თბილისი. 22 დეკემბერს პროექტის – „უსაფრთხო გარემო შშმ პირებისათვის“ ფარგლებში არტ-თერაპიის მესამე სესია ჩატარდა.  პროექტი არის INKuLtur-პროგრამის ნაწილი, რომელსაც ახორციელებს ორგანიზაცია Austausch e.V. აღმოსავლეთ პარტნიორობის ქვეყნებთან ერთად. საქართველოში პროექტის განმახორციელებელია ასოციაცია “ანიკა”. პროექტი დაფინანსებულია გერმანიის ფედერალური საგარეო საქმეთა უწყების მიერ. სრულად... წყარო: ასოციაცია ანიკა

იმერეთი. ადგილობრივი დემოკრატიის სააგენტო საქართველომ გამართა შეხვედრა სამტრედიის მუნიციპალიტეტის სამოქალაქო საზოგადოებრივი ორგანიზაციების წარმომადგენლებთან და აქტიურ მოქალაქეებთან.  შეხვედრის მიზანი იყო იმერეთის რეგიონში მოქმედი სამოქალაქო საზოგადოების ორგანიზაციების საჭიროებების კვლევის საფუძველზე მომზადებული დოკუმენტის გაცნობა და გამოცხადებული საგრანტო კონკურსების შესახებ ინფორმაციის მიწოდება.  შეხვედრა გაიმართა პროექტის ,,სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში, რომელიც ხორციელდება ევროკავშირისა (EU) და კონრად ადენაუერის ფონდის (KAS) მხარდაჭერით.  სრულად... წყარო: ადგილობრივი დემოკრატიის სააგენტო საქართველო

იმერეთი. 21 დეკემბერს, წყალტუბოს რაიონში სოციალური სერვისების ცხელი ხაზის საინფორმაციო კამპანიის შეხვედრა გაიმართა.  დამსწრეებს ინფორმაცია მიეწოდათ პროექტისა და სოციალური სერვისების ცხელი ხაზის ოპერირების სტრუქტურის შესახებ. მოხდა სერვისებისა და ინფორმაციის მიწოდების საფეხურების დეტალური განხილვა.  თემის ლიდერების ჩართულობით, ცხელი ხაზის გუნდი მიზნად ისახავს მეტი საჭიროების მქონე ადამიანისათვის ინფორმაციის მიწოდებას ეფექტურად, თემის წარმომადგენლების ჩართულობით. პროექტი ხორციელდება გაეროს განვითარების პროგრამისა (UNDP) და ევროკავშირის (EU) ფინანსური მხარდაჭერით, პროექტის EU4Dialogue ფარგლებში. სრულად... წყარო: ჰუმანიტარული ცენტრი „აფხაზეთი“

იმერეთი. იმერეთის რეგიონული ჰაბის LDA Georgia - ადგილობრივი დემოკრატიის სააგენტო საქართველოს ორგანიზებით, გაიმართა შეხვედრა ქუთაისის N15 საჯარო სკოლის მოსწავლეებთან.  განიხილეს ადვოკატირების როლი და მნიშვნელობა. ახალგაზრდები გაეცნენ ადვოკატირების საფუძვლებს და განავითარეს საკუთარი კამპანიები ბულინგისა და გარემოს დაბინძურების შესახებ.  შეხვედრა ჩატარდა ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა" ფარგლებში. სრულად...  წყარო: სამოქალაქო საზოგადოების ინიციატივა

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

აჭარა.სოლიდარობის თემი 2021-2023 წლის საქმინაობის ანგარიშს ავრცელებს.  შექმნილია სამოქალაქო საზოგადოების ინსტიტუტის მხარდაჭერით, ევროკავშირისა და კონრად ადენაუერის ფონდის მიერ დაფინანსებული პროექტის “სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის” ფარგლებში. სრულად...  წყარო: სოლიდარობის თემი

აჭარა. ხულოს მუნიციპალიტეტის დიდაჭარის საჯარო სკოლიოს მოსწავლეებმა ლუკა წულუკიძე, ცირა წულუკიძემ და ანა წულუკიძემ წარმოადგინეს პრეზენტაცია და პოსტერები გენდერული ნიშნით სელექციის პრაქტიკებზე თემში.  ასევე, დამსწრე საზოგადოებას გადასცეს ფლაერები გენდერულ თანასწორობასთან დაკავშირებით. პროექტი ხორციელდება ევროკავშირისა და კონრად ადენაუერის ფონდის მიერ დაფინანსებული პროექტის "სამოქალაქო საზოგადოების ინიციატივა" ფარგლებში. სრულად...  წყარო: საინიციატივო ჯგუფი მაღალმთიან სოფლებში მცხოვრები ქალების მხარდასაჭერად

თბილისი. 18 დეკემბერს, ორგანიზაცია „საბუკომ“ კონფერენციაზე წარადგინა ახალი პოლიტიკის ნარკვევი: ბიომრავალფეროვნების რისკების შერბილება განვითარების პროექტებში.  ნარკვევში განხილულია საუკეთესო საერთაშორისო პრაქტიკა ინფრასტრუქტურული პროექტების განხორციელებისას. ნარკვევს შეგიძლიათ გაეცნოთ როგორც ქართულ, ისე ინგლისურ ენაზე. ღონისძიება ჩატარდა გერმანიის ფედერაციული რესპუბლიკის საელჩოს მხარდაჭერით, ჰაინრიჰ ბიოლის ფონდის თბილისის ოფისთან ერთად.  იხილეთ ნარკვევი სრულად... წყარო: საბუკო

კახეთი. სიღნაღის მუნიციპალიტეტში მუნიციპალური სოციალური მომსახურების შექმნის მიზნით, საქართველოს სტრატეგიული კვლევებისა და განვითარების ცენტრიმა, ფრიდრიხ ებერტის ფონდის მხარდაჭერითა და სიღნაღის მუნიციპალიტეტის მერიასთან თანამშრომლობით, შეიმუშავა პროგრამა “უფროსი თაობის დღის აქტივობის ცენტრი“.  შექმნილი პროგრამა ეყრდნობა უფლებებზე დაფუძნებული სოციალური მომსახურების სტანდარტებს და შემუშავდა მონაწილეობითი დაგეგმვით, მერიაში ჩამოყალიბებული მრავალ-სექტორული სამუშაო ჯგუფის (მერიის, სამოქალაქო სექტორის წარმომადგენლები და მომსახურებით მოსარგებლეები) მიერ. პროგრამა შემუშავებულია პროექტის „პარტნიორობა მუნიციპალური სოციალური პოლიტიკისთვის“ ფარგლებში.  სრულად... წყარო: ფრიდრიხ ებერტის ფონდი

თბილისი. 20 დეკემბერს, USAID-ის სამოქალაქო საზოგადოების ჩართულობის პროგრამის (USAID Civil Society Engagement Program) მხარდაჭერით, პროექტის, „დაუნის სინდრომის მქონე პირთა ჯანდაცვის სერვისების ადვოკატირების“ ფარგლებში მშობლებისთვის გაიმართა ონლაინ საინფორმაციო შეხვედრა.  შეხვედრის თემა იყო სამედიცინო მეთვალყურეობა და დაუნის სინდრომის მქონე ბავშვთა სამედიცინო გაიდლაინში შესული განახლებული რეკომენდაციების გაცნობა.  სრულად... წყარო: საქართელოს დაუნის სინდრომის ასოციაცია

თბილისი. 22 დეკემბერს, B2B ღონისძიება საქართველოში ცირკულარული გადაწყვეტების გაძლიერების მიზნით, კავკასიის გარემოსდაცვითი არასამთავრობო ორგანიზაციების ქსელის (CENN) ორგანიზებით და USAID-ის ეკონომიკური უსაფრთხოების პროგრამისა და ევროკავშირის მხარდაჭერით გაიმართა. ღონისძიების მთავარი მიზანი ინტერაქციული სესიების დახმარებით ცირკულარული ეკონომიკის სექტორში ჩართულ დაინტერესებულ მხარეებს შორის ცოდნის გაზიარებისა და თანამშრომლობის ხელშეწყობა იყო.  ღონისძიება გაიმართა პროექტის “საზოგადოების გაძლიერება ცირკულარული გადაწყვეტების დანერგვისათვის საქართველოში“ ფარგლებში, რომელსაც ახორციელებს CENN, USAID-ის ეკონომიკური უსაფრთხოების პროგრამის მხარდაჭერით.  ღონისძიებას მხარს უჭერდა ევროკავშირი.  სრულად...  წყარო: კავკასიის გარემოსდაცვითი არასამთავრობო ორგანიზაციების ქსელი

ქვემო ქართლი. უფლებები საქართველოს იურისტებმა რუსთავში მცხოვრები უკრაინის მოქალაქეებისთვის საინფორმაციო შეხვედრა გამართეს.  შეხვედრის ფარგლებში მონაწილეები გაეცნენ ბინადრობის ნებართვის მოპოვების, ბიზნესის დაფუძნების, უცხოური ავტოსატრანსპორტო საშუალებების და მართვის მოწმობების რეგისტრაციის და სხვა აქტუალურ საკითხებს.  შეხვედრა ჩატარდა „უფლებები საქართველოს“ პროექტის „საქართველოში მცხოვრები ომით დაზარალებული უკრაინის მოქალაქეების უფლებების დაცვის ხელშეწყობა“ ფარგლებში. აღნიშნული აქტივობა ხორციელდება ევროკავშირის მიერ დაფინანსებული პროექტის „სტაბილური სამოქალაქო საზოგადოება და მედია პასუხობს უკრაინის ომს“ ფარგლებში, რომელსაც ჩეხური არასამთავრობო ორგანიზაცია „ფიფლ ინ ნიდ“, პრაღის სამოქალაქო საზოგადოების ცენტრსა და ნიდერლანდების ჰელსინკის კომიტეტთან თანამშრომლობით ახორციელებს.  სრულად... წყარო: უფლებები საქართველო

თბილისი. საქართველოს მედიატორთა ასოციაციამ უმასპინძლა რეგიონულ კონფერენციას მედიაციის შესახებ აზერბაიჯანის, საქართველოს, სომხეთის, მოლდოვისა და უკრაინის მონაწილეობით.  კონფერენციაზე ხუთი ქვეყნის მედიატორებმა იმსჯელეს დავის გადაწყვეტის ალტერნატიული საშუალებების მნიშვნელობაზე მართლმსაჯულების განხორციელების პროცესში და მედიაციის შესახებ ცნობიერების ამაღლებაზე.  კონფერენცია გაიმართა გაეროს განვითარების პროგრამისა და გერმანიის მთავრობის ხელშეწყობით, მიმდინარე პროექტის ფარგლებში „კანონის უზენაესობის გაუმჯობესება და მართლმსაჯულებაზე ხელმისაწვდომობის გაზრდა ყველასთვის“.  სრულად... წყარო: გაეროს განვითარების პროგრამა

რაჭა. უფლებები საქართველომ ამბროლაურის მუნიციპალიტეტის სოფელ კვაცხუთის საჯარო სკოლაში საინფორმაციო შეხვედრა გამართა.  შეხვედრის ფარგლებში „უფლებები საქართველოს“ იურისტმა მონაწილეებს მიაწოდა ინფორმაცია ორგანიზაციის საქმიანობის შესახებ და ესაუბრა ამბროლაურის სამართლებრივი დახმარების ცენტრში უფასო იურიდიული კონსულტაციისა და სამართლებრივი დახმარების ხელმისაწვდომობაზე.  საინფორმაციო შეხვედრა გაიმართა პროექტის ,,გენდერული და ოჯახში ძალადობის მსხვერპლთა მხარდაჭერა“ ფარგლებში, რომელიც ხორციელდება უფლებები საქართველოს“ და ოთხი არასამთავრობო ორგანიზაციის მიერ ევროკავშირისა და ASB საქართველოს პროგრამის მხარდაჭერით.  სრულად... წყარო: უფლებები საქართველო

თბილისი. სოციალური სამართლიანობის ცენტრმა გაფიცვების შესახებ ანგარიში წარმოადგინა, რომელიც მიმოიხილავს 2021-2023 წლებში საქართველოში ჩატარებულ ძირითად გაფიცვებს, მათ მიზეზებს, გაფიცვის პროცესის მიმდინარეობას, მოვლენებში ჩართული სხვადასხვა აქტორის როლს და გაფიცვის შედეგებს.  ანგარიშში მოყვანილი 26 გაფიცვის შემთხვევის ანალიზი აჩვენებს, რომ გაფიცვა საქართველოში შრომის ანაზღაურების გაზრდის მოთხოვნით იწყება და ყველა შემთხვევაში ის ინფლაციის მზარდ მაჩვენებელს, ეკონომიკურ და სოციალურ ცვლილებებს უკავშირდება.  სრულად... წყარო: სოციალური სამართლიანობის ცენტრი

თბილისი. 27 დეკემბერს, საბჭოთა წარსულის კვლევის ლაბორატორია წიგნის პრეზენტაციას გამართავს.  პრეზენტაციასთან ერთად გაიმართება დისკუსია, რომელშიც მონაწილეობას მიიღებენ წიგნის ავტორი ლაშა ბუღაძე, სამეცნიერო რედაქტორი ირაკლი ხვადაგიანი და პროექტის ავტორი და რედაქტორი გიორგი კანდელაკი. წიგნი მე-20 საუკუნის საქართველოს ბედზე სტალინის როლსა და გავლენაზე ფოკუსირების პირველი მცდელობაა.  სრულად...  წყარო: საბჭოთა წარსულის კვლევის ლაბორატორია

თბილისი. არასამთავრობო ორგანიზაცია „სამართლიანი არჩევნები“ აქვეყნებს ორგანიზაციის ხედვას ევროკავშირში გაწევრიანების პროცესში საქართველოს მიერ საარჩევნო მიმართულებით გადასადგმელი ნაბიჯების შესახებ.  სრულად... წყარო: სამართლიანი არჩევნები

თბილისი. ინფორმაციის თავისუფლების განვითარების ინსტიტუტი (IDFI) კვლევას ავრცელებს: „რას გვასწავლის PISA-ს 2022 წლის შედეგები“.  „PISA-ს 2022 წლის შედეგები აჩვენებს, რომ ბოლო წლებში საქართველოს განათლების სისტემაში განხორციელებული რეფორმები, ვერ უზრუნველყოფს სათანადო შედეგს, სისტემა კვლავ მრავალი გამოწვევის წინაშეა და დამატებით მნიშვნელოვან ცვლილებებს საჭიროებს“.  IDFI - ის კვლევაში მიმოხილულია 10 მიზეზი, რასაც შესაძლებელია უარყოფითი გავლენა ჰქონდეს ქვეყანაში განათლების სისტემის განვითარებაზე.  სრულად...  წყარო: ინფორმაციის თავისუფლების განვითარების ინსტიტუტი

თბილისი. საქართველოს ახალგაზრდა მკვლევარ-სოციოლოგთა ასოციაცია, ინჰუას აკადემიასთან თანამშრომლობით 29 დეკემბერს, საჯარო ლექციას, ლეგენდები და იეროგლიფების გასაღები ჩინურ ენაში გამართავს. ლექციაზე დასასწრებათ გაიარეთ რეგისტრაცია...  სრულად... წყარო: საქართველოს ახალგაზრდა მკვლევარ-სოციოლოგთა ასოციაცია

თბილისი. 2023 წელს საბჭოთა წარსულის კვლევის ლაბორატორიამ 340-ზე მეტი გულუხვი შემომწირველისა და ფონდი „ღია საზოგადოება საქართველოს“ თანადგომით უნიკალური ვიდეო არქივი შეიძინა.  არქივის დიგიტალიზაცია დასრულებულია. ვიდეომასალა სრულადაა განთავსებული სოვლაბის საზოგადოებრივი არქივის საიტზე და ღიაა ნებისმიერი დაინტერესებული პირისთვის.  სრულად... წყარო: საბჭოთა წარსულის კვლევის ლაბორატორია

კავკასიის გარემოსდაცვითი არასამთავრობო ორგანიზაციების ქსელი განცხადებას ავრცელებს, არ გამოიყენო ფეიერვერკი, გაუფრთხილდი გარემოს!  პიროტექნიკის გამოყენება სახიფათოა როგორც ადამიანებისთვის, ასევე ფრინველებისთვისა და ცხოველებისთვის.  „ფეიერვერკების სადღესასწაულო ფერები სახიფათო ქიმიური და ფიზიკური პროცესების შედეგია, რაც მეტალის ნაერთებისა და ქიმიური ასაფეთქებელი ნივთიერებების მაღალ ტემპერატურაზე გაცხელებით მიიღება. გარდა ამისა, აფეთქებისთვის საჭირო ჟანგბადის წარმოებისთვის, ბევრი ფეიერვერკი შეიცავს პერქლორატებს, რომლებიც წყლის - სასმელი, მდინარეებისა და ტბების დაბინძურების წყარო ხდება.  პერქლორატის მარილები ნეგატიურ გავლენას ახდენს როგორც ადამიანის ჯანმრთელობაზე, ისე წყალქვეშ მცხოვრებ ორგანიზმებზე მყარი ნაწილაკების ასეთი რაოდენობით ჰაერში გაფრქვევა გრძელ ვადაში ჩვენს ჯანმრთელობაზე სახიფათოდ მოქმედებს. გაფრქვეული მყარი ნაწილაკები დიდი ხნის განმავლობაში რჩება ატმოსფეროში და რესპირატორულ და გულსისხლძარღვთა პრობლემებს იწვევს.“  სრულად... წყარო: კავკასიის გარემოსდაცვითი არასამთავრობო ორგანიზაციების ქსელი

თბილისი. სოციალური სამართლიანობის ცენტრი წარმოადგენს კონფლიქტების მკვლევრის, ედუარდ აზარის სტატიას - „გაჭიანურებული სოციალური კონფლიქტი: ანალიტიკური ჩარჩო“.  სტატიაში ავტორი კონფლიქტების კომპლექსურობის ახსნას გვთავაზობს და აანალიზებს ფაქტორებს, რომლებიც შეიძლება უწყობდნენ ხელს კონფლიქტების წარმოშობას და მათ ესკალაციას.  იხილეთ სტატია ვრცლად... წყარო: სოციალური სამართლიანობის ცენტრი