თბილისი. გაეროს განვითარების ფონდის (UNDP) ინფორმაციით, საქართველო ემზადება საჯარო მმართველობის რეფორმის ახალი სტრატეგიის მისაღებად, რომელიც პროფესიული და გამჭვირვალე საჯარო სამსახურის, ანგარიშვალდებულების, პოლიტიკის დაგეგმვისა და ეფექტიანი სახელმწიფო სერვისების განვითარებას ემსახურება. საჯარო მმართველობის რეფორმა ხორციელდება საქართველოს მთავრობის მიერ გაეროს განვითარების პროგრამისა და დიდი ბრიტანეთის ხელშეწყობით. სრულად... წყარო: www.undp.org

სამეგრელო. სოციალური სამართლიანობის ცენტრი ვიდეოში გიყვებათ ცისანა დარასელიაზე, რომელიც ომამდე აფხაზეთში, სოფელ ნაბაკევში საბავშვო ბაღში მუშაობდა. ომის შემდეგ ქალბატონი ცისანა ადმინისტრაციული საზღვრის პირას, სოფელ ხურჩაში ცხოვრობს. მან აქ საბავშვო ბაღი აღადგინა. „სოფელ ხურჩას, მისი გეოგრაფიის გამო, მძიმე ისტორია აქვს. კონფლიქტების ყველა ტალღამ  ამ სოფელზე გადაიარა. საზღვრების გავლება ამ სოფლის ადმინისტრაციულ მოწყობას და ყოველდღიურ ცხოვრებას ცვლიდა და აზიანებდა. სოფელ ხურჩაში მცხოვრებ ოჯახებს ნათესაური და მჭიდრო მეზობლური კავშირები ჰქონდათ ნაბაკევისა და ზოგადად, გალის მოსახლეობასთან. აქ გამშვები პუნქტიც მდებარეობდა. დღეს ეს პუნქტი გაუქმებულია, ადამიანებისთვის გადაადგილების თავისუფლება და  ერთმანეთთან კონტაქტი კი, შეზღუდული“. სრულად... წყარო: socialjustice.org.ge

თბილისი. ეკონომიკური პოლიტიკის კვლევის ცენტრის (EPRC) აღმასრულებელი დირექტორი ნინო ევგენიძე, გადაცემაში „ღამის კომენტარი“ საუბრობს უკრაინის ომის შედეგებზე, მის გავლენაზე ჩვენს რეგიონში და საქართველოს როლზე ამ პროცესში. სრულად... წყარო: ორგანიზაციის გვერდი სოციალურ ქსელში

თბილისი. თუ გსურთ, საახალწლოდ, მაღალი ხარისხის ქართული ხელნაკეთი ნივთების შეძენა, ეწვიეთ „სითი მოლს“ და შეარჩიეთ რეწვის ოსტატების მიერ შექმნილი ნივთები. საახალწლო  გამოფენა-გაყიდვა ორგანიზებულია საქართველოს ტრადიციული რეწვის ასოციაციის მიერ. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი გთავაზობთ თეა ქამუშაძის სტატიას: „რუსთავის ეზოს სამლოცველოები: ქალაქის საჯარო სივრცეების საკრალიზაცია თუ დესაკრალიზაცია?!“ „პოსტ-საბჭოთა პერიოდიდან მოყოლებული მართლმადიდებლურის ეკლესიის მცდელობას მოახდინოს საჯაროს სივრცეების მონოპოლიზება, სილვია სერანო განიხილავს როგორც ეროვნული სივრცის დესეკულარიზაციის პროცესს. ამ მოცემულობას სუსტად მაგრამ გარკვეული ფორმით წინააღმდეგობას უწევს სახელმწიფო აქტორები, როდესაც კულტურული მემკვიდრეობის ძეგლებს რელიგიურ შინაარს აცლიან და მას საერთო მოხმარების სივრცეებად აყალიბებენ. ამის მაგალითად სერანო განიხილავს რაბათის კომპლექსის მშენებლობას ახალციხეში, სადაც წარმოდგენილია, როგორც მეჩეთი, ისე წმინდა მარინეს ეკლესია, თუმცა რელიგიური ფორმით არც ერთი არ ფუნქციონირებს, ისინი მხოლოდ გარეგნული ნიშნებითა და მახასიათებლებით გვიყვებიან წარსული გამოცდილების შესახებ (სერანო, 2018). ის რომ რაბათის კომპლექსი პოლიტიკური პროექტი იყო და არა კულტურული, ის ფაქტიც მიუთითებს, რომ მისი აღდგენა და მშენებლობას მაშინდელმა შინაგან საქმეთა მინისტრმა ვანო მერაბიშვილმა და მისმა უწყებამ ითავა და არა კულტურისა და ძეგლთა დაცვის სამინისტრომ, რომელსაც ძეგლის აუთენტურობაზე და ისტორიულობის შენარჩუნებაზეც უნდა ეზრუნა. პროექტის მიზანი ნაციონალური სივრცის დესაკრალიზებით მრავალფეროვნების წახალისება და მისი როგორც ღირებულების წარმოჩენა უნდა ყოფილიყო. როგორც სერანო აღნიშნავს, იმის გამოც რომ დასრულებული პროექტის წარდგენა, ხელისუფლების ცვლილებას დაემთხვა დროში და რთული წარმოსადგენია, როგორ მოემსახურება რაბათის კომპლექსი სეკულარიზაცია/დესეკულარიზაციის ლოკალურ კონტექსტს, რომელიც საკრალურის დესაკრალიზაციით უნდა ტრანსფორმირდეს საზიარო სივრცედ“. სრულად... წყარო: socialjustice.org.ge

თბილისი. რატომ იბრძვიან ყიფშიძის ქუჩის მცხოვრებლები აქ მიმდინარე მასშტაბური მშენებლობის წინააღმდეგ და რა პრობლემებს შეუქმნის აქ მიმდინარე სამუშაოები ადგილობრივებს? ვიდეოში მოისმენთ ნატო ალხაზიშვილის მოსაზრებას, რომელიც სწორედ ამ ქუჩის მცხოვრებია და თვლის, რომ აღნიშნული მშენებლობა სერიოზულ ნეგატიურ გავლენებს იქონიებს მიმდებარე გარემოზე და აქ მცხოვრები ადამიანების ყოველდღიურობაზე.  სრულად... წყარო: socialjustice.org.ge

თბილისი. საქართველოს წითელი ჯვრის საზოგადოებამ, თბილისის 41-ე საჯარო სკოლის 600-მდე უკრაინელ ბავშვს და მასწავლებელს საახალწლო საჩუქრები გადასცა. პროექტი წითელი ჯვრისა და წითელი ნახევარმთვარის საერთაშორისო ფედერაციის მხარდაჭერით დაიწყო, რაც საქართველოში შემომსვლელი უკრაინელებისათვის საინფორმაციო ცენტრების მოწყობას გულისხმობს. ცენტრი უკრაინის მოქალაქეებს ინფორმაციას მიაწვდის სახელმწიფოში არსებული, მათთვის ხელმისაწვდომი სერვისების შესახებ, ასევე გაუწევს ფსიქო-სოციალურ დახმარებას და საჭიროების შემთხვევაში პირველი მოხმარების ჰიგიენურ ნივთებს გადასცემს. სრულად... წყარო: ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაციის თავმჯდომარედ ორგანიზაციის გამგეობამ ნონა ქურდოვანიძე, თავმჯდომარის მოადგილედ კი თამარ ონიანი აირჩია. ნონა საქართველოს ახალგაზრდა იურისტთა ასოციაციაში მუშაობს 2009 წლიდან. სხვადასხვა დროს იკავებდა ადვოკატის, დევნილთა უფლებებთან დაკავშირებული პროექტების კოორდინატორის, იურიდიული დახმარების ცენტრის ხელმძღვანელის, წამების მსხვერპლთა უფლებებთან დაკავშირებული პროექტის კოორდინატორის პოზიციებს. ის 2009 წლიდან საერთო სპეციალიზაციის ადვოკატია და პირადად აქვს ნაწარმოები 100-ზე მეტ საადვოკატო საქმე საერთო სასამართლოებში და ადმინისტრაციულ ორგანოებში. არის 10-ზე მეტი კვლევის ავტორი/თანაავტორი, რომელიც მართლმსაჯულებას, ადმინისტრაციულ სამართალდარღვევათა კანონმდებლობას, არასათანადო მოპყრობას, მშვიდობიანი შეკრების უფლებას და გამოხატვის თავისუფლებას, დევნილთა მიმართ სახელმწიფო პოლიტიკას და სათანადო საცხოვრებლის უფლებას შეეხება. სრულად... წყარო: ორგანიზაციის გვერდი სოციალურ ქსელში

თბილისი. სტრატეგიული კვლევების განვითარების ცენტრის ორგანიზებით და ევროკავშირის და კონრად ადენაუერის ფონდის მხარდაჭერით, საქართველოში პირველად, CSR-ის დაინტერესებულ მხარეთა ფორუმი დაფუძნდა. პროკრედიტ ბანკის დირექტორმა, მარიტა შეშაბერიძემ, მონაწილეობა მიიღო პანელურ დისკუსიაში, რომლის მთავარი თემაც იყო კორპორაციული პასუხისმგებლობის მნიშვნელობა ეროვნული პოლიტიკის სტრატეგიული მიზნების მისაღწევად და ევროკავშირთან ასოცირების ხელშეკრულების მოთხოვნათა შესასრულებლად. ღონისძიება ჩატარდა ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ ფარგლებში. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სტრატეგიული კვლევებისა და განვითარების ცენტრის (CSRDG) ორგანიზებით, მიმდინარეობს კორპორაციული სოციალური პასუხისმგებლობით (CSR) დაინტერესებულ მხარეთა ფორუმის დაფუძნების ღონისძიება. ფორუმს სხვადასხვა სექტორის წარმომადგენლები ესწრებიან. ღონისძიების მიზანია CSR-ის ხელშემწყობი სახელმწიფო პოლიტიკის საკითხებზე დიალოგისა და თანამშრომლობის უნიკალური პლატფორმის შექმნა. ღონისძიება მიმდინარეობს ევროკავშირისა (EU) და კონრად ადენაუერის ფონდის (KAS) მიერ დაფინანსებული პროექტის „სამოქალაქო საზოგადოების ინიციატივა“ ფარგლებში. სრულად... წყარო: STAR პროექტის გვერდი სოციალურ ქსელში

სამოქალაქო საზოგადოების განვითარების ცენტრმა, მიუსაფარი ბავშვებისთვის ტრადიციული საახალწლო აქცია „ითოვლისბაბუე“ დაიწყო.  აქციის ფარგლებში, ყველას შეუძლია გახდეს თოვლის ბაბუა და აუსრულოს ბავშვებს სურვილები. ორგანიზაცია გაგიზიარებთ პატარების საახალწლო სურვილების წერილებს. თქვენ შეგიძლიათ გახდეთ საქველმოქმედო აქციის მონაწილე და გაულამაზოთ ახალი წელი მათ, ვისაც ჩვენი თანადგომა ყველაზე მეტად სჭირდება. სრულად... წყარო: ორგანიზაციის გვერდი სოციალურ ქსელში

თბილისი. 2022 წლის 9 დეკემბრიდან, „საქართველოს სახალხო დამცველის შესახებ“ ორგანული კანონის მე-9 მუხლის მესამე პუნქტის თანახმად, სახალხო დამცველის არჩევამდე, მის მოვალეობას სახალხო დამცველის პირველი მოადგილე, თამარ გვარამაძე ასრულებს.  ამ ეტაპისთვის, საქართველოს პარლამენტში ჯერ კიდევ მიმდინარეობს ახალი სახალხო დამცველის არჩევის პროცესზე მუშაობა. სრულად... წყარო: ომბუდსმენის გვერდი სოციალურ ქსელში

თბილისი. საბჭოთა წარსულის კვლევის ლაბორატორიის ცნობით, საბჭოთა ტოტალიტარული რეჟიმის მიერ ორგანიზებული შიმშილით მილიონობით უკრაინელის გენოციდიდან, ჰოლოდომორიდან 90 წელი გავიდა. ვლადიმერ პუტინის რეჟიმი ჰოლოდომორის დანაშაულს უარყოფს და 1932-1933 წლების შიმშილს დასავლეთის შეთქმულებად, „დეზინფორმაციად“ მიიჩნევს. საბჭოთა ტოტალიტარული ისტორია კი რუსული საინფორმაციო ომის მანქანის მნიშვნელოვანი იარაღია. სრულად... წყარო: ორგანიზაციის გვერდი სოციალურ ქსელში

აჭარა. 2 დეკემბერს, ქალაქ ბათუმში, განათლების განვითარების და დასაქმების ცენტრმა (EDEC), პროექტის „ჩემი სახლის მმართველი - შესაძლებლობები ნდობის მშენებლობისთვის“ ფარგლებში შემაჯამებელი შეხვედრა გამართა. ღონისძიების მიზანი იყო საქართველოში ტექნიკური მომსახურების სფეროში ახალი სერვისებისა და ე.წ. „ჰაუსმასტერის“ პროფესიის დანერგვისათვის განხორციელებული საქმიანობებისა და მიღწეული შედეგების წარდგენა, პროფესიული განათლების და კარიერული ორიენტაციის მნიშვნელობაზე მსჯელობა და საბინაო სექტორში არსებული გამოწვევების განხილვა. გაიგეთ მეტი... წყარო: ორგანიზაციის გვერდი სოციალურ ქსელში

თბილისი. წითელი ჯვრის საერთაშორისო საზოგადოება 1985 წლიდან, ყოველი წლის 5 დეკემბერს, მსოფლიო მოხალისეთა საერთაშორისო დღეს აღნიშნავს. „საქართველოს წითელი ჯვარი ყველა მოხალისეს ულოცავს ამ დღეს და მადლობას უხდის გაწეული დახმარებისთვის. მოხალისეებს დიდი წვლილი მიუძღვით წითელი ჯვრის საქმიანობაში. მათი ნებაყოფლობითი, უპირობო, პირადი სარგებლის გარეშე ადამიანების დახმარება და ადვოკატირება გასაოცარ მასშტაბებს აღწევს“. სრულად... წყარო: ორგანიზაციის გვერდი სოციალურ ქსელში

თბილისი. ძალადობისგან დაცვის ეროვნული ქსელის ქალთა ეკონომიკური გაძლიერების პროგრამის ფარგლებში შექმნილი სოციალური საწარმო „გემომეტრია“ საშობაო გამოფენა-გაყიდვაზე წარსდგა. აქცია საქველმოქმედო ხასიათის იყო და ქალთა საერთაშორისო ასოციაციის IWA-ს ორგანიზებით გაიმართა. ღონისძიებიდან შემოსული თანხა შეზღუდული შესაძლებლობების მქონე პირთა მხარდაჭერას მოხმარდება. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრის ცნობით, შარტავას ქუჩაზე, ყოფილი საბურთალოს ბაზრის მიმდებარე ტერიტორიაზე, 13-წლიანი პაუზის შემდეგ, „ოლიმპიური ვარსკვლავის“ შეჩერებული მშენებლობა წელიწადნახევრის წინ განახლდა. მშენებლობა, ახალი პროექტით, უამრავი დარღვევებით მიმდინარეობს.  2020 წლის ოქტომბერში, თბილისის საკრებულომ სოციალური სამართლიანობის ცენტრის შეფასებით, უკანონო გადაწყვეტილება მიიღო, როდესაც მთელი რიგი საკანონმდებლო მოთხოვნები მოუხსნა დეველოპერს და უგულებლყო ამ ორგანოს მთავარი პასუხისმგებლობა საჯარო და კერძო ინტერესების დაბალანსების შესახებ. ვიდეოში მოისმენთ, რა უარყოფითი გავლენები შეიძლება მოუტანოს ამ მშენებლობამ ახლო მდებარე საცხოვრებელ კორპუსებს და აქ მცხოვრები ადამიანების ყოველდღიურობას. სრულად... წყარო: socialjustice.org.ge

სამეგრელო. ფოთელი მოსწავლეებისთვის პროექტი „გახდი ახალგაზრდა მოხალისე“ იწყება.  თუ გსურთ გაიგოთ, თქვენ რამდენად ხართ მზად მოხალისეობრივი საქმიანობისთვის, შეავსეთ ტესტი და გაუზიარეთ მეგობრებს: ქვიზი... ინიციატივა ხორციელდება განათლების განვითარების და დასაქმების ცენტრის (EDEC) მხარდაჭერით, ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში. სრულად... წყარო: STAR პროექტის გვერდი სოციალურ ქსელში

თბილისი. თუ გაქვთ კითხვები ბავშვის განვითარების შესახებ მიიღეთ უფასო კვალიფიციური კონსულტაცია ენისა და მეტყველების თერაპევტისგან. შეარჩიეთ თქვენთვის სასურველი დრო, კონსულტაცია გაიმართება ოთხშაბათს, 23 ნოემბერს, 14:00, 15:00, 16:00 საათებზე. სპეციალისტთან კონსულტაციის გავლა შეგიძლიათ თქვენთვის მოსახერხებელი ფორმით - მობილურის, ვაიბერის ან ზუმის საშუალებით. კონსულტაციის დასაჯავშნად მიყევით ბმულს... რეგისტრაციისას სირთულეების შექმნის შემთხვევაში გთხოვთ დაგვიკავშირდეთ ნომერზე - 591 97 99 42. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრისთვის ცნობილი გახდა, რომ 1 ნოემბერს გარემოს ეროვნულმა სააგენტომ სოფელ მუშევანთან ახლოს ოქროს მოპოვებაზე გარემოსდაცვითი გადაწყვეტილება კანონით განსაზღვრული პროცედურებისა და მოთხოვნების დარღვევით გასცა. გარდა იმისა, რომ  პროცესში ადგილობრივი ეთნიკური უმცირესობის მონაწილეობა არ იყო სათანადოდ უზრუნველყოფილი, სააგენტომ, ასევე, კანონის დარღვევით არ განიხილა და უგულებელყო სოციალური სამართლიანობის ცენტრისა და გარემოსდაცვითი ექსპერტის მიერ წარდგენილი შენიშვნები. შესაბამისად, ორგანიზაცია გეგმავს, სასამართლოში გაასაჩივროს გარემოს ეროვნული სააგენტოს მიერ მიღებული გადაწყვეტილება. „მიგვაჩნია, რომ მუშევანში მიმდინარე პროცესები არის ქვეყანაში არსებული უფრო ფართო პრობლემური პრაქტიკის ნაწილი, როდესაც მსხვილი ეკონომიკური პროექტების განხორციელებისას სათანადო წონა არ ენიჭება გარემოსდაცვით და სოციალურ საკითხებს, ხოლო აღნიშნული პროექტების საჯარო ინტერესებთან შესაბამისობა საზოგადოებისთვის ნათელი არ არის. პროექტით გამოწვეულ მძიმე ეკოლოგიურ შედეგებს, როგორც წესი, ადგილობრივი მოსახლეობა იწვნევს, მაშინ, როცა საქმიანობით მიღებული სარგებელი ვიწრო ჯგუფის ხელში ხვდება, ისე, რომ სახელმწიფოსთვის მსგავსი პროექტების ხარჯსარგებლიანობა ბოლომდე დასაბუთებული არ არის“. სრულად... წყარო: socialjustice.org.ge

სამეგრელო. საერთაშორისო გამჭვირვალობა - საქართველოს ზუგდიდის ოფისისა და სამოქალაქო საბჭოების ორგანიზებით, მოქალაქეებმა ზუგდიდის მერიას არჩილ ფირცხალავას ქუჩის მოასფალტებისა და სანიაღვრე არხების მოწყობის მოთხოვნით მიმართეს.  „მოვუწოდებთ ზუგდიდის მერიას, ფირცხალავას ქუჩის ინფრასტრუქტურული პრობლემების მოგვარება 2023 წლის ბიუჯეტის პროექტში გაითვალისწინოს“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი გთავაზობთ ლია დეკანაძის ინტერვიუს პოლიტიკის, გენდერის და ისლამის ისტორიის მკვლევართან ინშაჰ მალიქთან. „ერთ თვეზე მეტი გავიდა, რაც 22 წლის მაჰსა ამინის ტრაგიკულ სიკვდილს ჯერ ირანის ქურთულ რეგიონში და შემდგომ მთელს ქვეყანაში ფართო საპროტესტო ტალღა მოჰყვა. მოქალაქეები საკუთარი სიცოცხლის ფასად აპროტესტებენ სავალდებულო ჰიჯაბის წესს და დემონსტრაციულად წვავენ მას, გამოდიან ანტისახელისუფლებო სლოგანებით და მოითხოვენ სამოქალაქო თავისუფლებებს. წინააღმდეგობის მოძრაობამ გადალახა ირანში ეთნიკური, სოციალური, კულტურული საზღვრები; გადავიდა სკოლებსა და უნივერსიტეტებშიც. პროცესს გამოხმაურება ირანის საზღვრებს მიღმა, მათ შორის საქართველოშიც მოჰყვა, რაც მხარდამჭერი პერფორმანსებითა და სოლიდარობის აქციებით გამოიხატა“. სრულად... წყარო: socialjustice.org.ge