არასამთავრობოები პარლამენტს მიმართავენ
თბილისი. არასამთავრობო ორგანიზაციები „სახელმწიფო საიდუმლოების შესახებ" კანონის პროექტთან დაკავშირებით პარლამენტს მიმართავენ. „კანონპროექტის წარმოდგენილი ვერსია ძირითადად იმეორებს მოქმედ კანონში არსებულ დებულებებსა და სტრუქტურას, არ შეესაბამება საერთაშორისო სტანდარტებს და გააჩნია არაერთი ხარვეზი, რომლის დახვეწის გარეშეც მისი მიღება გაუმართლებლად მიგვაჩნია. ... მოვუწოდებთ საქართველოს პარლამენტს, რომ არ მიიღოს „სახელმწიფო საიდუმლოების შესახებ" ახალი კანონის პროექტი, მით უფრო არსებული სახით, და მასზე მსჯელობა გამართოს მხოლოდ „ინფორმაციის თავისუფლების შესახებ" ახალი კანონის პროექტის ჭრილში და მის პარალელურად”, ნათქვამია განცხადებაში.
წყარო: კონსტიტუციის 42-ე მუხლის გვერდი სოციალურ ქსელში
