თბილისი.  ინფორმაციის თავისუფლების განვითარების ინსტიტუტი  8 თებერვალს საჯარო ბიბლიოთეკასთან მომხდარ ფაქტს განცხადებით გამოეხმაურა. „ჩვენ ვთვლით, რომ ყოვლად დაუშვებელია შეკრებისა და გამოხატვის თავისუფლების შეზღუდვა. ჩვენ მოვუწოდებთ, სამართალდამცავ ორგანოებს უზრუნველყონ საქართველოს მოქალაქეების, მიუხედავათ მათი პოლიტიკური შეხედულებებისა, უფლებების დაცვა თავისუფლად, შეუფერხებლად და საჯაროდ გამოხატონ საკუთარი პოზიცია, მოსაზრებები და შეხედულებები", ნათქვამია განცხადებაში. ორგანიზაცია მოუწოდებს სამართალდამცავ სტრუქტურებს გამოიძიონ მომხდარი და პასუხისგებაში მიცენ როგორც კანონსაწინააღმდეგო ქმედებაში მხილებული პირები, ასევე შსს–ს ის მოსამსახურეები, ვინც ვერ უზრუნველყო მართლწესრიგის სათანადო დაცვა.

წყარო: idfi.ge