თბილისი. გაეროს განვითარების პროგრამა განათლების საერთაშორისო დღესთან დაკავშირებით ვიდეო-რგოლს ავრცელებს.  ვიდეო-რგოლში პედაგოგი ლადო აფხაზავა ამბობს, რომ იგი ხშირად საუბრობს ბავშვებთან განათლებასა და თავისუფლებაზე და მისი აზრით, სწორედ ეს ღირებულებები განაპირობებს იმ უნარების ჩამოყალიბებას, რომლებიც ახალგაზრდებს მომავალი გამოწვევების დასაძლევად სჭირდებათ.  სრულად...   წყარო: გაეროს განვითარების პროგრამა

თბილისი. ,,ახალგაზრდა პედაგოგთა კავშირთან“ არსებული არაფორმალური განათლების ცენტრის ,,ლიდერთა სკოლის" თბილისის ფილიალში მოზარდთა რეგისტრაცია განახლდა.  ლიდერთა სკოლაში ახალგაზრდები გაიუმჯობესებენ შემდეგ უნარ-ჩვევებს: გუნდურობა, კომუნიკაცია, დებატები, ემპათია და ასე შემდეგ. რეგისტრაციისთვის ეწვიეთ ბმულს... სესიები ჩატარდება კვირაში ერთი დღე, ერთი საათი ახალგაზრდა პედაგოგთა კავშირის ოფისში. სრულად...  წყარო: ახალგაზრდა პედაგოგთა კავშირი

თბილისი. საერთაშორისო გამჭვირვალობა-საქართველო ინფორმაციას აქვეყნებს – „მთავრობამ 2023 წელს 531 განკარგულება დამალა“.  „2023 წელს საქართველოს მთავრობამ 48 სხდომაზე მინიმუმ 531 განკარგულების პროექტი განიხილა, რომელთაგან დღემდე არცერთი არ გასაჯაროვებულა. ამასთან, მთავრობამ არ გამოაქვეყნა 48-დან 4 სხდომის დღის წესრიგი.  დოკუმენტების მიღება შეუძლებელია საჯარო ინფომრაციის გამოთხოვის გზითაც.“  საერთაშორისო გამჭვირვალობა-საქართველო მოუწოდებს მთავრობის ადმინისტრაციას უარი თქვას განკარგულების დამალვის მავნე პრაქტიკაზე. სრულად...  წყარო: საერთაშორისო გამჭვირვალობა-საქართველო

თბილისი. სამართლიანი არჩევნები ახალ ბლოგს „ნიუს-ფრონტთან“ დაკავშირებული ქსელი ფეისბუქსა და ტელეგრამზე“ ავრცელებს.  მასში განხილულია კრემლის პროპაგანდისტული სააგენტოს „ნიუს–ფრონტის“ მიერ მომზადებული მასალების გავრცელების საკითხები.  „ 2020 წელს კომპანია „ფეისბუქმა“ კრემლის პროპაგანდისტული სააგენტო, „ნიუს-ფრონტი”, მის კუთვნილ პლატფორმებზე წესების დარღვევით მოქმედების გამო შეზღუდა, თუმცა გამოცემასთან დაკავშირებული ანგარიშები ფეისბუქზე სხვადასხვა ხერხით მაინც ცდილობენ მასალების გავრცელებას. 2023 წლის სექტემბრიდან კი „ნიუს-ფრონტმა” ტელეგრამის პლატფორმის გამოყენება აქტიურად დაიწყო და ანტიდასავლური და პრორუსული შინაარსის, ასევე, საქართველოს შიდა პოლიტიკურ აქტორებზე მომზადებულ მასალებს ფეისბუქზე სწორედ ამ პლატფორმაზე კუთვნილი არხის („იქნება თუ არა მაიდანი”) ბმულების საშუალებით ავრცელებს“, წერს სამართლიანი არჩევნები.  სრულად... წყარო: სამართლიანი არჩევნები

თბილისი. სოციალური სამართლიანობის ცენტრი ბლოგს „ბრძოლა დემოკრატიისთვის: სოციალური კონფლიქტები წიაღისა და ენერგეტიკის სექტორში“ აქვეყნებს.  ალექსანდრა აროშვილის ბლოგში განხილულია საქართველოს წიაღის და ენერგეტიკის სექტორში არსებული გამოწვევები, სოციალური წინააღმდეგობები და ამ ტიპის პროექტებიდან მისაღები ეკონომიკური სარგებლის საკითხები.  იხილეთ ვრცლად... წყარო: სოციალური სამართლიანობის ცენტრი

სამცხე-ჯავახეთი. ევროპის ინტერკულტურული ფორუმის პროექტის „აღმოაჩინე კავკასია" 2023-2024 წლის ფარგლებში ახალციხეში ჩასული მოხალისეების პიტერის და ლუსის ინიციატივით, ახალციხის ახალგაზრდული ცენტრის წევრებისთვის სამუშაო შეხვედრა ჩატარდა თემაზე: საჯარო გამოსვლების ტექნიკები.  ღონისძიება დაიგეგმა USAID-ის პროგრამის ერთიანობა მრავალფეროვნებაშია, ფარგლებში, რომელსაც ახორციელებს UNA Georgia • საქართველოს გაეროს ასოციაცია USAID-ის ფინანსური მხარდაჭერით. სრულად...  წყარო: დემოკრატ მესხთა კავშირი

24 იანვარს განათლების საერთაშორისო დღე აღინიშნება. ევროკავშირის წარმომადგენლობა საქართველოსთან პარტნიორობით განხორციელებულ პროექტების შესახებ ავრცელებს ინფორმაციას: ერასმუს+ პროგრამაში მონაწილეობისა და უწყვეტი განათლების მხარდაჭერა; პროფესიული განათლებისა და სწავლების სტრატეგიების შემუშავება; ახალგაზრდებისთვის ხარისხიან განათლებაზე წვდომის უზრუნველყოფა; ათასობით ახალგაზრდამ შეიძინა მეწარმეობისა და დასაქმებისათვის აუცილებელი უნარები! სრულად... წყარო: ევროკავშირის წარმომადგენლობა საქართველოში

თბილისი. განვითარებისა და ჩართულობის პლატფორმა მსურველებს ბრიტანელი ექსპერტის ტიმ უილერის სემინარზე მონაწილეობის მისაღებად იწვევს.  სემინარი „შეზღუდული შესაძლებლობის მქონე პირები, კრეატიულობა და კულტურა“ 2 თებერვალს ონლაინ გაიმართება. ღონისძიების მიზანია: მონაწილეებისთვის ბრიტანული გამოცდილების გაზიარება ინკლუზიური ხელოვნების მიმართულებით და მხარეებს შორის კომუნიკაციის ხელშეწყობა/გაღრმავება.  სემინარში მონაწილეობის მისაღებად აუცილებელია რეგისტრაცია ... სრულად...   წყარო: განვითარებისა და ჩართულობის პლატფორმა

სამეგრელო. საქველმოქმედო ჰუმანიტარული ცენტრმა „აფხაზეთი“ (CHCA) 18 იანვრიდან მედდებისა და მზრუნველობის კვალიფიკაციის ამაღლების კურსი დაიწყო.  ტრენინგი 10 დღის განმავლობაში გაგრძელდება. ტრენინგს ატარებს ორგანიზაცია "ადამიანი და ბუნება". სასწავლო კურსი შეთანხმებულია საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსთან.  ინიციატივის მხარდამჭერია გაეროს განვითარების პროგრამა (UNDP).  სრულად... წყარო: საქველმოქმედო ჰუმანიტარული ცენტრი „აფხაზეთი“ (CHCA)

თბილისი. ადამიანის უფლებათა ცენტრმა 22 იანვარს გამოაქვეყნა შემაჯამებელი ანგარიში შეკრებებისა და მანიფესტაციების მონიტორინგის შესახებ. ანგარიში მიმოიხილავს 2023 წლის განმავლობაში აქციების მონიტორინგის შედეგად გამოვლენილ უფლებადარღვევებსა და მთავარ გამოწვევებს. ანგარიში მომზადდა ევროკავშირის მხარდაჭერით, პროექტის - „ადამიანის უფლებებზე მონიტორინგისა და ადვოკატირების შესაძლებლობის გაძლიერება საქართველოში“ ფარგლებში. იხილეთ ანგარიში ვრცლად... წყარო: ადამიანის უფლებათა ცენტრი

თბილისი.საქართველოს სტრატეგიული და საერთაშორისო კვლევების ფონდმა სასწავლო პროგრამის - „საჯარო მოხელეთა პროფესიული შესაძლებლობების ზრდა“ - ფარგლებში დისკუსია გამართა. რონდელის უფროსმა მკვლევარმა, ალექსი პეტრიაშვილმა ისაუბრა თემაზე: „საგარეო პოლიტიკა-საქართველო და დასავლეთი.“ პროგრამას რონდელის ფონდი ახორციელებს 2009 წლიდან შვედეთის საერთაშორისო განვითარებისა და თანამშრომლობის სააგენტოს (Sida) ფინანსური მხარდაჭერით. სრულად...  წყარო: საქართველოს სტრატეგიული და საერთაშორისო კვლევების ფონდი

ქვემო ქართლი. 21 იანვარს სამოქალაქო საზოგადოების ინსტიტუტმა (CSI) „ჩაერთე მართვის“ მარნეულის და დმანისის კლუბის წევრებთან გამართა შეხვედრა. კლუბის წევრები სხვადასხვა პროფესიის და ასაკის ადგილობრივები არიან, რომელთაც დიდი სურვილი აქვთ, თავიანთი მონაწილეობით, ხელი შეუწყონ ადგილობრივ დონეზე მოქალაქეთა მონაწილეობის პროცესებს. შეხვედრაზე ისაუბრეს კლუბის როლზე მოქალაქეთა მონაწილეობის, საგანმანათლებლო–საინფორმაციო კამპანიების, ადგილობრივი ინიციატივების შემუშვების, მონაწილეობის მექანიზმების პოპულარიზაციისა და პრაქტიკაში განხორციელების კუთხით. ამ საკითხებზე კლუბის წევრები 2 თვის განმავლობაში იმუშავებენ.  ქვემო ქართლში, კამპანიის „ჩაერთე მართვაში“ – პარტნიორია „სამოქალაქო ჩართულობის და აქტივიზმის ცენტრი“.  25 იანვარს სამოქალაქო საზოგადოების ინსტიტუტი ჩოხაუტრის კლუბის წევრებთან გამართავს შეხვედრას, 29 იანვარს კი – ბათუმის კლუბის წევრებთან. შეგახსენებთ, რომ კლუბში 100–ზე მეტი მოხალისეა გაერთიანებული მარნეულის, დმანისის, ჩოხატაურის და ბათუმის მუნიციპალიტეტებიდან.  კამპანიას „ჩაერთე მართვაში“ ახორციელებს სამოქალაქო საზოგადოების ინსტიტუტი (CSI), USAID-ის ადგილობრივი თვითმმართველობის პროგრამის ფარგლებში.

თბილისი. საერთაშორისო გამჭვირვალობა საქართველო აღნიშნავს, რომ „თანამდებობის პირების მიერ ქონების, ფინანსებისა და კავშირების დეკლარირების სისტემა კორუფციის პრევენციის და გამოვლენის ერთ–ერთი საბაზისო მექანიზმია“.  ორგანიზაციის ინფორმაციით, „დეკლარაციების შემრჩევი კომისია წლების განმავლობაში ვერ იქმნებოდა (2018-22 წლებში მხოლოდ ერთხელ – 2019-ში შეიქმნა), რის გამოც ამ წლებში კანონით გათვალისწინებულზე ორჯერ ნაკლები დეკლარაცია შემოწმდა (მაგ: 600-ის ნაცვლად – 300)“.  ორგანიზაციის ძალისხმევით, 2024 წელს დამატებით 300 თანამდებობის პირის ქონების დეკლარაცია შემოწმდება.  სრულად...  წყარო: საერთაშორისო გამჭვირვალობა საქართველო

სამეგრელო-ზემო სვანეთი.საქველმოქმედო ჰუმანიტარული ცენტრი „აფხაზეთი“ (CHCA) აგრძელებს სოციალური სერვისების საკონსულტაციო ცხელი ხაზის საინფორმაციო შეხვედრებს.  შეხვედრა გაიმართა ახალკახათის დევნილთა კოლექტიურ დასახლებაში, სადაც შეხვედრას ესწრებოდა 11 ადამიანი, 2 ადგილობრივი მცხოვრები და დევნილები აფხაზეთიდან.  მათ მიეწოდათ ინფორმააცია ცხელი ხაზის შესახებ, იურისტისა და ფსიქოლოგის კონსულტაციის შესაძლებლობაზე, გაადაეცათ ფლააერები და მოკლე ინფორმააცია ორგანიზაციის საქმიანობის შესახებ.  სრულად...  წყარო: საქველმოქმედო ჰუმანიტარული ცენტრი „აფხაზეთი“ (CHCA)

თბილისი. სამოქალაქო პლატფორმა „არა-ფობიას“ ეხმაურება ტოლერანტობის ცენტრის შესახებ შალვა პაპუაშვილის განცხადებას.  „მიგვაჩნია, რომ პარლამენტის თავმჯდომარე აღნიშნული ანტიკონსტიტუციური განცხადებებით არღვევს სახელმწიფოსა და ეკლესიას შორის ურთიერთგამიჯვნის კონსტიტუციურ პრინციპს, უხეშად ერევა საქართველოს სახალხო დამცველთან არსებული ცენტრის ავტონომიაში, აღვივებს შეუწყნარებლობასა და სიძულვილს უფლებადამცველების მიმართ, ეწინააღმდეგება საქართველოს ევროატლანტიკურ მისწრაფებებსა და დემოკრატიული განვითარების პროცესს.  (...) მოვუწოდებთ ხელისუფლებას, შეწყვიტოს სამოქალაქო საზოგადოებისა და უფლებადამცველების მიმართ სიძულვილის კამპანია, მიზანმიმართული ანტიდასავლური პოლიტიკა, დამოუკიდებელი კონსტიტუციური ორგანოებისა და რელიგიური გაერთიანებების ავტონომიაში ჩარევა და ავტორიტარული, ადამიანის ფუნდამენტური უფლებების შემზღუდველი კანონმდებლობის მიღების მცდელობა.“ - ნათქვამია განცხადებაში  სრულად... წყარო: ადამიანის უფლებათა ცენტრი

თბილისი.1 თებერვალს, საშემსრულებლო და ხელოვნების წარმომადგენლებისთვის გაიმართება PerformEurope-ის საინფორმაციო შეხვედრა.  დამსწრეებს საშუალება ექნებათ გაიგონ მეტი Perform Europe–ის და მისი საგრანტო კონკურსების შესახებ, რომელიც საშუალებას იძლევა სხვადასხვა სახელოვნებო პროექტების განსახორციელებლად. Perform Europe დაფინანსებულია ევროკავშირის პროგრამის კრეატიული ევროპის ( Creative Europe Georgia) მიერ.  სრულად...  წყარო: კრეატიული ევროპა

აჭარა. ცვლილებები თანაბარი უფლებებისთვის რიგით მე-2 პოდკასტში შეზღუდული შესაძლებლობების მქონე პირებთან დაკავშირებულ მიდგომებზე საუბრობს. პოდკასტი "სამოქალაქო საზოგადოების კოორდინირებული ადვოკატირება საქართველოში შეზღუდული შესაძლებლობის მქონე პირთა უფლებების დაცვის ვალდებულებების განხორციელებისთვის" პროექტის ფარგლებში ჩაიწერა, რომელსაც ორგანიზაციები "ცვლილებები თანაბარი უფლებებისათვის" და "კოალიცია დამოუკიდებელი ცხოვრებისათვის" ევროკავშირის ფინანსური მხარდაჭერით ახორციელებენ.  სრულად...   წყარო: ცვლილებები თანაბარი უფლებებისთვის

შიდა ქართლი.20 იანვარს განათლების საერთაშორისო დღესთან დაკავშირებით გაიმართა შეხვედრა პროგრამაში ჩართულ ახალგაზრდებთან. სტუმრებმა შეხვედრაზე ისაუბრეს, განათლების როლზე ქვეყნის და პიროვნულ განვითარებაზე. პროექტი USAID -ის პროგრამა ,,ერთიანობა მრავალფეროვნებაშია” ფარგლებში მიმდინარეობს, რომელიც საქართველოს გაეროს ასოციაციის UNAG-ის მიერ ხორციელდება. აშშ-ს საერთაშორისო განვითარების სააგენტოს USAID-ის ფინანსური მხარდაჭერით.  სრულად... წყარო: გორის სამოქალაქო აქტივიზმის ცენტრი

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს.  ელ-ბიულეტენი…

ზემო სვანეთი. ადგილობრივი განვითარების ჯგუფი ზემო სვანეთი იწყებს პროექტის ,,Სოფლის მხარდაჭერის სახელმწიფო პროგრამის მონაწილეობითი მონიტორინგი მესტიისა და ლენტეხის მუნიციპალიტეტებში” სათემო შეხვედრებს: 22 იანვარი, 15:00 საათი - ცხუმარის თემი 23 იანვარი, 14:00 საათი - წვირმის თემი 23 იანვარი, 16:00 საათი - იფარის თემი 24 იანარი, 15:00 საათი - მულახის თემი აღნიშნულ პროექტს ზემო სვანეთის ადგილობრივი განვითარების ჯგუფი ახორციელებს USAID-ის ადგილობრივი თვითმართველობის პროგრამის ფარგლებში ორ სამიზნე მუნიციპალიტეტში - მესტიასა და ლენტეხში. სრულად... წყარო: ადგილობრივი განვითარების ჯგუფი ზემო სვანეთი სრულად... წყარო: ადგილობრივი განვითარების ჯგუფი ზემო სვანეთი

თბილისი. სოციალური სამართლიანობის ცენტი ახალ კვლევას „მიზნობრივი სოციალური დახმარება საქართველოში“ ავრცელებს. კვლევაში განხილულია რა ძირითადი ხარვეზები აქვს საარსებო შემწეობის მეთოდოლოგიას და როგორია პროგრამის საშუალებით ქვეყანაში სიღარიბის დაძლევის პოტენციალი.  კვლევა მიზნად ისახავდა პროგრამის მეთოდოლოგიაში არსებული ნაკლოვანებების ანალიზს და უფრო ზოგადად, პროგრამის საშუალებით ქვეყანაში სიღარიბის დაძლევის პოტენციალის შეფასებას. პროექტი ხორციელდება USAID-ის სამოქალაქო საზოგადოების ჩართულობის პროგრამის მხარდაჭერით.  სრულად...  წყარო: სოციალური სამართლიანობის ცენტრი

იმერეთი. "ქუთაისის საერთაშორისო მოკლემეტრაჟიანი ფილმების კინოფესტივალი" და "დაუკრეფავი" გიწვევთ 27-28 იანვარს ქუთაისში სამუშაო შეხვედრაზე მათ, ვინც დაინტერესებულია ღია ლექციების, შეხვედრებისა და კინოჩვენებების ორგანიზებით.  შეხვედრა ხორციელდება ევროკავშირის მიერ დაფინანსებული პროექტის EU4Culture მხარდაჭერით, კულტურული და ინოვიაციური პროექტების კონკურსში გამარჯვებული პროექტის “Film Cities: Kutaisi and Poti” ფარგლებში.  დასწრება შეუძლიათ იმერეთში არსებულ სხვადასხვა კულტურული სივრცის მენეჯერებს (გალერეებს, კულტურის ცენტრებს და ა.შ), კაფეებისა და ბარების წარმომადგენლებს, საინიციატივო ჯგუფებისა და არასამთავრობო ორგანიზაციების წარმომადგენლებს.  სრულად... წყარო: ევროკავშირის წარმომადგენლობა საქართველოში