შეხვედრა დევნილთა წინაშე არსებული პრობლემების გასაცნობად
შიდა ქართლი. 17 ივნისს ცენტრ „აფხაზეთის" გორის ოფისში სამოქალაქო საზოგადოების განვითარების ფონდის (CISU) წარმომადგენლები დევნილებს მათ წინაშე არსებული პრობლემების შესახებ ესაუბრნენ.
ცენტრი „აფხაზეთი" სამოქალაქო საზოგადოების განვითარების ფონდის (CISU) ფინანსური ხელშეწყობითა და ლტოლვილთა დანიის საბჭოსთან (DRC) პარტნიორობით შიდა ქართლში, მცხეთა-მთიანეთსა და ქვემო ქართლში ახორციელებს პროექტს „სამართლიანი საზოგადოებისაკენ”. პროექტი 20 ლოკაციას მოიცავს და მისი მიზანია დევნილი თემების ცოდნის ამაღლება, უნარ-ჩვევების განვითარება და ჩართულობის გაზრდა.
პროექტი მიმდინარე წლის მარტში დაიწყო და 2018 წლის თებერვალში დასრულდება.
წყარო: ორგანიზაციის ოფიციალური ფეისბუქგვერდი
