აჭარა. 16 ივლისს, ბათუმის დემოკრატიული ჩართულობის ცენტრში, „თხრობითი პერფორმანსების ფესტივალის" ბოლო საკონკურსო შეხვედრა გაიმართა. ფესტივალი 6 კვირის განმავლობაში მიმდინარეობდა. ყოველკვირეულად, ,,დემოკრატიის მთხრობელთა დასის" წევრებისგან დაკომპლექტებული გუნდები (5 გუნდი, თითოეულ გუნდში 6 მთხრობელი), მათ მიერ მოძიებულ და დამუშავებულ დემოკრატიის ისტორიებზე წარმოადგენდნენ თხრობით პერფომანსებს, რომლებსაც ჟიური აფასებდა. მიღებული ქულების საფუძველზე კი დასკვნით ეტაპზე გამოვლინდება საუკეთესო გუნდი, მათ გადაეცემათ სიგელები და სხვადასხვა სახის პრიზები. ,,დემოკრატიის მთხრობელთა დასში'' გაწევრიანებულნი არიან სხვადასხვა ასაკისა და პროფესიის ახალგაზრდები, რომელთაც გაიარეს „დემოკრატიის მთხრობელთა სკოლის" ტრენინგ-კურსები. ფესტივალის დასასრულს, 18 ივლისს, გამოვლინდება - ყველაზე მაღალი საერთო ჯამური ქულის მქონე - საუკეთესო გუნდი და მთხრობელი.

თბილისი. 16 ივლისს, სტუდენტურმა მოძრაობამ „მწვანე მუშტმა" ჰიდროპროექტების შესახებ მსვლელობა გამართა რუსთაველის მეტროდან თსუ–ს მეორე კორპუსამდე. „დედაბუნება გიხმობს" – ამ სახელწოდების აქცია მსვლელობაში, „ნეტგაზეთის" ინფორმაციით, ასევე მონაწილეობას იღებდნენ ორგანიზაცია „მწვანე ალტერნატივის" ველოსიდეპისტთა კლუბის, პროფკავშირების, საყდრისის გადარჩენის კომიტეტისა და რამდენიმე არასამთავრობო ორგანიზაციის წარმომადგენელი. სრულად... წყარო: netgazeti.ge

თბილისი. ადამიანის უფლებების მონიტორინგისა და სწავლების ცენტრის სამოქალაქო აქტივიზმის პლატფორმის ფარგლებში გაიმართა გიორგი ჩუბინიძის საჯარო ლექცია. ცენტრი გთავაზობთ ლექციის ვიდეო ჩანაწერს – „ხალხი, რომელიც ჯერ არ არსებობს". წყარო: ორგანიზაციის ვებგვერდი სოციალურ ქსელში

თბილისი. საერთაშორისო გამჭვირვალობა – საქართველო აქვეყნებს ახალ ბლოგს: „ვინ მიიღებს ანაკლიის პორტის მშენებლობის ნებართვას?". ორგანიზაციის ინფორმაციით, „...ანაკლიის ღრმაწყლოვანი პორტის მშენებლობის თაობაზე ინტერესი პირველ ეტაპზე 12 კომპანიამ გამოხატა, რომელთაგან მთავრობის მიერ შექმნილი კომისიის გადაწყვეტილებით, 7 კომპანია შეირჩა. ... სამთავრობო კომისიის 2015 წლის მაისის გადაწყვეტილებით, საბოლოო წინადადებების წარდგენის შესაძლებლობა 7 პრეტენდენტიდან ორს მიეცა."... საერთაშორისო გამჭვირვალობა – საქართველო დაინტერესდა, თუ ვინ არიან კონკურსის საბოლოო ეტაპზე გასული კომპანიების ორი ჯგუფის ხელმძღვანელები და მათ შესახებ სხვადასხვა წყაროდან მიღებულ ინფორმაციას აქვეყნებს ბლოგში. სრულად... წყარო: transparency.ge

თბილისი. კოალიცია „დამოუკიდებელი და გამჭვირვალე მართლმსაჯულებისთვის" განცხადებას ავრცელებს ვენეციის კომისიის წინასწარ დასკვნასთან დაკავშირებით. შეგახსენებთ, რომ 7 ივლისს, გამოქვეყნდა ვენეციის კომისიის, ევროპელი პროკურორების საკონსულტაციო საბჭოს (CCPE) და ეუთოს დემოკრატიული ინსტიტუტების და ადამიანის უფლებათა ოფისის (OSCE/ODIHR) წინასწარი დასკვნა „პროკურატურის შესახებ" საქართველოს კანონში ცვლილებების პროექტთან დაკავშირებით. კოალიციის მიერ გავრცელებულ დასკვნაში ნათქვამია: „გვსურს, კიდევ ერთხელ ხაზი გავუსვათ წინასწარ დასკვნაში მოცემულ ძირითად შენიშვნებსა და რეკომენდაციებს, რომელთა გათვალისწინება აუცილებელია პროკურატურის სისტემაში რეალური რეფორმის გასატარებლად"... სრულად... წყარო: emc.org.ge

თბილისი. საქართველოს პარლამენტის ინტერფრაქციულმა ჯგუფმა დაამტკიცა „საქართველოს ღია პარლამენტის სამოქმედო გეგმა" – იუწყება ინფორმაციის თავისუფლების განვითარების ინსტიტუტი. აღნიშნული გეგმის შემუშავებაში მონაწილეობას იღებდნენ პარლამენტარები, ინტერფრაქციული ჯგუფის სახით და არასამთავრობო და საერთაშორისო ორგანიზაციების წარმომადგენლები. სრულად... წყარო: idfi.ge

აშშ–ის საერთაშორისო განვითარების სააგენტომ  (USAID) გამოაქვეყნა საზოგადოებრივი ორგანიზაციების განვითარების ინდექსი - 2014. ორგანიზაცია ინდექსს ყოველწლიურად აქვეყნებს, პირველი ანგარიში 1997 წელს გამოაქვეყნდა. მასში საუბარია საზოგადოებრივი ორგანიზაციების მდგრადობის, განვითარების, გარემოს, ფინანსური შესაძლებლობების და ა.შ. ცენტრალური, აღმოსავლეთ ევროპის და ევრაზიის ქვეყნების საზოგადოებრივი ორგანიზაციების განვითარების ინდექსი, სხვა ქვეყნებთან ერთად მოიცავს საქართველოში საზოგადოებრივი ორგანიზაციების განვითარების ინდექსაც. საზოგადოებრივი ორგანიზაციების განვითარების ინდექსი 2014 (ინგ).. წყარო: www.usaid.gov/europe-eurasia-civil-society

თბილისი. საქართველოს ახალგაზრდა იურისტთა ასოციაციამ გამოაქვეყნა საყდრისი–ყაჩაღიანის შესახებ მომზადებული კვლევა. ორგანიზაცია მიიჩნევს, რომ 2013–2015 წლებში საყდრისი–ყაჩაღიანი ს ირგვლივ განვითარებული მოვლენები აუცილებლად უნდა გახდეს სამართალდამცავი ორგანოების მხრიდან ობიექტური გამოძიების საგანი. კვლევა... წყარო: gyla.ge

თბილისი. არასამთავრობო ორგანიზაციებმა ერთობლივი განცხადება გაავრცელეს სოფელ ორჭოსანთან და წითელუბანი–ხურვალეთის ტერიტორიაზე რუსეთის საოკუპაციო ძალების მიერ საოკუპაციო ხაზის გადმოწევის შესახებ. „ნათელია, რომ მოსკოვის მხრიდან გრძელდება საქართველოს ტერიტორიების მიტაცება და მშვიდობიანი მოსახლეობისთვის შიშის ჩანერგვა. ამჯერად საფრთხე მიადგა ისეთ სტრატეგიულ ინფრასტრუქტურას, როგორიცაა ბაქო-სუფსას მილსადენი. უახლოეს მომავალში შეიძლება საფრთხე შეექმნას ელექტროგადამცემ ხაზს ქართლი-2 და, რაც მთავარია, საქართველოს ცენტრალურ საგზაო მაგისტრალს. მიგვაჩნია, რომ ამ ვითარებაში აუცილებელია საგანგებო ზომების მიღება. პრინციპულად მნიშვნელოვანია, რომ ფუნდამენტურად გადაიხედოს რუსეთთან ურთიერთობის სტრატეგია, რის გარეშეც, ვერც ერთი ზომა ვერ იქნება შედეგიანი. ჩვენი სტრატეგიის მთავარი პრინციპი უნდა იყოს რუსეთთან ურთიერთობების დარეგულირება საერთაშორისო თანამეგობრობის ჩართულობით და მონაწილეობით. გთავაზობთ, ზოგიერთი იმ ზომის ჩამონათვალს, რომელიც, ჩვენი აზრით, საქართველოს ხელისუფლებამ მყისიერად უნდა დაუპირისპიროს აღნიშნულ საფრთხეს"... სრულად... წყარო: grass.org.ge

თბილისი. 14 ივლისს, ბავშვთა და ახალგაზრდობის განვითარების ფონდის მიერ დაფინანსებული პროექტის - „ინიციატივა სამოქალაქო საზოგადოებისათვის" პროექტის „ახალგაზრდული ინტერრელიგიური საბჭოს" პრეზენტაცია გაიმართა. ღონისძიებას ესწრებოდნენ, როგორც აღნიშნული პროექტის ორგანიზატორები და მოწვეული სტუმრები, ასევე სპორტისა და ახალგაზრდობის საქმეთა სამინისტროს წარმომადგენლები. საუბარი შეეხო რელიგიური ცოდნის სიმწირეს, რომელიც წარმოშობს რელიგიურ და ეთნიკურ უთანასწორობას. სრულად... წყარო: ორგანიზაციის ვებ-გვერდი სოციალურ ქსელში

თბილისი. ახალგაზრდა ფინანსისტთა და ბიზნესმენთა ასოციაცია ეხმაურება საქართველოს ჯანდაცვის მინისტრის, დავით სერგეენკოს მიერ გამოცხადებულ ჯანდაცვის პირველადი რგოლის რეფორმას. „ჯანდაცვის პირველადი რგოლის რეფორმის პროცესში რეალური ეკონომიკური ეფექტის მისაღწევად აუცილებელია სექტორში დასაქმებული მედიკოსების შრომის ღირსეული ანაზღაურება და სისტემაში ხარჯეფექტურობის მიღწევა. ეს უნდა იყოს ორმხრივი ეკონომიკური ეფექტი, რამდენადაც, ერთი მხრივ, პირველადი ჯანდაცვის სისტემის გამართულად ფუნქციონირების შემთხვევაში, ანუ, ადგილზე სწორი დიაგნოსტირებისა და სწორი მკურნალობის დანიშვნისას, პაციენტებს შეუმცირდებათ დანახარჯები მედიკამენტებზე და მეორეს მხრივ, დაიკლებს მიმართვიანობა ჰოსპიტალური სექტორისადმი, რაც თავის მხრივ, შეამცირებს ჯანდაცვის საყოველთაო პროგრამის ფინანსურ მოცულობას, ნათქვამია განცხადებაში. სრულად... წყარო: ორგანიზაციის ვებ-გვერდი სოციალურ ქსელში

თბილისი. საია რუსეთის ფედერაციის მიერ საოკუპაციო ზოლის გაფართოების მორიგ ფაქტს ეხმაურება. მედიაში გავრცელებული ინფორმაციის თანახმად, 2015 წლის 11 ივლისს, გორის რაიონის სოფელ ორჭოსანში ე.წ. გამყოფმა ხაზმა 300 მეტრით, ხოლო წითელუბანი-ხურვალეთის ტერიტორიაზე დაახლოებით კილომეტრ ნახევრით გადმოიწია. „საია მოუწოდებს ხელისუფლებას შექმნას ერთიანი ბაზა საოკუპაციო ზოლის გაფართოების შედეგად დაზარალებული მოსახლეობის, საოკუპაციო ზოლში მოქცეული სასოფლო-სამეურნეო მიწების და საცხოვრებელი სახლების რაოდენობის და მოსახლეობისთვის მიყენებული მატერიალური ზიანის გამოსათვლელად. საია ასევე მოუწოდებს საქართველოს ხელისუფლებას გამოიყენოს ყველა შესაძლო დიპლომატიური და საერთაშორისო სამართლებრივი მექანიზმი რუსეთის ფედერაციის მიერ საქართველოს ტერიტორიის ოკუპაციის დასრულების და საქართველოს მოქალაქეთა უფლებების ხელყოფის შესაჩერებლად"... სრულად...  წყარო: gyla.ge

თბილისი. კოალიცია „დამოუკიდებელი და გამჭვირვალე მართლმსაჯულებისთვის" სასამართლო რეფორმას აფასებს: „მიგვაჩნია, რომ კანონპროექტით შემოთავაზებულია მთელი რიგი საკითხების გაუმჯობესებული რეგულირება. თუმცა, ასევე ვფიქრობთ, რომ ცალკეული ინიციატივები დამატებით დამუშავებას მოითხოვს, რამდენადაც ქმნის საფრთხეს სასამართლოს დამოუკიდებლობისთვის"... სრულად... წყარო: transparency.ge

სამცხე–ჯავახეთი. დემოკრატ მესხთა კავშირი, რეგიონის მოსახლეობისთვის სპეციალურ მობილურ საკონსულტაციო ცენტრებს ქმნის. ცენტრის დახმარებით, მოსახლეობას ქალაქის ცენტრში ჩამოსვლის გარეშე, შესაძლებლობა ეძლევა, საკუთარ თემში (ქალაქში, სოფელში) ისარგებლოს უფასო იურიდიული კონსულტაციით. „დემოკრატ მესხთა კავშირი ფონდ „ეროვნული წვლილი დემოკრატიისათვის" (NED) ფინანსური მხარდაჭერით იწყებს პროექტ „იურიდიული დახმარება და ადამიანის უფლებები სამცხე-ჯავახეთში". პროექტის მიზანია გაზარდოს სამართლიანობის ხელმისაწვდომობა სამცხე-ჯავახეთის რეგიონის მოსახლეობისათვის, ხელი შეუწყოს, ადამიანის უფლებების კუთხით, მათი ცნობიერების ზრდას და დაეხმაროს ადვოკატირების გზით მოახდინონ საკუთარი უფლებების დაცვა". სრულად...  წყარო: ორგანიზაციის ვებ0-გვერდი სოციალურ ქსელში

თბილისი. 13 ივლისს რეპატრირებული მესხების ბინადრობის პრობლემებთან დაკავშირებით მრგვალი მაგიდა გაიმართა. შეხვედრას ესწრებოდნენ: სამინისტროების, არასამთავრობოებისა და ომბუდსმენის აპარატის წარმომადგენლები. სრულად... წყარო: ორგანიზაციის ვებ-გვერდი სოციალურ ქსელში

თბილისი. საერთაშორისო გამჭვირვალობა – საქართველომ გამოაქვეყნა საქართველოს პარლამენტის 2014 წლის საქმიანობის შეფასება. კვლევა ეფუძნება ორგანიზაციის მიერ მოპოვებულ ინფორმაციას, ორგანიზაციის საპარლამენტო ოფისის დაკვირვებებს, პარლამენტიდან გამოთხოვილ სტატისტიკურ ინფორმაციას და საზოგადოებრივი აზრის კვლევის შედეგებს. ანგარიში ეხება „2014 წლის მნიშვნელოვან საკანონმდებლო ცვლილებებს, პარლამენტის წევრთა საქმიანობის შეფასებას, მათ მონაწილეობას საპარლამენტო ცხოვრებაში და დისციპლინური პასუხისმგებლობის საკითხებს, პარლამენტის წევრთა კავშირს ბიზნესთან და არადეკლარირებულ სამეწარმეო საქმიანობას, ასევე, მაჟორიტარი პარლამენტის წევრების ბიუროების საქმიანობას. ანგარიშში შეფასებულია პარლამენტის კომიტეტების საქმიანობა და საპარლამენტო კონტროლის განხორციელება". სრულად... წყარო: transparency.ge

თბილისი. 13 ივნისს თბილისში განვითარებული მოვლენების შემდგომ, ჰაინრიჰ ბიოლის ფონდმა საზოგადოებას შესთავაზა საჯარო დისკუსია საქართველოში ინფრასტრუქტურული პროექტების განხორციელების პრაქტიკისა და ხარვეზების შესახებ. მასში მონაწილეობა მიიღეს აღმასრულებელი ხელისუფლებისა და არასამთავრობო სექტორის წარმომადგენლებმა. მათ ვინც ვერ შეძლო საჯარო დისკუსიაზე დასწრება, ფონდი საშუალებას აძლევს იხილოს მისი ვიდეოჩანაწერი. სრულად... წყარო: ფონდის ვებგვერდი

თბილისი. აღმოსავლეთ–დასავლეთის მართვის ინსტიტუტის ინიციატივით, 10 ივლისს გაიმართა საჯარო დისკუსია: „ასოცირების შეთანხმების იმპლემენტაციის მართვა: როგორ მივიდეთ დასახულ მიზნამდე". დისკუსიას ესწრებოდნენ არასამთავრობო ორგანიზაციებისა და ხელისუფლების წარმომადგენლები, რომლებმაც იმსჯელეს ასოცირების შეთანხმების იმპლემენტაციის გამოწვვებზე და მათი გადაწყვეტის გზები განიხილეს. სრულად... წყარო: ორგანიზაციის ვებგვერდი სოციალურ ქსელში

თბილისი. არასამთავრობო ორგანიზაციები ერთობლივ მიმართვას ავრცელებენ სამართალდამცავი სისტემის რეფორმის საკითხებზე. „...ხელისუფლების წარმომადგენლებმა არაერთხელ განაცხადეს, რომ არასამთავრობო ორგანიზაციები აქტიურად მონაწილეობდნენ პროცესში და მათ შეკითხვებს დამაჯერებელი პასუხები გაეცა. მიუხედავად სურვილისა, პროცესის აქტიური მონაწილეები ვყოფილიყავით, ჩვენი ჩართულობა შემუშავებულ კანონპროექტზე მუშაობის დროს იყო ფორმალური და არაეფექტური. კანონპროექტის შემუშავებამდე ხელისუფლებას არ განუხორციელებია პრობლემების სათანადო ანალიზი, არ ჩამოუყალიბებია ხედვა და რეფორმის კონცეფცია, ამდენად მთლიანად პროცესი იყო არ იყო სათანადოდ გააზრებული, დაგეგმილი და ორგანიზებული", ნათქვამია განცხადებაში. სრულად... წყარო: www.transparency.ge

აჭარა. 9 ივლისს, ახლაგაზრდა იურისტთა ასოციაციისა და ორგანიზაციის „ადგილობრივი დემოკრატიის'' წარმომადგენლებმა საჯარო შეხვედრა გამართეს. შეხვედრაზე წარმოდგენილი იყო კვლევის შედეგების პრეზენტაცია – უნდა ჰქონდეს თუ არა სისხლის სამართლებრივი იმუნიტეტი თვითმართველობის არჩეულ თანამდებობის პირებს . კვლევის ფარგლებში საქარათველოს 8 თვითმმართველ ქალაქში საკრებულოების 300-მდე წევრი და მესამე სექტორის წარმომადგენელი გამოკითხეს. ორივე სექტორი, როგორც გამოკითხვამ აჩვენა, თვითმმართველობებში არჩეული თანამდებობის პირებისთვის იმუნიტეტის იდეას არ ემხრობა, თუმცა მიაჩნიათ, რომ ადგილობრივი თვითმმართველოს კოდექსში უნდა განისაზღვროს მერის და საკრებულოს თავმჯომარის გადაყენების კონკრეტული სტანდარტები. გამოკითხული რესპოდენტები მოსაზრებების შეჯამების შედეგად, პროექტის ავტორები მოამზადებენ რეკომენდაციას პარლამენტში წარსადგენად, რათა ადგილობრივ თვითმმართველობაში არჩეული თანამდებობის პირებისთვის შეზღუდული იმუნიტეტის მინიჭების შესახებ კონკრეტული ჩანაწერი გაჩნდეს.

აჭარა. 9 ივლისს, ბათუმის საკრებულოს სხდომათა დარბაზში, სამოქალაქო მრჩეველთა საბჭოსა და ბათუმის მერიის ერთობლივი ინიციატივით საჯარო შეხვედრა გაიმართა. შეხვერაზე განხილეს ბათუმის მიწათსარგებლობის გეგმაში შესატანი ცვლილებების პროექტი. შეხვედრას სამოაქალაქო მრჩეველთა საბჭოსა და ბათუმის საკრებულის წერვრები ესწრებოდნენ. ასევე, დისკუსიაში მონაწილეობა მიიღეს აჭარაში მოქმედმა მესამე სექტორის წარმომადგენლება და საზოგადოებრივი დარბაზების თავმჯდომარეებმა. შეხვედრაზე ძირითადად ის ცვლილებები განიხილეს, რომლის მიხედვითაც ქალაქის დაგეგმარება 2016 წლიდან დაიწყება.

თბილისი. 10 ივლისს, ახალგაზრდა ფინანსისტთა და ბიზნესმენთა ასოციაცია „აფბამ" ბრიფინგი გამართა საქართველოში ტურისტული სეზონის შესახებ. ორგანიზაციის ანალიტიკოსები მიიჩნევენ, რომ „ტურისტული სეზონის აქტიურ ფაზაში შესვლა, ქვეყნის ეკონომიკური მდგომარეობის დაასტაბილურებაში და იმ საგარეო ნეგატიურ ფაქტორების გაანაიტრალებაში რომელიც დღემდე არსებობს, მნიშვნელოვან როლს შეასრულებს". სრულად... წყარო: ორგანიზაციის ვებგვერდი სოციალურ ქსელში