2008 წლის შეთანხმების ფარგლებში რუსეთის მიერ ნაკისრი ვალდებულებები მკაფიოა: რუსეთმა უნდა გაიყვანოს თავისი ძალები კონფლიქტის დაწყებამდე არსებულ პოზიციებზე და უზრუნველყოს ჰუმანიტარულ დახმარებაზე შუფერხებელი წვდომა. გარდა ამისა, ჩვენ მოვუწოდებთ რუსეთს, უკან წაიღოს აფხაზეთისა და სამხრეთ ოსეთის ე.წ. დამოუკიდებლობის აღიარება. არსებითად მნიშვნელოვანია, რომ ასი ათასობით დევნილმა და ლტოლვილმა შეძლოს საკუთარ სახლში უსაფრთხოდ და ღირსეულად დაბრუნება. ამერიკის შეერთებული შტატების ერთგულება ქართველი მეგობრებისა და პარტნიორების მიმართ ურყევია. ჩვენ ქართველი ხალხის გვერდით ვდგავართ და მათთან ერთად მოვუწოდებთ რუსული აგრესიის შედეგად გაყოფილ საზოგადოებებს კვლავ გაერთიანებისკენ“. სრულად...  წყარო: გვერდი სოციალურ ქსელში

თბილისი. რუსეთსა და საქართველოს შორის კონფლიქტის 12 წლისთავთან დაკავშირებით, საქართველოში ევროკავშირის წარმომადგენლობა განცხადებას აქვეყნებს.  „მრავალი გლობალური გამოწვევის მიუხედავად, ევროკავშირის მიერ საქართველოში არსებული კონფლიქტების მშვიდობიანი გზით მოგვარების მხარდაჭერა ისეთივე მყარია, როგორც ყოველთვის. სამწუხაროდ, ბოლო თვეების განმავლობაში, დაძაბულობა ძლიერი რჩება და აფხაზეთსა და სამხრეთ ოსეთში რუსეთს კვლავ ჰყავს ძალები, რაც არღვევს საერთაშორისო კანონმდებლობასა და რუსეთის მიერ აღებულ ვალდებულებებს, რომელიც 2008 წლის 12 აგვისტოს შეთანხმებით არის გათვალისწინებული“, - აღნიშნულია განცხადებაში,- „ევროკავშირი კიდევ ერთხელ ადასტურებს მზადყოფნას, გააგრძელოს საქართველოში სტაბილიზაციისა და კონფლიქტის მოგვარებისკენ მიმართული ძალისხმევა, მათ შორის, ჟენევის დისკუსიებში თანათავმჯდომარის რანგში მონაწილეობის, სამხრეთ კავკასიისა და საქართველოს კრიზისის საკითხებში ევროკავშირის სპეციალური წარმომადგენლის საქმიანობისა და ადგილზე მნიშვნელოვანი როლის მქონე ევროკავშირის სადამკვირვებლო მისიის მუშობის საშუალებით. ევროკავშირი კვლავ გამოთქვამს საქართველოს დამოუკიდებლობის, სუვერენიტეტისა და ტერიტორიული მთლიანობის მტკიცე მხარდაჭერას ქვეყნის საერთაშორისოდ აღიარებულ საზღვრებში“.  სრულად... წყარო: ორგანიზაციის ვებგვერდი

თბილისი. სისხლის სამართლის საერთაშორისო სასამართლოსთვის საქართველოს კოალიცია ეხმიანება რუსეთის მიერ საქართველოს მოქალაქეების, მათ შორის, ზაზა გახელაძის და ხვიჩა მღებრიშვილის უკანონო დაკავებისა და ბრალდების საქმეებს და ამ ქმედებებს რუსეთის მხრიდან ადამიანის ფუნდამენტური უფლებების მნიშვნელოვან დარღვევად აფასებს.  „ზაზა გახელაძის და ხვიჩა მღებრიშვილის დაკავების და ბრალდების საქმეები სხვა ინციდენტებთან ერთად ნათლად მიუთითებს რუსეთის და აფხაზეთისა და სამხრეთ ოსეთის/ცხინვალის რეგიონის დე-ფაქტო ხელისუფლებათა მხრიდან ადამიანის ფუნდამენტური უფლებების სისტემური ხელყოფის ფაქტებზე. არსებულ მძიმე უფლებრივ მდგომარეობაზე პასუხისმგებლობა სწორედ რუსეთის ფედერაციას ეკისრება როგორც ცხინვალის რეგიონის/სამხრეთ ოსეთის და აფხაზეთის ტერიტორიებზე ეფექტიანი კონტროლის განმახორციელებელ სახელმწიფოს. ოკუპირებული ტერიტორიები, ისევე, როგორც დე-ფაქტო ხელისუფლების წარმომადგენელთა ქმედებები უკონტროლო და თვითნებურია, რაც შესაბამისი აქტორების მხრიდან დროულ და სათანადო რეაგირებას საჭიროებს“, - ნათქვამია განცხადებაში.  სრულად   წყარო: https://www.gyla.ge/ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს სალომე ასანიძის ბლოგპოსტს: ენგურს მიღმა დილა სხვანაირად თენდება. „ქართველებს ენატრებათ აფხაზეთი, თუმცა აფხაზ ხალხთან ურთიერთობის აღდგენაზე ნაკლებადაა საუბარი, რაც საშუალებას მაძლევს დავსვა კითხვა - თუ აფხაზეთი საქართველოს ნაწილად ითვლება და თუ ის სანატრელი დაკარგული ტერიტორიაა, რომლის დაკარგვამ დაუძლეველი ტრავმა მოგვაყენა და იდენტობა დაგვირღვია, და თუ აფხაზეთში მცხოვრებ ხალხს საქართველოს ნაწილად მივიჩნევთ, მაშინ რატომ არ გვინდა გავაცნობიეროთ და მივიღოთ ის ფაქტი, რომ ამ ხალხს შეიძლება განსხვავებული შეხედულებები ჰქონდეთ? რატომ არ ვეძებთ კომუნიკაციის დამყარების გზებს? რატომ არის ჩვენი თაობისთვის აფხაზეთი მითი და როგორ აზროვნებენ ჩვენი თაობის აფხაზი ახალგაზრდები?“. სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს თეონა ფირანიშვილის ბლოგპოსტს: ციცაბო კლდეზე სიარული ანუ აღიარება - არაღიარების მიჯნაზე. „რატომ არ გამოგვდის ჩვენ 30 წელია ციცაბო კლდეზე სიარული? რატომ გვეშინია კომუნიკაციის, ალტერნატივების და მოქნილი გადაწყვეტილებების ძიების, როდესაც აფხაზი ბავშვი ჭადრაკის სათამაშოდ მიდის საერთაშორისო ტურნირზე, ან Chevening გაცვლით პროგრამაში იღებს მონაწილეობას, ან აფხაზეთში უფლებების მდგომარეობას აფასებს დამოუკიდებელი საერთაშორისო ექსპერტი. რატომ არ ვფიქრობთ ამ ჩაკეტილი ყუთის მიღმა შესაძლებლობებზე, რატომ არ გვინდა პირდაპირი დიალოგი და ვიქცევით ისე თითქოს ისინი არ არსებობდნენ? არ ვფიქრობთ იმაზე რომ იმ აფხაზი ბავშვისთვის, რომელსაც საქართველომ ხელი შეუშალა ჭადრაკის ჩემპიონატზე გასულიყო, საქართველო მუდმივად არაკეთილისმსურველ სუბიექტად დარჩება. და როცა ეს თაობა მოვა დე-ფაქტო ხელისუფლების სათავეში, რომელსაც განათლებას, ჯანდაცვას, მოგზაურობას უშლიდნენ, მერე როგორ ვილაპარაკოთ შერიგებაზე, ნდობის აღდგენაზე, დიალოგზე?“ სრულად... წყარო: emc.org.ge

თბილისი. ადამიანის უფლებათა სახლების ქსელი, თამარა მეარაყიშვილის საქმესთან დაკავშირებით, განცხადებას ავრცელებს.  „ჩვენ, ადამიანის უფლებათა სახლების ქსელის 60 წევრი, ღრმა შეშფოთებას გამოვთქვამთ სამხრეთ ოსეთის დე ფაქტო ხელისუფლების მიერ ცნობილი უფლებადამცველის, თამარა მეარაყიშვილის მიმართ განხორციელებულ სამართლებრივ დევნასთან დაკავშირებით. დე ფაქტო მთავრობის მიერ ბრალის წაყენება და შემდგომი სამართლებრივი დევნა თამარა მეარაყიშვილის მიერ დე ფაქტო სამხრეთ ოსეთში კორუფციის გამოვლენის მცდელობებს მოჰყვა. თამარა მეარაყიშვილი საკუთარი პროფესიული საქმიანობის შესრულებისას თავისი ძირითადი და კანონიერი უფლებებით სარგებლობდა და ის, როგორც უფლებადამცველი, აუცილებელია სარგებლობდეს შესაბამისი გარანტიებით“, - ნათქვამია განცხადებაში.  სრულად...  წყარო: https://hrht.ge

თბილისი. ადამიანის უფლებათა ცენტრი აქვეყნებს ანგარიშს „ადამიანის უფლებათა მდგომარეობა აფხაზეთისა და სამხრეთ ოსეთის გამყოფ ხაზებზე, 2019“.  დოკუმენტი მოიცავს მნიშვნელოვან საკითხებს, რომელიც, აფხაზეთისა და სამხრეთ ოსეთის გამყოფ ხაზებზე, ადამიანის უფლებათა მდგომაროებას შეეხება.  ანგარიში...  წყარო: http://www.humanrights.ge

თბილისი. humanrights.ge აქვეყნებს ბუკლეტს „უკანონო დაკავებათა ისტორიები საოკუპაციო ხაზიდან“.  „წინამდებარე ბუკლეტის მიზანია იმ პრობლემებისა და უფლებადარღვევების შესახებ ცნობიერების ამაღლება, რასაც ადგილი აქვს საქართველოს ოკუპირებული ტერიტორიების - აფხაზეთისა და ცხინვალის რეგიონის/სამხრეთ ოსეთის გამყოფ ხაზებზე. ბუკლეტში ასახულია უშუალოდ იმ ადამიანების მიერ მოთხრობილი ისტორიები, რომლებიც ბოლო წლებში გახდნენ უკანონო დაკავებებისა და გატაცების მსხვერპლი რუსეთის ფედერაციის წარმომადგენლების მხრიდან“, - ვკითხულობთ ბუკლეტის წინასიტყვაობაში.  სრულად  წყარო: humanrights.ge

სამეგრელო. ქალთა საინფორმაციო ცენტრმა, ზუგდიდის და წალენჯიხის მუნიციპალიტეტებში, პროექტის „ნდობის აღდგენის ხელშეწყობა გამყოფი ხაზის მიმდებარედ მცხოვრებ მოსახლეობაში" ფარგლებში, ჩაატარა შეხვედრები. „შეხვედრების მიზანი იყო პროექტის ფარგლებში, გამყოფი ხაზის მიმდებარე სოფლების მოსახლეობის საჭიროებებისა და პრიორიტეტების კვლევის პირველადი შედეგების გაცნობა, მათი მოსაზრებების მოსმენა და პრობლემურ საკითხებზე და მის გადაჭრის გზებზე მსჯელობა", ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

<div style="text-align: justify;"><span style="font-weight: bold;">თბილისი. </span>„ადამიანის უფლებების სწავლებისა და მონიტორინგის ცენტრი" (EMC), რომელიც, პარტნიორ ორგანიზაციებთან ერთად, სოციალურ მუშაკებსა და „სოციალური მომსახურების სააგენტოს" შორის მოლაპარაკებებში იყო ჩართული, განცხადებას ავრცელებს.</div> <div style="text-align: justify;">„EMC სოლიდარობასა და მხარდაჭერას უცხადებს სოციალურ მუშაკებს მათი და მოწყვლადი სოციალური ჯგუფების უფლებებისთვის სამართლიან ბრძოლაში. ამავე დროს, მოუწოდებს:</div> <div style="text-align: justify;">საქართველოს მთავრობას - დაუყოვნებლივ მოახდინოს რეაგირება სოციალურ მუშაკთა სამართლიან მოთხოვნებზე, მათ შორის დროულად მოიძიოს შესაბამისი საბიუჯეტო სახსრები გადაუდებელი პრობლემების აღმოფხვრის მიზნით, ხოლო გრძელვადიანი პრობლემების გადაჭრისთვის წარმოადგინოს სამოქმედო გეგმა, მათი შესრულების ვადების განსაზღვრით;</div> <div style="text-align: justify;">საქართველოს ოკუპირებულ ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს - დაუყოვნებლივ დაიწყოს სოციალური სერვისებისა და სოციალური მუშაობის გადააზრება, შესაბამის კვლევებზე დაყრდნობითა და დარგის სპეციალისტების მონაწილეობით დაგეგმოს ამ სფეროს გარდაქმნისთვის საჭირო რეფომრების გატარება, მათ შორის ახალი სერვისების შექმნა;</div> <div style="text-align: justify;">საქართველოს ოკუპირებულ ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსა და სსიპ „სოციალური მომსახურების სააგენტოს" - უზრუნველყონ თანამშრომელთა გაფიცვის უფლების რეალიზების სრული და განუხრელი დაცვა, რაც მათ შორის უნდა გამორიცხავდეს დასაქმებულთა მიმართ ყევლა სახის ზეწოლის განხორციელებას, მათ შორის მათ დაშინებას სამსახურიდან გათავისუფლების, დისციპლინური თუ სხვა სახის პასუხისმგებლობის დაყენების მუქარის სახით და დაუყოვნებლივ მოახდინოს რეაგირება ყველა მსგავს შემთხვევაზე", - ვკითხულობთ განცხადებაში.</div> <div style="text-align: justify;"><a href="http://emc.org.ge/ka/products/emc-sotsialur-mushakebs-mkhardacheras-utskhadebs" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div> <div style="text-align: justify;"><br /> </div> <div style="text-align: justify;"><br /> </div>

თბილისი. „ადამიანის უფლებების სწავლებისა და მონიტორინგის ცენტრი" (EMC) ეროვნული უსაფრთხოების საბჭოს შექმნის შესახებ ინიცირებულ კანონპროექტს ეხმიანება. გავრცელებულ მოსაზრებაში, EMC-ს გამოჰყოფს რამდენიმე მნიშვნელოვან მიმართულებას და მოუწოდებს საქართველოს პარლამენტს, საკითხის დეტალური განხილვისთვის, ორგანიზება გაუწიოს დამატებით შეხვედრებს და ჩართოს პროცესში დაინტერესებული ჯგუფები.  სრულად წყარო: ორგანიზაციის ვებგვერდი

<div style="text-align: justify;"><span style="font-weight: bold;">იმერეთი.</span> 20-21 დეკემბერს ცენტრი „აფხაზეთის" ქუთაისის ოფისში ჩატარდა 2 დღიანი ტრენინგი თემაზე „კონფლიქტის მართვა და პრევენცია".</div> <div style="text-align: justify;">ტრენინგს იმერეთის რეგიონში დევნილთა დასახლებებში მცხოვრები ახალგაზრდები დაესწრნენ, რომლებსაც სურვილი აქვთ გახდნენ „ჰაუსმასტერები" და მონაწილეობა მიიღონ თავიანთი საცხოვრისების განვითარებაში.</div> <div style="text-align: justify;"><a href="http://www.facebook.com/CHCAGeorgia/posts/2297016030323016?__tn__=-UC-R" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის ვებგვერდი სოციალურ ქსელში</div> <div><br /> </div>

შიდა ქართლი. საქართველოს სახალხო დამცველმა სოფელ წილკანში ცხინვალში გარდაცვლილი არჩილ ტატუნაშვილის ოჯახს შეხვდა და საქმეში სახალხო დამცველის ჩართულობის შესახებ ინფორმაცია მიაწოდა. „ჩვენ მივაწვდინეთ ინფორმაცია ყველა საერთაშორისო ორგანიზაციას და ვცდილობთ მაქსიმალურად დაჩქარდეს გადმოსვენების პროცესი. ამ ეტაპზე ოჯახისთვისაც და სახელმწიფოსთვისაც პირველი რიგის ამოცანა სწორედ ეს არის. ჯერ-ჯერობით, ძნელია იმის დაზუსტება კონკრეტულად რა დრო დაჭირდება გადმოსვენების პროცესს, ინფორმაციის მიღება ოკუპირებული რეგიონიდან გართულებულია, გამკაცრებულია საპოლიციო რეჟიმი. ჩვენ ვიქნებით ჩართული საქმის ყველა ეტაპზე და მაქსიმალურად მივაწვდით ინფორმაციას საზოგადოებას", – განაცხადა ნინო ლომჯარიამ. სრულად  წყარო: ორგანიზაციის ვებგვერდი

თბილისი. საქართველოს ეროვნული პლატფორმის წევრი ორგანიზაციები, არჩილ ტატუნაშვილის საქმესთან დაკავშირებით, განცხადებას ავრცელებენ. „აღმოსავლეთ პარტნიორობის სამოქალაქო საზოგადოების ფორუმის საქართველოს ეროვნული პლატფორმის წევრი ორგანიზაციები მწუხარებას გამოვთქვამთ მიმდინარე წლის 23 თებერვალს ცხინვალში საქართველოს მოქალაქის არჩილ ტატუნაშვილის გარდაცვალების გამო", - ნათქვამია განცხადებაში, - „სამოქალაქო საზოგადოება შეშფოთებულია სიტუაციის ესკალაციით და მივიჩნევთ, რომ სიტუაციის შემდგომი დეესკალაციისათვის საჭიროა დაღუპული არჩილ ტატუნაშვილის ცხედარი დაუყოვნებლივ გადაეცეს მის ოჯახს. ამ პროცესის კიდევ უფრო გაჭიანურება გამოიწვევს სიტუაციის უკიდურესად დაძაბვას და შესაძლოა პროცესები უმართავი გახადოს, რაც ხელს აძლევს სწორედ საოკუპაციო რეჟიმს, მაგრამ არა - ამ რეჟიმის მმართველობის ქვეშ მცხოვრებ მოსახლეობას". სრულად  წყარო: ორგანიზაციის ვებგვერდი

თბილისი. ცხინვალის იზოლატორში საქართველოს მოქალაქის, არჩილ ტატუნაშვილის გარდაცვალებას საქართველოს სახალხო დამცველი განცხადებით ეხმაურება. „2018 წლის 23 თებერვალს ცხინვალის დე ფაქტო ხელისუფლებამ გაავრცელა ინფორმაცია ცხინვალის იზოლატორში საქართველოს მოქალაქის არჩილ ტატუნაშვილის გარდაცვალების შესახებ. სახალხო დამცველისათვის მიწოდებული ინფორმაციით, არჩილ ტატუნაშვილი ცხინვალის საავადმყოფოში უკვე გარდაცვლილი მიიყვანეს და სამედიცინო პერსონალის შეფასებით, დაზიანებები მიანიშნებდა, რომ იგი ნაცემი იყო. სახალხო დამცველი მოუწოდებს საოკუპაციო ძალებს დაუყოვნებლივ გადმოსცენ ტატუნაშვილის ცხედარი საქართველოს ხელისუფლებას, რათა მას ჩაუტარდეს სამედიცინო ექპერტიზა და დადგინდეს გარდაცვალების გამომწვევი მიზეზები და ხანდაზმულობა; ასევე, ითანამშრომლონ საქართველოსთან საქმის ეფექტური გამოძიების მიზნით", - აცხადებს სახალხო დამცველი. სრულად  წყარო: ორგანიზაციის ვებგვერდი

თბილისი. საქართველოს სახალხო დამცველის ინიციატივით, 16 ნოემბერს გაიმართა საჯარო დისკუსია თემაზე - „ადამიანის უფლებების მდგომარეობა კონფლიქტით დაზარალებულ რეგიონებში: არსებული გამოწვევები და სახელმწიფოს სტრატეგია". შეხვედრაზე საქართველოს სახალხო დამცველმა წარადგინა სპეციალური ანგარიში „გადასასვლელების გაუქმების გავლენა აფხაზეთის გამყოფ ხაზზე მცხოვრები მოსახლეობის უფლებრივ მდგომარეობაზე". დისკუსია ევროკავშირის პროექტის - „ბრძოლა დისკრიმინაციის ყველა ფორმის წინააღმდეგ საქართველოში" - ფარგლებში გაიმართა. სრულად  წყარო: ორგანიზაციის ვებგვერდი

თბილისი. 17 ივლისი რომის სტატუტის, სისხლის სამართლის საერთაშორისო სასამართლოს (ICC) დამფუძნებელი დოკუმენტის მიღების, მუდმივმოქმედი სისხლის სამართლის საერთაშორისო სასამართლოს შექმნის დღეა. ამასთან დაკავშირებით, უფლებადამცველი ორგანიზაციები სპეციალურ წერილს აქვეყნებენ. „მუდმივმოქმედი სისხლის სამართლის საერთაშორისო სასამართლოს შექმნა მიზნად ისახავს განსაკუთრებით მძიმე საერთაშორისო დანაშაულებისათვის (გენოციდი, კაცობრიობის წინააღმდეგ მიმართული დანაშაული და ომის დანაშაული) პასუხისმგებელი პირების დასჯას," - ნათქვამია წერილში, - „ხელმომწერი ორგანიზაციები სოლიდარობას გამოვხატავთ საერთაშორისო დანაშაულების ყველა მსხვერპლის მიმართ, რომლებსაც უარი ეთქვათ მართლმსაჯულებაზე ან რომლებიც ელოდებიან მართლმსაჯულების აღსრულებას. 2008 წლის აგვისტოს ომის შედეგად დაზარალებულები იმ ადამიანთა შორის არიან, რომლებიც ჯერ კიდევ ელოდებიან მართლმსაჯულების აღსრულებას". საქართველოს უფლებადამცველი ორგანიზაციების რეკომენდაციაა: სასწრაფოდ გაიხსნას ICC-ის ადგილობრივი ოფისი საქართველოში, რომელიც იქნება ქვაკუთხედი სასამართლოს ცნობიერების ამაღლებისა და საინფორმაციო ხასიათის ღონისძიებების განხორციელებისათვის; გაზრდის სასამართლოს ცნობიერებას ადგილობრივი და რეგიონალური კონტექსტის შესახებ; მოამზადებს ფუნდამენტს მსხვერპლთა ნდობის ფონდის (TFV) დახმარების მანდატის დასაწყებად; დაეხმარება პროკურორის ოფისს (OTP) ადგილზე მისი მოვალეობების განსახორციელებლად; იმოქმედებს, როგორც სასამართლოს წარმომადგენელი ადგილზე და ითანამშრომლებს სხვადასხვა დაინტერესებულ მხარეებთან, მათ შორის საერთაშორისო დონორებთან და დიპლომატიურ კორპუსთან; მიიღებს უკუკავშირს დაზარალებულებისაგან და მოახდენს მათი მოსაზრებების ინტეგრაციას საკუთარ საქმიანობაში; სხვა. სრულად  წყარო: საია-ს ვებგვერდი

თბილისი. საზოგადოებრივი ორგანიზაციები სოფელ ბეშუეთთან საოკუპაციო ხაზზე ე.წ. სასაზღვრო ბანერის აღმართვასთან დაკავშირებით, განცხადებას ავრცელებენ: „2017 წლის 4 ივლისს, რუსეთის საოკუპაციო ძალებმა გორის რაიონის სოფელ ბერშუეთის მიმართულებით არსებულ საოკუპაციო ხაზზე ეგრეთ წოდებული სასაზღვრო ბანერი აღმართეს. მოსკოვის მხრიდან გრძელდება საქართველოს ტერიტორიების მიტაცება და მშვიდობიან მოსახლეობაში შიშის დანერგვა. ამასთან, სახეზე გვაქვს რუსეთის მიერ უკანასკნელ პერიოდში წარმოებული ანექსიური პოლიტიკის გაგრძელება. აღნიშნული ვითარება წარმოადგენს უაღრესად სერიოზულ გამოწვევას ჩვენი ქვეყნის ეროვნული უსაფრთხოებისა და საქართველო-რუსეთის შორის კონფლიქტის მშვიდობიანი დარეგულირებისთვის. რუსეთი აგრძელებს ძირითადი საერთაშორისო ნორმების და 2008 წლის 15 აგვისტოს შეთანხმების უხეშ დარღვევას. აშკარაა, რომ რუსეთის მიზანს წარმოადგენს საქართველოს ოკუპირებული რეგიონების სრული ანექსია და საქართველოს საგარეო პოლიტიკური კურსის ცვლილება. ჩვენ მივმართავთ საქართველოს ხელისუფლებას, საერთაშორისო თანამეგობრობის, როგორც ორმხრივ, ასევე მრავალმხრივ ფორმატებში, პოზიციის მობილიზაციასთან ერთად, დაუყოვნებლივ გაიმართოს შეხვედრა უშიშროების საბჭოს ან/და უსაფრთხოებისა და კრიზისების მართვის საბჭოს ფორმატის ფარგლებში, რომელზეც განხილული იქნება საქართველოსა და მისი მოქალაქეების წინაშე დღეს არსებული მყისიერი საფრთხეები, ასევე ჩვენი ქვეყნის უსაფრთხოების უაღრესად სერიოზული გამოწვევები, რაც გამოიხატება ე.წ. ბორდერიზაციის, მცოცავ ოკუპაციასა და მოსალოდნელ ანექსიაში. პრინციპულად მნიშვნელოვანია, რომ ფუნდამენტურად გადაიხედოს რუსეთთან ურთიერთობის სტრატეგია. ამასთან, კიდევ ერთხელ აღვნიშნავთ, რომ შექმნილ ვითარებაში აუცილებელია ანტი-ანექსიური სტრატეგიის შემუშავება და მისგან გამომდინარე ადეკვატური მოქმედებების დაგეგმვა, რაც მსგავსი კრიზისების დროს მათზე რეაგირების ქმედითი გეგმისა და სტანდარტული ოპერატიული პროცედურების შემუშავებას გულისხმობს". სრულად წყარო: „საერთაშორისო გამჭვირვალობა საქართველოს" ვებგვერდი

შიდა ქართლი. გორში გამართული შეხვედრის მიზანს ჟენევაში, გალსა და ერგნეთში IPRM-ის სამშვიდობო მოლაპარაკებების დღის წესრიგისა და შედეგების გაცნობა წარმოადგენდა. შეხვედრის მონაწილეებმა, ასევე, განიხილეს შიდა ქართლში უსაფრთხოების კუთხით არსებული გამოწვევები და გამყოფი ხაზის მიმდებარე სოფლების დაზარალებული მოსახლების საჭიროებები. საინფორმაციო შეხვედრას, საქართველოს შერიგებისა და სამოქალაქო თანასწორობის საკითხებში სახელმწიფო მინისტრის აპარატის, სახელმწიფო უსაფთხოების სამსახურის, რეგიონალური განვითარებისა და ინფრასტრუქტურის სამინისტროს, არასამთავრობო ორგანიზაციებისა და გაეროს ქალთა ორგანიზაციის წარმომადგენლები ესწრებოდნენ. სახელმწიფო უწყებების წარმომადგენლებმა უპასუხეს ადგილობრივი მოსახლეობისა და არასამთავრობო ორგანიზაციების მიერ დასმულ შეკითხვებს და მოისმინეს მათი რეკომენდაციები. სრულად წყარო: ორგანიზაციის ოფიციალური ფეისბუქგვერდი