თბილისი. ღირსეული შრომის პლატფორმა გამოსახლებების შეჩერებას და დაკავებული აქტივისტების გათავისუფლებას ითხოვს.  ღირსეული შრომის პლატფორმა ეხმაურება მიმდინარე კვირის განმავლობაში ჩანიშნული გამოსახლების შემთხვევებს, სოლიდარობას უცხადებს გამოსახლების წინაშე მდგარ ოჯახებსა და დაკავებულებს და სახელმწიფოსგან გამოსახლებაზე მორატორიუმს ითხოვს. როგორც ღირსეული შრომის პლატფორმა აღნიშნავს მორატორიუმის დროს შესაძლებელი გახდებოდა შესაბამისი კანონმდებლობისა და პოლიტიკის ძირფესვიანი ცვლილება.  სრულად...  წყარო: სოციალური სამართლიანობის ცენტრი

შიდა ქართლი. 27 იანვარს, გაიმართა ჰოლოკოსტის დღისადმი მიძღვნილი შეხვედრა, სადაც გაიმართა. მხატვრული ფილმი "ტალღა" ჩვენება-განხილვა, რომელიც დაფუძნებულია რეალურ, ამბავზე, კერძოდ კი, ამერიკის შეერთებულ შტატებში არსებულ ერთერათ საჯარო სკოლაში განვითარებულ ტრაგიკულ მოვლენაზე. პროექტი USAID -ის პროგრამა ,,ერთიანობა მრავალფეროვნებაშია” ფარგლებში მიმდინარეობს, რომელიც საქართველოს გაეროს ასოციაციის UNAG-ის მიერ ხორციელდება, აშშ-ს საერთაშორისო განვითარების სააგენტოს USAID-ის ფინანსური მხარდაჭერით.  სრულად... წყარო: გორის სამოქალაქო აქტივიზმის ცენტრი

საქველმოქმედო ჰუმანიტარული ცენტრი “აფხაზეთი” აგრძელებს სოციალური სერვისების საკონსულტაციო ცხელი ხაზის საინფორმაციო შეხვედრებს.  დამსწრეებს მიეწოდათ ინფორმააცია ცხელი ხაზის შესახებ, იურისტისა და ფსიქოლოგის კონსულტაციის შესაძლებლობაზე, გაადაეცათ ფლააერები და მოკლე ინფორმააცია ორგანიზაციის საქმიანობის შესახებ.  სრულად... წყარო: საქველმოქმედო ჰუმანიტარული ცენტრი “აფხაზეთი”

თბილისი. ინფორმაციის თავისუფლების განვითარების ინსტიტუტი აქვეყნებს პოლიტიკური რეპრესიების მსხვერპლთა საყოფაცხოვრო სუბსიდიას, რომელიც 2024 წელს 7-დან 40 ლარამდე გაიზარდა.  „2020 წლიდან IDFI-მ და საზოგადოება „საქართველოს მემორიალმა“ საქართველოს პრემიერ-მინისტრს, მთავრობასა და პარლამენტს რეპრესირებულთათვის სუბსიდიის გაზრდის მოთხოვნით ოთხჯერ მიმართეს. IDFI-ის ინიციატივით შეიქმნა პეტიცია და დაიწყო ხელმოწერების შეგროვება. IDFI- გააგრძელებს ადვოკატირებას რეპრესირებულთა მდგომარეობის გაუმჯობესებისთვის.“ - ნათქვამია ორგანიზაციის ვებ გვერდზე  სრულად... წყარო: ინფორმაციის თავისუფლების განვითარების ინსტიტუტი

თბილისი. საქართველოს ახალგაზრდა იურისტთა ასოციაცია ახალ დოკუმენტს "დაკავებულთა უფლებების დაცვა ეფექტიანი საპოლიციო პროცედურების ჩამოყალიბებით" აქვეყნებს.  დოკუმენტში წარმოდგენილი რეკომენდაციები, შეეხება: დაკავებულის ურთიერთობას ადვოკატებთან, მისი ადგილსამყოფელის დადგენას და ზარის განხორციელების საკითხებს.  რეკომენდაციების დოკუმენტი მომზადდა USAID Rule of Law Program I USAID სამართლის უზენაესობის პროგრამა მხარდაჭერით.  სრულად... წყარო: საქართველოს ახალგაზრდა იურისტთა ასოციაცია

გურია. მოქალაქეთა მონაწილეობის სტრატეგიის შემუშავებისთვის, 26 იანვარს, ჩოხატაურის მუნიციპალიტეტში საჯარო შეხვედრა გაიმართა. იგი, ევროპის საბჭოს მიერ შექმნილი ინვოაციური მეთოდოლოგიის - სამოქალაქო ლაბორატორიის (Civiclab) მექანიზმის გამოყენებით წარიმართა. ჩოხატაურის მუნიციპალიტეტის მოქალაქეთა მონაწილეობის სტრატეგიისთვის საჭირო წინადადებებზე ერთობლივად იმუშავეს ადგილობრივმა მაცხოვრებლებმა – სამოქალაქო საზოგადოების, საჯარო სექტორის, საგანმანათლებლო, ბიზნეს და მედია სფეროს წარმომადგენლებმა. შეხვედრის მონაწილეებმა შეიმუშავეს რეკომენდაციები და აქტივობები  4 მიმართულებით: ინფორმაციის ხელმისაწვდომობის და გამჭვირვალობის, ანგარიშვალდებულების და ზედამხედველობის, მუნიციპალური სერვისებისა და მოაქალქეთა მოტივაციის გაზრდის კუთხით.  შეხვედრა, USAID-ის ადგილობრივი თვითმმართველობის პროგრამის ფარგლებში, ჩოხატაურის მუნიციპალიტეტის ორგანიზებით და სამოქალაქო საზოგადოების ინსტიტუტის (CSI) მხარდაჭერით გაიმართა.

თბილისი. 27 იანვარს, „ახალგაზრდა პედაგოგთა კავშირის“ ბაზაზე არსებული ახალგაზრდული ცენტრის წევრების მონაწილეობით ჩატარდა სესია თემაზე: შეზღუდული შესაძლებლობა, მიდგომები და პრინციპები. შეხვედრაზე განხილული თემები მოიცავდა ისეთ მნიშვნელოვან საკითხებს როგორებიცაა: შეზღუდული შესაძლებლობის ძირითადი კატეგორიები, შეზღუდული შესაძლებლობები გენდერულ ჭრილში, ჯვარედინი დისკრიმინაცია, ინკლუზიური განათლება, საზოგადოებაში ინტეგრაციის ტიპები, შეზღუდული შესაძლებლობის მქონე პირთა უფლებების დაცვის კონვენცია(CRPD), რომელიც გაერომ 2006 წელს მიიღო და სხვ. პროგრამას ახორციელებს საქართველოს გაეროს ასოციაცია, აშშ-ის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით.  გურიის რეგიონში პროგრამის პარტნიორი ორგანიზაციაა "ახალგაზრდა პედაგოგთა კავშირი".  სრულად... წყარო: ახალგაზრდა პედაგოგთა კავშირი

თბილისი. პირველ თებერვალს 17:00 საათზე თბილისის ახალგაზრდულ ცენტრში გაიმართება ლექცია „გენდერული თანასწორობის ადვოკატირება.“  ლექციას არასამთავრობო ორგანიზაცია „პარტნიორობა ადამიანის უფლებებისთვის“ ხელმძღვანელი თამარ გაბოძე ჩაატარებს.  სრულად...  წყარო: თბილისის ახალგაზრდული ცენტრი

თბილისი. პლატფორმა „კომენტარი“ სტატიას „გამოსახლების არაჰუმანური მეთოდები საქართველოში“ აქვეყნებს.  სტატიაში განხილულია რა პრაქტიკაა და როგორ რეგულირდება გამოსახლებასთან დაკავშირებული საკითხები საქართველოში. „... იპოთეკური სესხების შედეგად გამოსახლების საფრთხის წინაშე მყოფი ადამიანების ნაწილი, მიუხედავად იმისა, რომ საკმაოდ დიდ თანხას იხდიან, მაინც რჩებიან უკანასკნელი საცხოვრებლის დატოვების რისკის წინაშე.  სახელმწიფო არ ცდილობს დამატებით რესურსების გაღებას, იმისთვის, რომ ეს პრობლემა უფრო სამართლიანად მოგვარდეს და შეჩერდეს უკანასკნელი საცხოვრებლიდან დამამცირებელი გამოსახლებები“, ნათქვამია პლატფორმის გვერდზე.  იხილეთ სტატია... წყარო: კომენტარი

თბილისი. გაეროს ბავშვთა ფონდი საქართველოში საინფორმაციო ბარათს ავრცელებს.  რა არის სიძულვილის ენა და როგორ დავეხმაროთ ბავშვს სიძულვილის ენის ამოცნობაში და რა მოვიმოქმედოთ, თუ ისინი ასეთ ფაქტს შეესწრებიან. იხილეთ ვრცლად...  წყარო: გაეროს ბავშთა ფონდი

თბილისი. ილიას სახელმწიფო უნივერსიტეტის ბავშვის განვითარების ინსტიტუტის ორგანიზებით ტრენინგ-მოდულის „მოსწავლეთა სოციალური და ემოციური კომპეტენციების მხარდაჭერა“ პილოტირება გაიმართა. ტრენინგში მონაწილეობა მიიღო სხვადასხვა საგნისა და საფეხურის ოცმა მასწავლებელმა.  პილოტირების შედეგად გაუმჯობესებულ ტრენინგ კურსს ბავშვის განვითარების ინსტიტუტი სამომავლოდ შესთავაზებს როგორც მოქმედ, ასევე მომავალ პედაგოგებს ილიას სახელმწიფო უნივერსიტეტის ბავშვის განვითარების ინსტიტუტი კონსულტაციისა და ტრენინცის ცენტრის(CTC) სკოლა-ლაბის პროგრამის მხარდაჭერით, 2023 წლიდან ქმნის სოციალური და ემოციური კომპეტენციებისმხარდაჭერაზე ორიენტირებული საუნივერსიტეტო და მასწავლებლების გადამზადების პროგრამებს. პროქტი ხორციელდება კონსულტაციისა და ტრენინცის ცენტრის(CTC) სკოლა-ლაბის "სკოლების გაძლიერების ინიციატივის" მცირე გრანტების კონკურსის ფარგლებში, Bread for the World-ის (BfdW) ფინანსური მხარდაჭერით. სრულად... წყარო: კონსულტაციისა და ტრენინგის ცენტრი

თბილისი. ადამიანის უფლებათა ცენტრმა წლიური ანგარიში - ადამიანის უფლებების მდგომარეობა საქართველოში, 2023 გამოაქვეყნა.  ანგარიში მოიცავს ადამიანის უფლებათა საკვანძო მიმართულებებს ისეთ სფეროებში, როგორიცაა: მართლმსაჯულების სისტემა, თანასწორობის უფლება, გამოხატვის თავისუფლება და ა.შ. ანგარიშში მიმოხილულია ბავშვთა, ქალთა, შშმ პირთა, ლგბტ+ თემის წარმომადგენელთა, იძულებით გადაადგილებულთა, უსახლკარო და ხანდაზმული პირების, ეროვნული და რელიგიური უმცირესობების უფლებრივი მდგომარეობა.  სრულად... წყარო: ადამიანის უფლებათა ცენტრი

იმერეთი. უფლებები საქართველომ ჭიათურის მუნიციპალიტეტში გენდერული ნიშნით და ოჯახში ძალადობის საკითხებზე ცნობიერების ამაღლების მიზნით, საინფორმაციო შეხვედრა გამართა. შეხვედრის ფარგლებში „უფლებები საქართველოს“ იურისტმა მონაწილეებს მიაწოდა ინფორმაცია ორგანიზაციის საქმიანობის შესახებ და ესაუბრა ამბროლაურის სამართლებრივი დახმარების ცენტრში უფასო იურიდიული კონსულტაციისა და სამართლებრივი დახმარების ხელმისაწვდომობაზე. საინფორმაციო შეხვედრა გაიმართა პროექტის ,,გენდერული და ოჯახში ძალადობის მსხვერპლთა მხარდაჭერა“ ფარგლებში, რომელიც ხორციელდება უფლებები საქართველოს“ და ოთხი არასამთავრობო ორგანიზაციის მიერ ევროკავშირისა და ASB საქართველოს პროგრამის მხარდაჭერით. სრულად... წყარო: უფლებები საქართველო

თბილისი. 30-31 იანვარს, საქართველოს გარემოს დაცვის და სოფლის მეურნეობის სამინისტროს, გერმანიის საერთაშორისო თანამშრომლობის საზოგადოების (GIZ) და SEU-ს თანაორგანიზებით გაიმართება სემინარი თემაზე: „კლიმატის ცვლილება“.  სემინარი ტარდება რეგიონული პროგრამის „კლიმატის პოლიტიკის შესაძლებლობების განვითარება სამხრეთ აღმოსავლეთ, აღმოსავლეთ ევროპის, სამხრეთ კავკასიისა და ცენტრალური აზიის ქვეყნებში“ (CDCPIII) ფარგლებში, რომელიც ხორციელდება გერმანიის საერთაშორისო თანამშრომლობის საზოგადოების (GIZ) მიერ კლიმატის საერთაშორისო ინიციატივის (IKI) ფარგლებში. პროგრამა ხორციელდება გერმანიის ფედერალური ეკონომიკისა და კლიმატის სამინისტროს, ასევე გერმანიის ფედერალური საგარეო საქმეთა სამინისტროს მიერ.  სრულად...  წყარო: საქართველოს ეროვნული უნივერსიტეტი სეუ

თბილისი. საქართველოს ახალგაზრდა იურისტთა ასოციაცია საგარეო საქმეთა სამინისტროს მიმართავს რუსეთის ფედერაციის მიერ დაზარალებული მოსახლეობის უფლებების ეფექტიანი დაცვისთვის საერთაშორისო ღონისძიებების გამოყენების თაობაზე.  საქართველოს ახალგაზრდა იურისტთა ასოციაცია მიიჩნევს, რომ „ევროპის საბჭოში აგვისტოს ომის შედეგად და შემდგომ პერიოდში რუსეთის ფედერაციის მიერ დაზარალებულებისთვის უნდა შეიქმნას საერთაშორისო საკომპენსაციო ფონდი, ხოლო, ამ მიმართულებით, საქართველოს ხელისუფლებამ, კერძოდ, საქართველოს საგარეო საქმეთა სამინისტრომ, სხვა უწყებებთან, მათ შორის, იუსტიციის სამინისტროსთან ერთად, საერთაშორისო დონეზე უნდა გადადგას შესაბამისი ნაბიჯები.“ - ნათქვამია განცხადებაში  სრულად... წყარო: საქართველოს ახალგაზრდა იურისტთა ასოციაცია

თბილისი. გაეროს განვითარების პროგრამა ახალ კვლევას ავრცელებს, რომელიც საჯარო მოხელეთა დამოკიდებულებას დეზინფორმაციისა და პროპაგანდის მიმართ შეისწავლის.  კვლევის მთავარი მიგნებები:  •საჯარო მოხელეთა 96%-ს სმენია დეზინფორმაციისა და მცდარი ინფორმაციის შესახებ და ასევე, იცის, რომ ეს გამოწვევა და საფრთხეა.  •გამოკითხულ მოხელეთა მხოლოდ 38% ამბობს, რომ თავისუფლად არჩევს ცრუ ინფორმაციას ნამდვილისგან.  •ინფორმაციის მიღების წყაროდ საჯარო მოხელეები ყველაზე ხშირად ინტერნეტსა (82%) და ტელევიზიებს (70%) ასახელებენ.  •ინფორმაციის მიღების სანდო წყაროებად რესპონდენტები მიიჩნევენ: პირადად მოძიებული ინფორმაციას (65%), პირად გამოცდილებას (61%) და სხვების მიერ გაზიარებული ცოდნას (34%).  •გამოკითხულთა 82% ამბობს, რომ არასდროს გაუვლია ტრენინგი დეზინფორმაციის თემაზე.  კვლევა ჩატარდა საქართველოს საჯარო სამსახურის ბიუროს დაკვეთით, დიდ ბრიტანეთისა და გაეროს განვითარების პროგრამის ხელშეწყობით.  კვლევა... წყარო: გაეროს განვითარების პროგრამა

თბილისი. კოალიცია „ინფორმაციის სანდოობისთვის“ განცხადებას ავრცელებს. „საქართველოს ხელისუფლებისა და მმართველი პარტიის ხელმძღვანელი პირების მხრიდან სამოქალაქო ორგანიზაციებზე მიზანმიმართული თავდასხმა გრძელდება.  ბოლო პერიოდში მაღალი პოლიტიკური თანამდებობის მქონე პირების მიერ გაკეთებული განცხადებები დეზინფორმაციის წინააღმდეგ მებრძოლი, საარჩევნო საკითხებსა და ადამიანის უფლებებზე მომუშავე ორგანიზაციების დისკრედიტაციას ისახავს მიზნად...  მოვუწოდებთ საქართველოს პოლიტიკურ ხელისუფლებას, შეწყვიტოს სამოქალაქო ორგანიზაციებსა და ქვეყნის საერთაშორისო პარტნიორებზე თავდასხმები და ძალისხმევა მიმართოს ევროინტეგრაციის პროცესისთვის საჭირო რეკომენდაციების შესრულებაზე.“  სრულად...  წყარო: კოალიცია ინფორმაცია სანდოობისთვის

თბილისი. 30 იანვარს, ადგილობრივი დემოკრატიის სააგენტო საქართველო იწვევს დაინტერესებულ პირებს პროექტის „ახალგაზრდების ხმა ადგილობრივ თვითმმართველობაში“ პრეზენტაციაზე, რომელიც გაიმართება zoom პლატფორმის მეშვეობით. პროექტი მიზნად ისახავს ახალაგზრდების ჩართულობის ზრდასა და ადგილობრივ ხელისუფლებასთან დიალოგის ხელშეწყობას.  დაინტერესებულმა პირებმა უნდა გაიარონ რეგისტრაცია...  სრულად... წყარო: ადგილობრივი დემოკრატიის სააგენტო საქართველო

თბილისი. სოციალური სამართლიანობის ცენტრი გამოსახლებებზე მორატორიუმის დაწესების მოთხოვნას უერთდება.  „იძულებით გამოსახლება ადამიანის უფლებებში ერთ-ერთ ყველაზე მწვავე ჩარევას წარმოადგენს, რომელიც სათანადო საცხოვრებლისა და არაერთი სხვა უფლების დარღვევას იწვევს(...) გამოსახლებებზე მორატორიუმის დაწესება სახელმწიფოს ვალდებულებაც კია და კიდევ ერთხელ მოვუწოდებთ ხელისუფლებას, შეაჩეროს ოჯახების უკანასკნელი საცხოვრისიდან გამოძევების პროცესი და დაინტერესებული მხარეების და ფართო საზოგადოების მონაწილეობით, დაიწყოს მუშაობა პრობლემის მოგვარების გრძელვადიან ხედვაზე, რომელიც მოსახლეობის ინტერესებს და უფლებებს სათანადოდ გაითვალისწინებს.“ - ნათქვამია ორგანიზაციის განცხადებაში  სრულად... წყარო: სოციალური სამართლიანობის ცენტრი

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

თბილისი. მწვანე ალტერნატივა იწვევს თბილისისა და ბათუმის ურბაული განვითარების საკითხებით დაინტერესებულ ჟურნალისტებს სამუშაო შეხვედრაში მონაწილეობის მისაღებად.  სამუშაო შეხვედრის ფარგლებში ჟურნალისტები მიიღებენ ინფორმაციას მდგრადი ურბანული განვითარების ძირითადი პრინციპების შესახებ, განიხილავენ თბილისისა და ბათუმის გეგმარებასთან დაკავშირებულ გამოწვევებს. შეხვედრა გაიმართება 9-11 თებერვალს.  სრულად... წყარო: მწვანე ალტერნატივა

თბილისი. ევროკავშირის წარმომადგენლობა საქართველოში ევროპის საგარეო ქმედებათა სამსახურის (EEAS) მეორე ანგარიშს, უცხოეთის მხრიდან ინფორმაციით მანიპულირებისა და ჩარევის (FIMI) საფრთხეების შესახებ აქვეყნებს.  ანგარიშის მიგნებები ეყრდნობა შესწავლილ 750 შემთხვევას, რომელთა სამიზნეს წარმოადგენდა უკრაინა, მედია, სამოქალაქო საზოგადოება და პოლიტიკური ფიგურები. შემთხვევების ანალიზმა აგრეთვე გამოავლინა პლატფორმათაშორისი კოორდინაცია და თავდასხმები არჩევნებზე. სრულად...  წყარო: ევროკავშირის წარმომადგენლობა საქართველოში