თბილისი. საქართველოს სტრატეგიისა და საერთაშორისო ურთიერთობების კვლევის ფონდი აქვეყნებს ბლოგპოსტს: რუსეთის სამხედრო ძალების მიმოხილვა: გამოცემა 55, 21 - 27 სექტემბერი, 2020.  „რუსეთის სამხედრო ძალების მიმოხილვა არის ყოველკვირეული დაიჯესტი, რომელიც მკითხველს სთავაზობს ინფორმაციას რუსეთის ფედერაციის შეიარაღებული ძალების საკვანძო აქტივობებისა და იქ მიმდინარე ცვლილებების შესახებ. მიმოხილვა გამოადგება მკვლევრებს, საჯარო მოხელეებსა და ყველა სხვას, ვისაც აინტერესებს თუ რა ხდება მსოფლიოს ამ ერთ-ერთი ყველაზე აგრესიული სახელმწიფოს სამხედრო ძალებში“. სრულად... წყარო: www.gfsis.org

თბილისი. მითების დეტექტორი აქვეყნებს მედეა სულამანიძის მასალას: არსებობს თუ არა გაეროს საიდუმლო დოკუმენტი ახალი მსოფლიო წესრიგის შესახებ. „2020 წლის 1 ოქტომბერს ფეისბუქ მომხმარებელმა Nina Marji-მ საჯარო ჯგუფში „კორონა აფიორა“ გაავრცელა რუსულად გახმოვანებული ვიდეო, რომელშიც ანიმაციური პერსონაჟი საუბრობს გაეროს მიერ შექმნილი პროგრამის „ახალი მსოფლიო წესრიგის” შესახებ. ვიდეო ამტკიცებს, რომ გაერომ გაწერა მიზნები მსოფლიო მმართველობის შესაქმნელად, რომელთა შორისაცაა ოჯახის და სახელმწიფო სუვერენიტეტის გაუქმება, ადამინების სხეულებში ჩიპების იმპლანტაცია, 5G ტექნოლოგიების გავრცელება, ციფრული მსოფლიო ვალუტის გავრცელება, მსოფლიო ჯარის შექმნა და ა.შ. ვიდეოს ტექსტის ქართული თარგმანი აღწერის სახით ახლავს ქართველი მომხმარებლების პოსტებს. როგორც ქართველი მომხმარებლების პოსტების, ასევე რუსულენოვანი ვიდეოს მტკიცება, რომ არსებობს გაეროს ახალი მსოფლიო წესრიგის დამყარების პროგრამა 2021-2030 წლებისთვის, მტკიცებულების გარეშეა და კონსპირაციაა. ამ სახელწოდების ან შინაარსის მქონე დოკუმენტი ღია წყაროების საშუალებით არ იძებნება“. სრულად... წყარო: www.mythdetector.ge

აჭარა. საქართველოს წითელი ჯვრის საზოგადოებისა და ახალგაზრდობის რეგიონული ცენტრის ერთობლივი პროექტის ,,ახალგაზრდა მოხალისე’’ ფარგლებში 30 სექტემბერს გადამზადდა 15 მოხალისე, რომლებიც პროექტში 1 ოქტომბრიდან ჩაერთვებიან და გადანაწილდებიან სხვადასხვა ლოკაციაზე. სრულად... წყარო: ორგანიზაციის გვერდი სოციალურ ქსელში

თბილისი. განათლების განვითარების და დასაქმების ცენტრი (EDEC) ონლაინ ფორმატში აგრძელებს მრგვალი მაგიდის შეხვედრებს სხვადასხვა რეგიონების წარმომადგენლებთან „შეზღუდული შესაძლებლობის მქონე პირთა მომსახურებების გაძლიერების ხელშეწყობისთვის მიმართულ ღონისძიებათა ერთიანი საკოორდინაციო საბჭოს იდეის და დებულების“ განხილვის მიზნით. 1 ოქტომბერს გურიისა და ქვემო ქართლის რეგიონების მასშტაბით შედგა შეხვედრა. შეხვედრა მიზნად ისახავდა საკოორდინაციო საბჭოს მიზნის და ორგანიზაციული სტრუქტურის და დოკუმენტის სამუშაო ვერსიაზე მუშაობას. სრულად... წყარო: ორგანიზაციის გვერდი სოციალურ ქსელში

თბილისი. 30 სექტემბერს, ინფორმაციის თავისუფლების განვითარების ინსტიტუტმა (IDFI) საჯარო სექტორში ხელოვნური ინტელექტის სისტემების გამოყენების საკითხებზე ინფორმაციის ხელმისაწვდომობის შესახებ ონლაინ სამუშაო შეხვედრა გამართა. შეხვედრაში მონაწილეობდნენ სხვადასხვა საჯარო დაწესებულების წარმომადგენლები. შეხვედრის მიზანი იყო საჯარო დაწესებულებების წარმომადგნელებისთვის საჯარო სექტორში ხელოვნური ინტელექტის გამოყენების მაგალითების შესახებ ინფორმაციის გაცნობა, საქართველოში ამგვარი სისტემების გამოყენების შემთხვევების იდენტიფიცირება და ამ საკითხზე საჯარო მონაცემების ხელმისაწვდომობის მნიშვნელობის ჩვენება. სრულად... წყარო: idfi.ge

თბილისი. 30 სექტემბერს, ინფორმაციის თავისფლების განვითარების ინსტიტუტმა (IDFI) და საქართველოს ახალგაზრდა იურისტთა ასოციაციამ (GYLA), საქართველოს მთავრობის ადმინისტრაციასთან თანამშრომლობით, რეგიონული არასამთავრობო ორგანიზაციებისთვის საჯარო მმართველობის რეფორმის (PAR) საკითხებზე ონლაინ ტრენინგი გამართეს. „ტრენინგის მონაწილეები გაეცნენ ინფორმაციას საჯარო მმართველობის რეფორმის, სამოქმედო გეგმისა და მისი მონიტორინგის მეთოდოლოგიის შესახებ. ტრენინგზე ასევე განიხილეს საჯარო მმართველობის რეფორმის მონიტორინგის ელექტრონული პლატფორმა (PAR Tracker), რომელიც უზრუნველყოფს მონიტორინგის პროცესში გარე მომხმარებლის ჩართულობას“. სრულად... წყარო: ორგანიზაციის გვერდი სოციალურ ქსელში

თბილისი. კავშირი ადამიანებისთვის განსაკუთრებულ ზრუნვას რომ საჭიროებენ არსებობისა და ფუნქციონირების ერთ-ერთ წყაროს წარმოადგენს იმ პროდუქტების რეალიზაცია, რომელსაც თერაპიულ სახელოსნოებში ორგანიზაციის ბენეფიციარები ამზადებენ სოციალ-თერაპევტებთან ერთად. "ჩვენი ნაწარმი გამოირჩევა ნამდვილად მაღალი ხარისხითა და ხელმისაწვდომი ფასებით. შეგიძლიათ შეგვიკვეთოთ თქვენთვის საჭირო აქსესუარები (ლოგოთი და სლოგანით დაპრინტული გულსაბნევები, მაისურები, ჭიქები, კეპები, ნაჭრის ჩანთები, ბლოკნოტები), რასაც საარჩევნო კამპანიისთვის გამოიყენებთ. ამით თქვენ არა მხოლოდ შეიძენთ საჭირო ხარისხიან პროდუქციას, არამედ შშმ პირებისთვის სასიკეთო ნაბიჯსაც გადადგამთ - მათ ექნებათ საქმე და ორგანიზაციას დაეხმარებით ფინანსურად", ნათქვამია ორგანიზაციის პოსტში. სრულად... წყარო; ორგანიზაციის გვერდი სოციალურ ქსელში

თბილისი. განათლების განვითარების და დასაქმების ცენტრი (EDEC) ონლაინ ფორმატში აგრძელებს მრგვალი მაგიდის შეხვედრებს სხვადასხვა რეგიონების წარმომადგენლებთან „შეზღუდული შესაძლებლობის მქონე პირთა მომსახურებების გაძლიერების ხელშეწყობისთვის მიმართულ ღონისძიებათა ერთიანი საკოორდინაციო საბჭოს იდეის და დებულების“ განხილვის მიზნით. 29 სექტემბერს სამცხე–ჯავახეთის რეგიონის მასშტაბით შედგა შეხვედრა. სრულად... წყარო: ორგანიზაციის გვერდი სოციალურ ქსელში

თბილისი. საქართველოს საზოგადოებრივი ორგანიზაციების ნაწილი საქართველოს პარლამენტის მიერ მესამე მოსმენით შრომის რეფორმის მიღევას ეხმიანება. „ცალსახად დადებითად ვაფასებთ მიღებული რეფორმით, მშრომელთათვის შექმნილ გაუმჯობესებულ შრომით გარანტიებს, თუმცა, სამწუხაროდ, ცვლილებები მხოლოდ ფრაგმენტულად პასუხობს ქვეყანაში არსებულ მძიმე შრომით პირობებს და კვლავ შორსაა დამსაქმებელთა და დასაქმებულების ინტერესების რეალური დაბალანსებისგან. მიუხედავად მცდელობისა, კანონმდებლობით ასევე უნდა მოწესრიგებულიყო ისეთი მნიშვნელოვანი პრობლემები, როგორიცაა: დაბალი და ცხოვრების მინიმალური საჭიროებებისთვის შეუსაბამო ანაზღაურება, დაურეგულირებელი სამუშაო საათები, ზეგანაკვეთური შრომა და მისი არასათანადო ანაზღაურება, ორსულობის, მშობიარობისა და ბავშვის მოვლის შვებულების არსათანადოდ ანაზღაურება, სოლიდარული გაფიცვის შესაძლებლობის არარსებობა და შრომითი ხელშეკრულების შეწყვეტის ამომწურავი საფუძვლების განსაზღვრა“, ნათქვამია განცხადებაში. სრულად... წყარო: gyla.ge

თბილისი. ევროკავშირის ელჩმა კარლ ჰარცელმა გამოაქვეყნა განცხადება საქართველოს შრომის კოდექსში ცვლილების შეტანის კანონპროექტის მიღებასთან დაკავშირებით: „ვულოცავთ საქართველოს პარლამენტს შრომის კოდექსში მნიშვნელოვანი ცვლილებების შეტანისა და შრომის ინსპექციის შესახებ კანონის მიღებას. ეს არის ნიშანდობლივი წინ გადადგმული ნაბიჯი საქართველოში შრომის პირობებთან დაკავშირებით და ძლიერი გზავნილი საქართველოს მიერ ასოცირების ხელშეკრულებით აღებული ვალდებულებების შესრულების თვალსაზრისით“. სრულად... წყარო: eeas.europa.eu

თბილისი. გაეროს ქალთა ფონდის ინფორმაციით, საქართველოში ქალთა საკითხებსა და შეზღუდული შესაძლებლობის მქონე ქალთა თემებზე მომუშავე ორგანიზაციების პლატფორმა შეიქმნა. „იგი ქვეყნის მასშტაბით 30-მდე ორგანიზაციას აერთიანებს და მიზნად შეზღუდული შესაძლებლობის მქონე ქალთა უფლებების რეალიზების მხარდაჭერას, იმ ბარიერებისა და გამოწვევების შემცირებას ისახავს, რომლებიც მათ წინაშე არსებობს“. სრულად... წყარო: georgia.unwomen.org

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს სტატიას: ცენზურა საბჭოთა კავშირში. „1917 წელს ვლადიმერ ლენინმა ხელი მოაწერა ბრძანებას, რომლის საფუძველზეც დროებით, სამოქალაქო ომის დასრულებამდე, იზღუდებოდა სიტყვის, გამოხატვისა და ინფორმაციის თავისუფლება. ბრძანების თანახმად, აღნიშნული შეზღუდვა სამოქალაქო ომის დასრულებისთანავე უნდა გაუქმებულიყო, თუმცა ეს ასე არ მოხდა, ვინაიდან ლენინი მიიჩნევდა, რომ „მონარქისტებისა“ და „ანარქისტებისთვის“ აბსოლუტური სიტყვის თავისუფლების მინიჭება ბოლშევიკებს ძალაუფლებას დააკარგვინებდა. ამის გამო, საბჭოთა კავშირის არსებობის 70 წლის განმავლობაში, თითოეულ საბჭოთა რესპუბლიკაში მოქმედებდა ცენზურა“... სრულად... წყარო: idfi.ge

დღეს, 19:00 საათზე, ტელესკოლის გამორჩეული მასწავლებელი, ნათია ფურცელაძე ონლაინში ისაუბრებს თემაზე: „მოხალისეობის მნიშვნელობა სასკოლო ცხოვრებაში“. სრულად...  წყარო: Timerepublic Georgia-ს გვერდი სოციალურ ქსელში

თბილისი. თუ ხარ 17 წლის ან მეტის და ფიქრობ, რომ შეგიძლია სხვების ცხოვრება უკეთესობისკენ შეცვალო, ან თუნდაც გაქვს სურვილი თავისუფალი დრო ნაყოფიერად გაატარო - ეს პროექტი შენთვისაა. „პროექტი „მესტუმრე“ მიზნად ისახავს კვირაში ერთხელ, ერთი საათის განმავლობაში, მოხუცთა პანსიონებში მცხოვრებ მოხუცებულებს მისცეს ახალგაზრდებთან რეგულარული, სოციალური ინტერაქციისა და სასიამოვნო საქმიანობით დაკავების შესაძლებლობა. შერჩეული მოხალისეები დატრენინგდებიან მაკ ჯორჯიას გუნდის მიერ და აღიჭურვებიან იმ საჭირო ცოდნით და უნარებით, რაც ექვსი თვის განმავლობაში დაეხმარებათ მოხუცებთან ურთიერთობაში". დაინტერესების შემთხვევაში - გადადით ბმულზე და დარეგისტრირდით... წყარო: პროექტის გვერდი სოციალურ ქსელში

თბილისი. საერთაშორისო გამჭვირვალობა - საქართველოს ინფორმაციით, საქართველოში სახელმწიფო შესყიდვების მონაცემთა ბაზა დამუშავებად ფორმატში ჯერ კიდევ არ არის ხელმისაწვდომი. „სისტემის გაციფრულების 10 წლის თავზეც კი დაინტერესებულ მხარეებს არ აქვთ მარტივი და პირდაპირი წვდომა შესყიდვების შეჯამებულ მონაცემებზე. საქართველოს მთავრობამ და სახელმწიფო შესყიდვების სააგენტომ უნდა გამოავლინონ პოლიტიკური ნება და გამონახონ შესაბამისი რესურსები, რათა საბოლოოდ გაიხსნას სახელმწიფო შესყიდვების სისტემა და მასში არსებული ინფორმაცია მაქსიმალურად ხელმისაწვდომი გახდეს. რა იგულისხმება შესყიდვების ინფორმაციის „საბოლოო გახსნაში“? საქართველოს შესყიდვების სისტემა ხომ სრულად ელექტრონული და გამჭვირვალეა? დიახ, ეს დიდწილად ასეა, თუმცა, საქმე იმაშია, რომ არსებული სისტემა გვანახებს მხოლოდ ცალკეული შესყიდვის შესახებ ინფორმაციას და მისგან შეუძლებელია რაიმე სახის ზოგადი სტატისტიკის და შეჯამებული მონაცემების ამოღება“, ნათქვამია ორგანიზაციის ვებგვერდზე. სრულად... წყარო: transparency.ge

თბილისი. გაეროს ბავშვთა ფონდის მხარდაჭერით, ახალგაზრდობის სააგენტოსთან პარტნიორობით და „ჰელფინგ ჰენდის“ ორგანიზებით, ამოქმედდა საქართველოში პირველი ახალგაზრდული მოხალისეობის პლატფორმა, რომელიც ახალგაზრდა მოხალისეებს, საინტერესო იდეებსა და აქტივობებს გააერთიანებს. „პლატფორმაზე უკვე რეგისტრირდებიან მოხალისეები მთელი საქართველოს მასშტაბით. მათი ისტორიები, მათი ორგანიზებით განხორციელებული ყველა მნიშვნელოვანი სიახლე თუ, ზოგადად, საინტერესო საგანმანათლებლო რესურსები, თავს მოიყრის მისამართზე..." შენც შეგიძლია, გახდე მოხალისე. დარეგისტრირდი... youthvolunteering.ge-ზე. საიტი ამ ეტაპზე სატესტო/რედაქტირების რეჟიმშია. წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ანალიტიკურ მასალას ლუგარის ლაბორატორიის წინაამდეგ წარმოებულ რუსულ საინფორმაციო ომზე. „მიუხედავად იმისა, რომ შსს დღემდე არ ასახელებს ქვეყანას, საიდანაც საქართველოს ჯანდაცვის სამინისტროზე განხორციელდა კიბერშეტევა, დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის მოადგილემ პაატა იმნაძემ ივარაუდა, რომ შეტევა სწორედ რუსეთის ფედერაციიდან განხორციელდა. ასევე, კიბერშეტევასთან დაკავშირებით გაკეთებულ განცხადებაში რუსეთი ახსენა საქართველოს პრეზიდენტმაც, სალომე ზურაბიშვილმა. აღნიშნულ ვარაუდს კიდევ უფრო ამყარებს ის ფაქტი, რომ რუსეთის ფედერაციის მხრიდან უკვე წლებია გრძელდება თავდასხმები ლუგარის ლაბორატორიაზე, რაც მეტწილად საინფორმაციო ომის ხასიათს ატარებს“, ნათქვამია მასალაში. სრულად... წყარო: idfi.ge

თბილისი. ევროპის კომისია მკვლევარებსა და სხვა დაინტერესებულ მხარეებს იწვევს ჰორიზონტი 2020-ის მწვანე შეთანხმების ფარგლებში განაცხადების მიღებასთან დაკავშირებით გამართულ ვირტუალურ ტრენინგში მონაწილეობის მისაღებად. ვირტუალური ტრენინგის პირველი სესია გაიმართება 2020 წლის 18 სექტემბერს. გაიგეთ მეტი... შეავსეთ სარეგისტრაციო ფორმა შემდეგ ბმულზე... წყარო: ევროკავშირის გვერდი სოციალურ ქსელში

თბილისი. მითების დეტექტორი აქვეყნებს ნინო კალაძის მასალას: რამდენ ტყეს ფლობენ ჩინეთის მოქალაქეები საქართველოში. „17 აგვისტოს ტელეკომპანია „ობიექტივის“ გადაცემაში „ღამის სტუდია“ „გლობალური კვლევების ცენტრის“ ხელმძღვანელმა ნანა დევდარიანმა, რომელიც ამჟამად პატრიოტთა ალიანსის საარჩევნო სიის წევრია, სახელმწიფოს მიერ ჩინეთის მოქალაქეებისთვის ტყის მასივების გადაცემაზე ისაუბრა. მისი თქმით, საქართველოში ტყის მასივების დიდი წილი ჩინეთის მოქალაქეებზე ხანგრძლივი იჯარით არის გადაცემული. დევდარიანის განცხადება, თითქოს ტყის მასივების უდიდეს ნაწილს გრძელვადიანი ლიცენზიებით ჩინეთის მოქალაქეები ფლობენ, დეზინფორმაციაა. საქართვლოში ტყეს ერთადერთი ჩინური კომპანია დროებით სარგებლობაში 2027 წლამდე ფლობს და მის სარგებლობაში არსებული ტყე ქვეყნის ტყით დაფარული ტერიტორიის მხოლოდ 1,4%-ს შეადგენს. გარემოს დაცვისა და სოფლის მეურნეობის სამინისტროს თანახმად, ბოლო ხუთი წლის მანძილზე ჩინეთის მოქალაქისთვის ტყის გადაცემა სარგებლობაში არც ერთი ფორმით არ მომხდარა“, ნათქვამია ბლოგპოსტში. სრულად... წყარო: www.mythdetector.ge

თბილისი. საქართველოს სტრატეგიისა და საერთაშორისო ურთიერთობების კვლევის ფონდი აქვეყნებს ორგანიზაციის მკვლევრის, ზურაბ ბატიაშვილის ბლოგპოსტს: თურქეთ-საბერძნეთის დაპირისპირება და საქართველო: საფრთხეები და გამოწვევები. „თურქეთი, როგორც ნატოს წევრი ქვეყანა და საბერძნეთი, როგორც ნატოსა და ევროკავშირის წევრი ქვეყანა, საქართველოსთვის მნიშვნელოვანი მოკავშირეები არიან. შესაბამისად, თბილისის ინტერესში არ შედის მათ შორის კონფლიქტი; ნატოს შიგნით დაპირისპირება ძალზე ხელსაყრელია კრემლისთვის, რომელიც წლების განმავლობაში ცდილობს განხეთქილების შეტანას ალიანსის რიგებში. ამგვარად, მოსკოვი შეეცდება ნატოს შიგნით არსებული ბზარის გაზრდას და ამ მიზნით განაგრძობს მხარეების წაქეზებას“... სრულად... წყარო: www.gfsis.org

თბილისი. სოციალური მეწარმეობა, როგორია მისი პრაქტიკა საქართველოში, თავად სოციალური საწარმოები და მათი ეკოსისტემა? თუ გაინტერესებთ აღნიშნული საკითხები – შესაძლებლობა გეძლევათ გაეცნოთ სამოქალაქო საზოგადოების ინსტიტუტის უახლეს 2 კვლევაში. საქართველოს პრაქტიკის მიმოიხილავს სოცმეწარმეობის არსებულ მდგომარეობას და მოიცავს სამოქმედო გარემოს ანალიზს. მიმოხილვაში გაანალიზებულია საქართველოში მოქმედი სოციალური საწარმოები საქმიანობის ტიპის, მიზნებისა და იურიდიული ფორმის ჭრილში და ა.შ. კვლევა: სოციალური მეწარმეობა საქართველოში (პრაქტიკის მიმოხილვა, ავტორი ეკა დათუაშვილი), 2020...  მეორე კვლევის საგანს წარმოადგენდა ევროპული გამოცდილების შესწავლა სოციალური მეწარმეობის, სოციალური საწარმოებისა და მათთვის ხელსაყრელი გარემოს მახასიათებლების შესახებ. აღსანიშნავია, რომ სოციალური საწარმოებისათვის აუცილებელი ეკოსისტემა ოთხი ძირითადი ღერძისგან შედგება. ესენია: თვითორგანიზების შესაძლებლობები; ხილვადობა და აღიარება; რესურსებზე ხელმისაწვდომობა; კვლევა, განათლება და უნარები. კვლევა: სოციალური მეწარმეობა, სოციალური საწარმოები და მათი ეკოსისტემა, 2020 (ავტორები ეკატერინე დანელია, მარიამ ლაცაბიძე, ნინო სამსონიძე) ... კვლევები შექმნილია სამოქალაქო საზოგადოების ინსტიტუტის დაკვეთით, საქართველოს სოციალურ საწარმოთა ალიანსთან თანამშრომლობით და არასამეწარმეო სამართლის საერთაშორისი ცენტრის (ICNL) მხარდაჭერით.

თბილისი. მითების დეტექტორი აქვეყნებს მასალას: ვინ დგას კონსპირაციის უკან, თითქოს ამერიკელები გასალამაზებლად ჩვილი ბავშვების ორგანიზმს იყენებენ. „გაზეთ ალიას 31 აგვისტო - 6 სექტემბრის ნომერში ელიზბარ დიაკონიძემ, სასულიერო პირმა, სუროგაციის აკრძალვის შესახებ საუბრისას აღნიშნა, თითქოს ამერიკაში ადამიანები გასაახალგაზრდავებლად და გასალამაზებლად ჩვილი ბავშვების ორგანიზმიდან აღებულ სითხეს მოიხმარდნენ. მან აღნიშნა, რომ ამ საქმეში ჰოლივუდის მსახიობებიც არიან ჩართულები. სასულიერო პირის, ელიზბარ დიაკონიძის მტკიცება, თითქოს ამერიკაში ჩვილი ბავშვების ორგანიზმიდან აღებულ სითხეს გასაახალგაზრდავებლად და გასალამაზებლად მოიხმარენ, კონსპირაციაა. ამ თეორიას QAnon-ი ავრცელებს, რომლის მხარდამჭერები FBI-მა საშინაო ტერორისტულ საფრთხედ გამოაცხადა“, ნათქვამია მითების დეტექტორის ვებგვერდზე. სრულად... წყარო: www.mythdetector.ge