თბილისი. ადამიანის უფლებების სწავლებისა და მონიტორინგის ცენტრი აქვეყნებს მარიამ გოშაძის ბლოგპოსტს: როდესაც სეკულარული დისკურსი წინ უსწრებს სეკულარულ პრაქტიკას: „კოვზმადიდებლები” და სეკულარული სახელმწიფო. „ჯანდაცვის მსოფლიო ორგანიზაცა გვაცნობებს, რომ ნერწყვი კორონა ვირუსის გავრცელების მთავარი წყაროა. შესაბამისად, საქართველოს მთავრობის მიერ დაწესებული შეზღუდვების სამიზნე თავიდანვე ადამიანებს შორის ახლო ურთიერთობების აღმოფხვრა იყო. ეპიდემოლოგების რეკომენდაციების მიუხედავად, საქართველოს ეკლესიამ ზიარება საერთო კოვზით გააგრძელა. პანდემიისას გამეფებული სამედიცინო ჟარგონის ფონზე, ეს გადაწყვეტილება საზოგადოების ნაწილმა „ბრმა რწმენას” მიაწერა და მასობრივი ინფიცირების მთავარ საფრთხედ შერაცხა“. სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ბლოგპოსტს: რას გვეუბნება კონსპირაციები და შეთქმულების თეორიები. „კონსპირაციული თეორიები ბევრ რამეს გვეუბნება ადამიანების თუ ჯგუფების მსოფლმხედველობაზე: ხშირად ამ თეორიებში ასახულია, თუ რა მიმართება აქვთ ადამიანებს ძალაუფლებასთან, როგორ ხედავენ საკუთარ თავს ადგილობრივ ან მსოფლიო კონტექსტში, ან როგორ ხედავენ არსებულ უთანასწორობას, უსამართლობას თუ ასიმეტრიებს“. სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრი (EMC) ეხმიანება ტყის კოდექსისა და მისი თანმხლები სხვა საკანონმდებლო აქტების კანონპროექტს, რომლის მიხედვითაც საპატრიარქოსთვის დიდი რაოდენობით ტყის მასივის საკუთრებაში გადაცემა ხდება შესაძლებელი. „კანონპროექტმა მესამე მოსმენით უკვე მოიპოვა მხარდაჭერა კომიტეტზე და უახლოეს დღეებში დაგეგმილია მისი მიღება პლენუმზეც. EMC მიიჩნევს, რომ აღნიშნული ცვლილება არაკონსტიტუცია და წინააღმდეგობაში მოდის თანასწორობისა და სეკულარიზმის კონსტიტუციურ პრინციპებთან და ასევე, საჯარო რესურსების სამართლიანი და მდგრადი გამოყენების მაღალ სოციალურ მიზანთან. აშკარაა, რომ აღნიშნული გადაწყვეტილება საპატრიარქოს ლოიალობის მოპოვებისა და რელიგიური საკითხების პოლიტიკური ინსტრუმენტალიზების კიდევ ერთი პოპულისტური მცდელობაა ხელისუფლების მხრიდან და მათ შორის, წინასაარჩევნო კონტექსტი აქვს“, ნათქვამია ორგანიზაციის ვებგვერდზე.  სრულად... წყარო: emc.org.ge

თბილისი. ინფორმაციის თავისულფების განვითარების ინსტიტუტი აქვეყნებს სტატიას, სადაც ახსნილია სახელმწიფო არქივებში ფოტოგადაღების დაშვების აუცილებლობა. „საარქივო დოკუმენტების ფოტოგადაღების დაშვება უმნიშვნელოვანესი წინ გადადგმული ნაბიჯი იქნება არა მხოლოდ ხელმისაწვდომობის და გამჭვირვალობის ზრდის, არამედ ასევე მეცნიერების განვითარების ხელშეწყობის მიმართულებით. ამ გზით ხელისუფლება დაადასტურებს, რომ მას სრულად აქვს გათვითცნობიერებული არქივების ღიაობის მნიშვნელობა და დაამკვიდრებს თავისუფალი, დემოკრატიული ქვეყნების მსგავს პრაქტიკას საქართველოში. დარბაზში ფოტოგადაღების საჭიროება ცხადად დაგვანახა კოვიდ-19-ით გამოწვეულმა ახალმა რეალობამაც: 2020 წლის 5 მარტიდან მომსახურების მიწოდება შეაჩერა საქართველოს ეროვნულმა არქივმა. მუშაობა შეწყვიტა საქართველოს შსს არქივმაც, თუმცა ამის შესახებ ოფიციალური ინფორმაცია ვებ-გვერდზე არ გამოუქვეყნებია. ფოტოგადაღების დაშვების პირობებში, მკვლევართა საქმიანობა არ შეფერხდებოდა, მათ ექნებოდათ სოციალური დისტანცირების პერიოდის ეფექტურად გამოყენებისა და სახლიდან მუშაობის პირობებში აკადემიური და კვლევითი საქმიანობის განხორცილების შესაძლებლობა“, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. ორგანიზაცია „ყრუ-უსინათლო პირთა მხარდაჭერა საქართველოში“ აქვეყნებს სხვადასხვა რეგიონში ყრუ-უსინათლო პირთა კლუბების შესახებ საკონტაქტო ინფორმაციას. სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ანალიტიკურ დოკუმენტს საქართველოში მტაცებლური სესხების პრობლემასთან დაკავშირებით, რაც ხშირად უსახლკარობისა და ადამიანის უფლებების სხვა ტიპის დარღვევის მიზეზი ხდება. სრულად... წყარო: emc.org.ge

თბილისი. ინფორმაციის თავისუფლების განვითარების ინსტიტუტის (IDFI) საარქივო, საბჭოთა და მეხსიერების კვლევების მიმართულების ხელმძღვანელმა, ანტონ ვაჭარაძემ მონაწილეობა მიიღო მეხსიერების კვლევების საერთაშორისო პლატფორმის - The Sites of Conscience (შემდგომში „კოალიცია“), რეგიონულ ონლაინ შეხვედრაში. „IDFI-სთვის ვიდეოკონფერენცია გაცნობით ხასიათს ატარებდა, რადგან ორგანიზაცია პლატფორმას მცირე ხნის წინ შეუერთდა. კოალიციის წარმომადგენლებმა ერთმანეთს გააცნეს მიმდინარე საქმიანობა და ისაუბრეს იმ პრობლემებზე, რომლებიც მათ მუშაობისას, განსაკუთრებით კი მიმდინარე პანდემიის დროს ექმნებათ“, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. ინფორმაციის თავისუფლების განვითარების ინსტიტუტის (IDFI) განცხადებით, ხელისუფლებამ უნდა გააკეთოს მკაფიო განმარტება მოსალოდნელი შეზღუდვების სამართლებრივი საფუძვლების შესახებ. „24 აპრილს მთავრობამ შეზღუდვების მოხსნის სავარაუდო ვადები წარმოადგინა. ანტიკრიზისული გეგმის თანახმად, ეკონომიკურ საქმიანობაზე შეზღუდვები ეტაპობრივად მოიხსნება, ხოლო ეტაპებს შორის შუალედი საშუალოდ ორი კვირაა. გეგმის თანახმად, ცალკეული ეკონომიკურ საქმიანობაზე შეზღუდვები 22 მაისის შემდეგაც გრძელდება, თუმცა უცნობია, საგანგებო მდგომარეობის დასრულების შემდეგ, რა სამართლებრივი საფუძვლით შეიზღუდება მეწარმეობის თავისუფლება. მაგალითად წარმოდგენილი გეგმის თანახმად, შიდა ტურიზმის გახსნა იგეგმება 15 ივნისიდან, დიდი სავაჭრო ობიექტების (ე.წ. მოლების) გახსნა იგეგმება მხოლოდ მეოთხე ეტაპზე და ა.შ.“ სრულად... წყარო: idfi.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ბლოგპოსტს: ინტერნეტის ხელმისაწვდომობისა და გამოყენების ტენდენციები საქართველოში.  „ინტერნეტი XXI საუკუნის ერთ-ერთი ყველაზე ძლიერი ინსტრუმენტია ინფორმაციის გამჭვირვალობის, ინფორმაციის ხელმისაწვდომობის და მოქალაქეების აქტიური მონაწილეობის ხელშესაწყობად დემოკრატიული საზოგადოებების მშენებლობაში“- იკითხება მოხსენებაში. 2018 წელს საქართველოს განახლებული კონსტიტუციის მე-17 მუხლშიც შევიდა მსგავსი ჩანაწერი, რომლის მიხედვით, „ყველას აქვს ინტერნეტზე წვდომისა და ინტერნეტით თავისუფლად სარგებლობის უფლება,“ რაც ნიშნავს რომ სახელმწიფოს აქვს პოზიტიური ვალდებულება ინტერნეტი გახადოს ფართოდ ხელმისაწვდომი“, ნათქვამია ბლოგპოსტში. სრულად... წყარო: idfi.ge

თბილისი. სამართლიანი არჩევნების და დემოკრატიის საერთაშორისო საზოგადოება (ISFED) აქვეყნებს პოლიტიკის დოკუმენტს, რომელშიც განხილულია Brexit-ის შემდეგ ძალთა ბალანსის სავარაუდო გადანაწილება ევროკავშირში. „კონკრეტულად, დოკუმენტი მიმოიხილავს სხვადასხვა სავარაუდო სცენარს, თუ როგორ შეიძლება შეცვალოს საგარეო პოლიტიკა ევროკავშირმა, როგორი იქნება სამეზობლო და აღმოსავლეთ პარტნიორი ქვეყნების (EaP) მიმართ დამოკიდებულება და საბოლოოდ, რა გამოწვევებისა და შესაძლებლობების წინაშე აყენებს Brexit-ი საქართველოს როგორც ევროკავშირთან, ისე დიდ ბრიტანეთთან ურთიერთობების კუთხით“, ნათქვამია ორგანიზაციის ვებგვერდზე. სრულად... წყარო: isfed.ge

იკომოს საქართველო ერთი კვირის განმავლობაში შემოგთავაზებთ 2010 - 2019 წლის ბეთლემის უბნის ფესტივალების ფოტო და ვიდეო მასალას. „გიწვევთ შენც, რომ გაგვიზიარო გამოცდილება, როგორც ბეთლემის უბნის ფესტივალის ერთ-ერთმა მონაწილემ ან სტუმარმა. მოგივყევი ბეთლემის უბნის ფესტივალის შესახებ შენი საყვარელი ფოტოთი, ვიდეო მასალით თუ ამბით და გააზიარე ICOMOS საქართველოს Facebook გვერდზე“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ბლოგპოსტს: OGP-ის წევრი სახელმწიფოების პოლიტიკა კოვიდ-19-თან დაკავშირებით. „კოვიდ-19-ის პანდემიის გამო მსოფლიო დადგა უპრეცედენტო გამოწვევების პირისპირ. სახელმწიფოები ცდილობენ შეიმუშაონ სხვადასხვა მეთოდი შექმნილ კრიზისულ მდგომარეობასთან გასამკლავებლად, კერძოდ, ქმნიან საინფორმაციო პლატფორმებს, ასაჯაროებენ მონაცემთა ბაზებს, პროცესების ეფექტური მართვისთვის ნერგავენ და იყენებენ ხელოვნურ ინტელექტს. OGP-ის ვებგვერდზე საერთო სივრცეში განთავსებულია მთავრობებისა და სამოქალაქო საზოგადოების მიერ შემუშავებული ონლაინ პლატფორმები, რომელთა მიზანია პანდემიასა და მის მიერ გამოწვეულ პრობლემებთან ბრძოლა. გამოცდილების გაზიარების მიზნით მნიშვნელოვანია დასახელებული პლატფორმების ანალიზი და უკეთესი პრაქტიკის განზოგადება“, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. ტოლერანტობის და მრავალფეროვნების ინსტიტუტმა (TDI) გამოაქვეყნა ანგარიში რელიგიისა და რწმენის თავისუფლება საქართველოში (2010-2019). „საქართველოში რელიგიის თავისუფლებასთან დაკავშირებული პრობლემების დიდი ნაწილი სისტემური ხასიათისაა. სახელმწიფო პოლიტიკის ანალიზი აჩვენებს, რომ საქართველოს კონსტიტუციით დაცული რელიგიისა და სახელმწიფოს ურთიერთგამიჯვნის პრინციპი ხშირად ირღვევა საქართველოს საპატრიარქოსთვის ფინანსური, სამართლებრივი და სოციალური პრივილეგიების მინიჭებისა და სხვა რელიგიური გაერთიანებების მიმართ დიფერენცირებული მოპყრობის გამო. მეორე მხრივ, სახელმწიფო თვითნებურად ერევა რელიგიური ორგანიზაციების ავტონომიაში“, ნათქვამია ორგანიზაციის ვებგვერდზე. სრულად... წყარო: tdi.ge

ევროკავშირის ისტორია 70 წლის წინ, 1950 წლის 9 მაისს დაიწყო. „70 წლის წინ, საფრანგეთის საგარეო საქმეთა მინისტრის, რობერ შუმანის დეკლარაციამ ევროპის კონტინენტის მომავალი შეცვალა. მეორე მსოფლიო ომის ნანგრევებზე გაკეთებულ ამ დეკლარაციაში ჩამოყალიბებული იყო ევროპის სახელმწიფოებს შორის თანამშრომლობის იდეა, რომელსაც თანამედროვე ევროკავშირი უნდა შეექმნა. დღეს, ევროკავშირი, მის 27 წევრ სახელმწიფოსა და თითქმის 446 მილიონ ადამიანთან ერთად, ამ დეკლარაციის სამოცდამეათე წლისთავს აღნიშნავს. 2020 წლის ევროპის დღის თემა - ,,ერთად უფრო ძლიერები ვართ“ - ხაზს უსვამს სოლიდარობის აუცილებლობას, განსაკუთრებით Covid-19-ით გამოწვეული კრიზისის პირობებში ნახეთ ვიდეო, რას მოიცავდა დეკლარაცია და რა იდეაზე დაყრდნობით შეიქმნა ევროკავშირი“. სრულად... ევროპის დღე... წყარო: ევროკავშირის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს სტატიას, რომლის თანახმადაც, ღია მმართველობის პარტნიორობა (OGP) კორონავირუსის პანდემიის შედეგად შექმნილი კრიზისის საპასუხო კამპანიას იწყებს. „კამპანია გვთავაზობს კონკრეტულ და პრაქტიკულ გზებს, რომელიც გვიჩვენებს ღიაობის პრინციპების - მოქალაქეთა ჩართულობისა და სამოქალაქო ზედამხედველობის მნიშვნელობას პანდემიის წინააღმდეგ რეაგირების პოლიტიკის შემუშავებისას. ღია მმართველობის კომიტეტი გამოყოფს კორონავირუსის პანდემიის შედეგად შექმნილი კრიზისული ვითარების დაძლევის სამ მნიშვნელოვან ეტაპს - 1. სწრაფი რეაგირება პანდემიაზე, 2. სოციალურ-ეკონომიკური აღდგენა და 3. გრძელვადიანი რეფორმა და ხაზს უსვამს, რომ ღიაობა და მოქალაქეთა ჩართულობა ამაღლებს კრიზისთან ბრძოლის მეთოდების ეფექტიანობას“. სრულად... წყარო: idfi.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ბლოგპოსტს: ანტივაქსერული მოძრაობა და რუსული პროპაგანდა. „საქართველოში ანტივაქსერული კამპანია დღესდღეისობით იმხელა მასშტაბებს ვერ აღწევს, როგორსაც აშშ-სა და ევროპაში, თუმცა ვაქცინების შესახებ კონსპირაციული თეორიები ვრცელდება და ამ კუთხით საქართველოშიც შეინიშნება რუსული კვალი. მაგალითად, 2019 წელს, გაზეთ „ასავალ-დასავალის“ 25 თებერვალი - 3 მარტის ნომერში გამოქვეყნდა ინტერვიუ Veterans Today-ს ქართული ბიუროს ხელმძღვანელთან ჯეფრი სილვერმანთან, რომელშიც იგი საუბრობს იმაზე, რომ ღორის გრიპისა და წითელას ვაქცინები იქმნება არა ევროპაში, არამედ საქართველოში, ამერიკულ ლუგარის ლაბორატორიაში“. სრულად... წყარო: idfi.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს მასალას: როგორ შეგვიძლია დავუკავშირდეთ პარლამენტს ან ჩავერთოთ საკანონმდებლო პროცესში საგანგებო მდგომარეობის დროს. სრულად... წყარო: idfi.ge

გაეროს ქალთა ფონდის ინფორმაციით, მარნეულის მუნიციპალიტეტის სოფელ მარადისში ქალებმა COVID-19-ით ინფიცირებულ ოჯახს კარტოფილის მოსავალი შეუნარჩუნეს. „ადგილობრივმა ნაირა პაქსაძემ, სხვა აქტიურ ქალებთან ერთად, სარეველაშერეული ნაკვეთი გათოხნა და ოჯახს, რომლის წევრებიც ახლა საავადმყოფოში მკურნალობენ, შემოსავლის ერთადერთი წყარო არ დაუკარგა. რა თქმა უნდა, ქალებმა მუშაობისას სოციალური დისტანციაც დაიცვეს. ნაირა პაქსაძე ფონდ „ტასოს“ სათემო მუშაკია და გაეროს ქალთა ორგანიზაციის სათემო მობილიზაციის პროექტშიც აქტიურადაა ჩართული“. სრულად… წყარო: ორგანიზაციის გვერდი სოციალურ ქსელში

თბილისი. კორპორაციული სოციალური პასუხისმგებლობის (CSR) შესახებ პრინტებისა და ფოტონამუშევრების კონკურსი დასრულებულია. საქართველოს სტრატეგიული კვლევებისა და განვითარების ცენტრის ინფორმაციით, ჟიურის რჩეული მარიამ მუმლაძის პრინტი გახდა, საზოგადოების მოწონება ნოდარ კოპალეიშვილის ნამუშევარმა დაიმსახურა. კონკურსი ჩატარდა CSRDG-ის ორგანიზებით პროექტის „სამოქალაქო საზოგადოების განვითარების ინიციატივა“ ფარგლებში, ევროკავშირისა და კონრად ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) წლებია სწავლობს ინფორმაციის პროაქტიული გამოქვეყნების საერთაშორისო პრაქტიკას და ამის გათვალისწინებით, საქართველოს ხელისუფლებას სთავაზობს რეკომენდაციებს. „ახალი კორონავირუსის პანდემიასთან დაკავშირებული ინფრომაციის პროაქტიული გამოქვეყნების საერთაშორისო პრაქტიკა აჩვენებს, რომ კრიზისული მდგომარეობის ფონზე ცალკეული ქვეყნები ახერხებენ მთელ რიგ საკითხებზე ინფორმაციის ხელმისაწვდომობის კარგი პრაქტიკის დამკვიდრებას. ასევე, გამოიკვეთა ოფიციალური ღია პლატფორმების მნიშვნელობა, სადაც მონაცემებს ქვეყნები ღია ფორმატში აქვეყნებენ. სხვა დაინტერესებულ პირებს, მონაცემთა ანალიტიკოსებს, კვლევით ორგანიზაციებს, დარგის სპეციალისტებსა და ჟურნალისტებს კი ეძლევათ საშუალება მოამზადონ საკუთარი ანალიზი და საინტერესო კვლევები პანდემიის გავრცელების სხვადასხვა ასპექტების შესახებ“. სრულად... წყარო: idfi.ge

თბილისი. ინფორმაციის თავისუფლების განვითარების ინსტიტუტი (IDFI) მეხსიერების კვლევების საერთაშორისო პლატფორმის - The Sites of Conscience წევრი გახდა. „The Sites of Conscience (შემდგომში „კოალიცია“) არის მეხსიერების კვლევის პლატფორმა, რომელიც 1999 წელს დაარსდა და აერთიანებს 275 ორგანიზაციას 65 ქვეყნიდან. კოალიციის მთავარი მიზანია, გაზარდოს აღნიშნული ინსტიტუტეციების შესაძლებლობები საგრანტო დაფინანსების, ურთიერთდაკავშირების და საერთო ქსელში ჩართვის, ტრენინგების, გარდამავალი სამართლიანობის მექანიზმების ამოქმედებისა და ადვოკატირების გზით“. სრულად... წყარო: idfi.ge

თბილისი. საერთაშორისო გამჭვირვალობა - საქართველო იმ მინისტრებისა და მოადგილეების ათეულს აქვეყნებს, რომელთაც ყველაზე მაღალი საბანკო სესხები აქვთ. „მთავრობის 63 თანამდებობის პირიდან 40-ს (ან მათ მეუღლეებს) აქვს საბანკო ვალდებულება, 2019 წლის დეკემბრის მდგომარეობით. „„საერთაშორისო გამჭვირვალობა - საქართველოს” მიაჩნია, რომ საზოგადოებისთვის შეიძლება საინტერესო იყოს მინისტრებისა და მათი მოადგილეების ფინანსური ვალდებულებების შესახებ ინფორმაცია, რომელსაც ისინი თავად ასაჯაროებენ ქონებრივ დეკლარაციებში. ამ შემთხვევაში ჩვენ რაიმე დარღვევაზე არ მივუთითებთ“, ნათვქამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში