თბილისი. სამოქალაქო საზოგადოების ორგანიზაციები საქართველოს მესამე პრეზიდენტის, მიხეილ სააკაშვილის ჯანმრთელობის მდგომარეობის უკიდურესად დამძიმების ფაქტს განცხადებით ეხმაურებიან. „უკიდურესად აღმაშფოთებელი და ცინიკურია მმართველი პარტიის მაღალჩინოსანთა განცხადებები, რომელიც პატიმრის სიკვდილის შესაძლებლობას სრული გულგრილობით ეკიდება. კერძოდ, საქართველოს პრემიერ-მინისტრმა განაცხადა, რომ მიხეილ სააკაშვილის სიცოცხლე „უფალს აბარია“ და „მასზე პასუხისმგებლობას ვერ აიღებს“. მმართველი პარტია დღემდე არ აღიარებს  სააკაშვილის მდგომარეობის დამძიმებას, რიგი წევრები კი სააკაშვილის სიკვდილს, შეიძლება ითქვას, სიხარულითაც ელოდებიან. მიგვაჩნია, რომ ნებისმიერი პატიმრის სიცოცხლისა და ჯანმრთელობის მიმართ მსგავსი დამოკიდებულება კატეგორიულად შეუსაბამოა როგორც საქართველოსა და საერთაშორისო სამართალთან, ასევე ევროკავშირის წევრობის პოლიტიკურ მიზანთან. მიხეილ სააკაშვილის ჯანმრთელობის მდგომარეობის კიდევ უფრო დამძიმება და ლეტალური შედეგის დადგომა იქნება არამხოლოდ ადამიანის უფლებების უმძიმესი დარღვევა, არამედ პოლიტიკური კოლაფსიც, რომელიც საქართველოს რეპუტაციას გამოუსწორებელ ზიანს მიაყენებს“. ხელმომწერი ორგანიზაციები მოუწოდებენ ხელისუფლებას, ჯეროვნად გაიაზროს სახელმწიფოს ვალდებულებები ადამიანის ძირითადი უფლებების სფეროში, შეწყვიტოს გულგრილი დამოკიდებულება მიხეილ სააკაშვილის ჯანმრთელობის მძიმე მდგომარეობისადმი და იტვირთოს პასუხისმგებლობა მისი სიცოცხლისა და ჯანმრთელობის გადასარჩენად. სრულად... წყარო: www.gyla.ge

თბილისი. 13 დეკემბერს, ინფორმაციის თავისუფლების განვითარების ინსტიტუტმა (IDFI) საერთაშორისო კონფერენცია „კარგი მმართველობის ფორუმი 2022“ გამართა. ფორუმის თემა იყო დეცენტრალიზაციის მხარდაჭერა/დაჩქარება: კარგი პრაქტიკები და ინოვაციური მიდგომები. კონფერენციის ფარგლებში მიმოიხილეს დეცენტრალიზაციის რეფორმის გლობალური ტენდეციები, კარგი პრაქტიკები და საჭიროებები აღმოსავლეთ ევროპის ქვეყნებისთვის, ასევე, ის ინოვაციური მეთოდები, რომლებიც დაგვეხმარება არსებული გამოწვევების გასამკლავებლად ადგილობრივ დონეზე დემოკრატიული პრინციპებისა და დეცენტრალიზაციის რეფორმების განსახორციელებლად. ვრცლად... წყარო: idfi.ge

თბილისი. საქართველოს სტრატეგიული კვლევებისა და განვითარების ცენტრის (CSRDG) ორგანიზებით, მიმდინარეობს კორპორაციული სოციალური პასუხისმგებლობით (CSR) დაინტერესებულ მხარეთა ფორუმის დაფუძნების ღონისძიება. ფორუმს სხვადასხვა სექტორის წარმომადგენლები ესწრებიან. ღონისძიების მიზანია CSR-ის ხელშემწყობი სახელმწიფო პოლიტიკის საკითხებზე დიალოგისა და თანამშრომლობის უნიკალური პლატფორმის შექმნა. ღონისძიება მიმდინარეობს ევროკავშირისა (EU) და კონრად ადენაუერის ფონდის (KAS) მიერ დაფინანსებული პროექტის „სამოქალაქო საზოგადოების ინიციატივა“ ფარგლებში. სრულად... წყარო: STAR პროექტის გვერდი სოციალურ ქსელში

თბილისი. 17-18 დეკემბერს, დედაენის პარკში საშობაო აგრო-ბაზარი მოეწყობა. ბაზარში ნამდვილი, უნიკალური ქართულ გემო დაგხვდებათ. ქართული პროდუქტები მეწარმეების მიერ ავთენტურად, შესაბამის გარემოშია მოყვანილი და შექმნილი. აგრო-ბაზრობა იმართება გაეროს სურსათისა და სოფლის მეურნეობის ორგანიზაციის (FAO) და ევროკავშირის მხარდაჭერით, ინიციატივის ფარგლებში, რომლის სახელწოდებაა „ევროკავშირის ინოვაციური პროექტი საქართველოში კერძო სექტორის კონკურენტუნარიანობისთვის“. სრულად... წყარო: ორგანიზაციის გვერდი სოციალურ ქსელში

მცხეთა-მთიანეთი. მცხეთა - მთიანეთის რეგიონული ჰაბის ორგანიზებით და მცხეთის მუნიციპალიტეტის მერიის მხარდაჭერით, 10 დეკემბერს, ქალაქ მცხეთაში მეწარმე ქალების პროდუქციის გამოფენა - გაყიდვა გაიმართა. მცხეთა-მთიანეთის რეგიონული ჰაბი, ესტონეთის ლტოლვილთა საბჭოსა და ესტონეთის საგარეო საქმეთა სამინისტროს ფინანსური მხარდაჭერით ახორციელებს პროექტს: დევნილი და ომით დაზარალებული ქალების საარსებო წყაროების მხარდაჭერა მეწარმეობის გზით საქართველოში. პროექტის ფარგლებში ჯამში 90-მა ომით დაზარალებულმა ქალმა მიიღო სამეწარმეო გრანტი. სრულად... წყარო: ორგანიზაციის გვერდი სოციალურ ქსელში

გურია. ადამიანის უფლებების საერთაშორისო დღესთან დაკავშირებით, ახალგაზრდა პედაგოგთა კავშირის ახალგაზრდული ცენტრის წევრების მონაწილეობით ჩატარდა ტრენინგი თემაზე: ადამიანის უფლებები და თავისუფლება.  შეხვედრას უძღვებოდა ომბუდსმენის აპარატის გურიის რეგიონის წარმომადგენელი თამარ ოგანოვა.  სრულად... წყარო: ორგანიზაციის გვერდი სოციალურ ქსელში

სამცხე-ჯავახეთი. დემოკრატ მესხთა კავშირის ორგანიზებით, ახალციხეში USAID/Georgia-ის პროგრამის „ერთიანობა მრავალფეროვნებაშია” გახსნითი ღონისძიება გაიმართა. USAID 5 წლიანი პროგრამა „ერთიანობა მრავალფეროვნებაშია” ემსახურება მოქალაქეთა სამოქალაქო ინტეგრაციასა და ეკონომიკურ გაძლიერებას. მიზნად ისახავს უმცირესობების ჩართულობის გაზრდას საჯარო პოლიტიკის ყველა საკითხში, სექტორთა თანამშრომლობის გზით მათი ეკონომიკური ინტეგრაციის ხელშეწყობას და სოციალური, სამოქალაქო და ეკონომიკური კავშირების გაძლიერებას უმცირესობასა და უმრავლესობას შორის. პროგრამას USAID -ის ფინანსური მხარდაჭერით ახორციელებს საქართველოს გაეროს ასოციაცია პარტნიორ ორგანიზაციებთან ერთად. ახალციხესა და ახალქალაქში პროგრამის პარტნიორი დემოკრატ მესხთა კავშირი. სრულად... წყარო: ორგანიზაციის გვერდი სოციალურ ქსელში

თბილისი. ამერიკის შეერთებული შტატების მთავრობის გაცვლითი პროგრამების საქართველოს მონაწილეთა ასოციაცია (EPAG) გიწვევთ დასაქმების ფორუმზე, რომელიც გაიმართება 15 დეკემბერს 12:00 საათიდან 16:00 საათამდე, სასტუმრო ჰოლიდეი ინნ-ში. დასაქმების ფორუმში მონაწილეობას 30-მდე, სხვადასხვა სფეროში მომუშავე, კომპანია/ორგანიზაცია/Think Tank მიიღებს, რომლებიც ღონისძიებაზე მოსულ სტუმრებს შესთავაზებენ მრავალფეროვან შესაძლებლობებს. წარმოდგენილი იქნება როგორც მენეჯერულ და საშუალო რგოლის პოზიციებზე არსებული ვაკანსიები, ასევე, შესაძლებლობები კვლევითი საქმიანობითა თუ სტაჟირებით დაინტერესებული პირებისთვის. გარდა ამისა, დასაქმების ფორუმი საშუალებას მოგცემთ გაიფართოვოთ პროფესიული კონტაქტების არეალი და გაიცნოთ პოტენციური პარტნიორები. სრულად... წყარო: EPAG-ის გვერდი სოციალურ ქსელში

14 დეკემბერს, 18:30 საათზე, გია ჯანდიერი წაიკითხავს ლექციას: რა მნიშვნელობა აქვს კერძო საკუთრებას და გაცვლით ურთიერთობებს? სრულად...

14 დეკემბერს, 16:00 საათზე, სასტუმრო Pulman Axis Towers Tbilisi-ში, ევროკავშირისა და კონრად ადენაუერის ფონდის (KAS) მხარდაჭერით, „საქართველოს სტრატეგიული კვლევებისა და განვითარების ცენტრის“ (CSRDG) ორგანიზებით, კორპორაციული სოციალური პასუხისმგებლობის (CSR) დაინტერესებულ მხარეთა ფორუმის დაფუძნების ღონისძიება გაიმართება. მისამართი: თბილისი, ჭავჭავაძის გამზ. 37მ

14 დეკემბერს, 14:00 საათზე საქართველოს იუსტიციის სამინისტროს ეროვნული არქივის საგამოფენო პავილიონში გაიხსნება გამოფენა „საქართველო და შეერთებული შტატები. დიპლომატიური ურთიერთობების ისტორია“. ექსპოზიცია, რომელიც საქართველოსა და აშშ-ის შორის დიპლომატიური ურთიერთობების დამყარების 30 წლის იუბილეს ეძღვნება, ასახავს ორი ქვეყნის მეგობრულ ურთიერთობას საქართველოს პირველი დემოკრატიული რესპუბლიკის პერიოდიდან დღემდე. სრულად...

14 დეკემბერს, 12:00 საათზე, მედიის განვითარების ფონდი (MDF) ნატოს სახალხო დიპლომატიის ოფისის მხარდაჭერითა და The Critical Mass-თან პარტნიორობით, 2022 წლის „ყველაზე მედიაწიგნიერი სკოლის“ კონკურსის დაჯილდოების ცერემონიას გამართავს. სრულად...

საინიციატივო ჯგუფი „ყველაფერი შენი უფლებების შესახებ“ პროექტის „ინფორმირებული მშობლები დაცული თაობისთვის“ ფარგლებში, მოზარდების მშობლებისთვის ასრულებს ტრენინგების სერიას სექსუალური და რეპროდუქციული ჯანმრთელობისა და უფლებების საკითხებზე. 13 დეკემბერს, 19:30 საათზე, პროექტის ფარგლებში, თბილისში ბოლო შეხვედრა გაიმართება. „უმნიშვნელოვანესია, მოზარდებს ჰქონდეთ სწორი და გადამოწმებული პასუხები იმ კითხვებზე, რაც მათ სექსუალურ და რეპროდუქციულ საკითხებთან დაკავშირებით უჩნდებათ. რადგანაც ჩვენი ქვეყნის ფორმალურ საგანმანათლებლო სივრცეში მოზარდებს ამ პასუხების მიღების შესაძლებლობა არ აქვთ, მშობლის როლი განსაკუთრებით მნიშვნელოვანი ხდება“. სრულად...

13 დეკემბერს, 17:00 საათზე, ჰაინრიხ ბიოლის ფონდის თბილისის ოფისის ორგანიზებით, გაიმართება პანელური დისკუსია: „ვინ დააფინანსებს კლიმატის ცვლილების შედეგად გამოწვეულ ზარალს?“  შეხვედრაზე მომხსენებლებთან ერთად განიხილება, კლიმატის 27-ე მსოფლიო კონფერენციის (COP27-ის) მთავარი შედეგები და მათი მნიშვნელობა საქართველოსთვის. სრულად...

ბელგია. 5-8 დეკემბერს, სამოქალაქო საზოგადოების ორგანიზაციების წარმომადგნელები ვიზიტით ბრიუსელში იმყოფებოდნენ. ევროპულ სტრუქტურებში შეხვედრები გაიმართა ასოცირებით ნაკისრი ვალდებულებებისა და ევროკომისიის 12 რეკომენდაციის შესახებ. ფონდ „ღია საზოგადოება საქართველოს“ ხელმძღვანელობით, სამოქალაქო საზოგადოების სხვადასხვა ორგანიზაციები, 2014 წლიდან მონიტორინგს უწევენ და ნაკისრი ვალდებულებების შესრულების მონიტორინგის შედეგებს აცნობენ ევროკავშირის ინსტიტუტებს, ასოცირების ხელშეკრულებისა და ასოცირების დღის წესრიგის შესრულების შესახებ. შეხვედრებზე ყურადღება გამახვილდა იმ სფეროებზე, რაც ფუნდამენტურია ქვეყნის წინსვლისა და განვითარებისთვის. სრულად... წყარო: osgf.ge

თბილისი. საქართველოს ახალგაზრდა იურისტთა ასოციაცია (საია) მთელი წლის განმავლობაში აქტიურად აგრძელებდა მუშაობას ადამიანის უფლებათა დასაცავად, როგორც სამართალწარმოების, ასევე მონიტორინგის, ადვოკატირებისა და საკანონმდებლო პროცესში ჩართულობის გზით. საია ყოველწლიურად აფასებს ქვეყანაში ადამიანის უფლებათა დაცვის მდგომარეობას და წარუდგენს მას საზოგადოებას. ორგანიზაციის შეფასებით, 2022 წელი ადამიანის უფლებათა დაცვის თვალსაზრისით კვლავაც გამოწვევებით სავსე იყო და ქვეყანაში გაგრძელდა დემოკრატიული უკუსვლა. ამ წლის უმთავრესი თემა ევროკავშირისგან კანდიდატის სტატუსის მოსაპოვებლად გადმოცემული 12 პირობის შესრულება იყო. ამ დრომდე პრობლემურია ამ პირობებიდან მნიშვნელოვანი ნაწილის შესრულების საკითხი, როგორც ადამიანის უფლებების დაცვის, ისე ინსტიტუციური რეფორმების მიმართულებით. წარმოდგენილ დოკუმენტში დეტალურად არის აღწერილი ადამიანის უფლებათა სფეროში არსებული ის ძირითადი გამოწვევები, რომელიც საია-მ 2022 წლის განმავლობაში გამოავლინა. სრულად... წყარო: gyla.ge

თბილისი. თუ გაქვთ კითხვები ბავშვის განვითარების შესახებ, მაკლეინის ასოციაცია გთავაზობთ, გაიაროთ უფასო, დისტანციური კონსულტაცია ფსიქოლოგთან. დაჯავშნეთ კონსულტაცია, თუ ბავშვს აქვს სწავლის და აკადემიური საგნების ათვისების სირთულეები, ბავშვი ავლენს ასაკის შეუსაბამო ქცევებს, ბავშვი გამოირჩევა გადაჭარბებული ემოციურობით, შფოთვით ან დაქვეითებული გუნება-განწყობით. შეარჩიეთ თქვენთვის სასურველი დრო, კონსულტაცია გაიმართება ორშაბათს, 19 დეკემბერს, 13:00, 14:00, 15:00, 16:00 საათებზე. სრულად... წყარო: ორგანიზაციის გვერდი სოციალურ ქსელში

სამეგრელო. 1 დეკემბერს, Burtula Creative-მა CHCA-ს ზუგდიდის ოფისში ჩაატარა ტრენინგი თემაზე „სოციალური მედია მარკეტინგი და მისი მნიშვნელობა მცირე ბიზნესის წარმოებისას”. ტრენინგს ესწრებოდნენ კონფლიქტით დაზარალებული პირები, რომლებიც დაკავებული არიან მცირე მეწარმეობით, სამეგრელოსა და აფხაზეთში. შეხვედრა ჩატარდა CHCA-სა და Burtula Creative-ს შორის გაფორმებული მემორანდუმის ფარგლებში, ციფრული საგანმანათლებლო პროგრამების ერთობლივი განხორცილებისათვის. სრულად... წყარო: ორგანიზაციის გვერდი სოციალურ ქსელში

იმერეთი. იმერეთის რეგიონული ჰაბის „ადგილობრივი დემოკრატიის სააგენტო საქართველოს“ (LDA Georgia) და განათლების განვითარების და დასაქმების ცენტრის (EDEC) ორგანიზებით, ბაღდათის მუნიციპალიტეტის ახალგაზრდული საბჭოს წევრებისთვის ტრენინგი გაიმართა. თემა: ახალგაზრდული საჭიროებების იდენტიფიცირების მეთოდოლოგია და მისი განხორციელების ინსტრუმენტები. ტრენინგზე ბაღდათის მუნიციპალიტეტის საბჭოს წევრებს მიეწოდათ ინფორმაცია ახალგაზრდების საჭიროებების იდენტიფიცირების მეთოდების, პროცედურების და მათი თანამონაწილეობის გააქტიურების შესახებ. ტრენინგი გაიმართა პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ფარგლებში, რომელიც ხორციელდება ევროკავშირისა (EU) და კონრად ადენაუერის ფონდის (KAS) მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი აქვეყნებს 2022 წლის შეფასებას, რომელიც ეხება კონფლიქტების ტრანფორმაციასა და ადამიანის უფლებებს კონფლიქტის რეგიონებში. ორგანიზაციის შეფასებით, წელსაც კონფლიქტების ტრანსფორმაციის, ისევე როგორც კონფლიქტის რეგიონებში და გამყოფი ხაზის სოფლებში ადამიანის უფლებათა დაცვის მიმართულებით ხელშესახები პოზიტიური ცვლილებები არ გვქონია. ახალი გეოპოლიტიკური და პოლიტიკური კონტექსტები, რომელიც უკრაინაში რუსეთის ომის შემდეგ შეიქმნა, არ გამხდარა საქართველოს ხელისუფლებისთვის ოკუპაციისა და კონფლიქტების თემაზე არსებითად ახალი პოლიტიკის და ინიციატივების დაწყების საფუძველი. სრულად... წყარო: socialjustice.org.ge

აჭარა. 3 დეკემბერს, შეზღუდული შესაძლებლობების მქონე პირთა უფლებების დაცვის დღეს, 10 პარტნიორი სკოლის მონაწილეობით შექმნილი სამოქალაქო ქსელის წევრებისთვის, შშმ პირთა გამოწვევების თემაზე ონლაინ - ტრენინგი ჩატარდა.    ტრენინგს უძღვებოდა ორგაზანიციის „ცვლილებები თანაბარი უფლებებისთვის“ თავმჯდომარე თომა კაკაბაძე. მონაწილეები გაეცნენ სხვადასხვა ტერმინების განმარტებას, ისაუბრეს შშმ პირთა მიმართ დღეს არსებულ მიდგომებსა და საერთაშორისო გამოცდილებაზე. ასევე, განიხილეს საქართველოში არსებული რეალობა, გამოწვევები და მათი გადაჭრის შესაძლო გზები. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრის თანახმად, ბოლო 6 წელია, უმუშევრობის დონე მცირდება, თუმცა ასევე, კლებადია დასაქმების დონე. „ხელისუფლების წარმომადგენლები ხშირად აპელირებენ სტატისტიკით და ამბობენ, რომ უმუშევრობის მაჩვენებელი ქვეყანაში იკლებს. ეს სტატისტიკურად მართლაც ასეა, მაგრამ აღსანიშნავია, რომ პარალელურად, იკლებს დასაქმებულთა რაოდენობაც. რითი აიხსნება ეს ერთი შეხედვით, ურთიერთგამომრიცხავი მონაცემები? სინამდვილეში, უმუშევრობის დონის კლება ავტომატურად არ ნიშნავს დასაქმებულთა რაოდენობის ზრდას. უმუშევრობის დონემ რომ იკლოს, ადამიანები ან უნდა დასაქმდნენ, ან უნდა შეწყვიტონ სამსახურის ძიება და გახდნენ ეკონომიკურად არააქტიურები. ჩვენ შემთხვევაში სტატისტიკა აჩვენებს, რომ უმუშევართა, დასაქმებულთა და ეკონომიკურად აქტიურ მოქალაქეთა რაოდენობა თანადროულად იკლებს. ამ სამი სტატისტიკის ერთად გაანალიზება ცხადყოფს, რომ უმუშევრობის დონის შემცირება განპირობებულია არა იმდენად დასაქმების დონის ზრდით, ადგილების შექმნით, არამედ იმით, რომ სულ უფრო მეტი ადამიანი წყვეტს სამსახურის ძიებას და ხდება ეკონომიკურად არააქტიური“, ნათქვამია ორგანიზაციის ვებგვერდზე. სრულად... წყარო: socialjustice.org.ge