პარლამენტის ღია და გამჭვირვალე მმართველობის მუდმივმოქმედი საბჭოს დებულება
თბილისი. საქართველოს პარლამენტის თავმჯდომარის დავით უსუფაშვილის 2016 წლის 12 თებერვლის ბრძანებით დამტკიცდა ღია და გამჭვირვალე მმართველობის მუდმივმოქმედი საბჭოს დებულება. „დებულების თანახმად, საქართველოს პარლამენტის ღია და გამჭვირვალე მმართველობის მუდმივმოქმედი საბჭო შედგება საქართველოს პარლამენტის წევრებისგან და მას თავმჯდომარეობს საქართველოს პარლამენტის თავმჯდომარე ან მისი დავალებით საბჭოს ერთ-ერთი წევრი. საბჭოში წარმოდგენილი უნდა იყოს პარლამენტში არსებული ყველა ფრაქციის წევრი. საბჭოსთან არსებობს „საკონსულტაციო ჯგუფი", რომელიც კომპლექტდება სამოქალაქო საზოგადოებისა და საერთაშორისო ორგანიზაციების წარმომადგენლებისაგან", ნათქვამია ორგანიზაციის ვებ-გვერდზე.
წყარო: idfi.ge
