ომბუდსმენი: „ციგანი“ ქუჩაში მცხოვრები და მომუშავე ბავშვების დისკრიმინაციაა
თბილისი. საქართველოს სახალხო დამცველმა ტერმინი „ციგანი" ქუჩაში მცხოვრები და მომუშავე ბავშვების მიმართ დისკრიმინაციის წამახალისებლად მიიჩნია.
2017 წლის 6 სექტემბერს საქართველოს სახალხო დამცველმა ზოგადი წინადადებით მიმართა მედია საშუალება „პირველს", ვინაიდან მიიჩნია, რომ სიუჟეტში, ჟურნალისტის მიერ, ქუჩაში მცხოვრები და მომუშავე ბოშა ბავშვების მიმართ გამოყენებული ტერმინი „ციგანი" დისკრიმინაციის წამახალისებელია, აქვს ნეგატიური დატვირთვა და აძლიერებს ბოშა ბავშვების მიმართ არსებულ სტიგმას. სახალხო დამცველმა მედია საშუალებას, ასევე, ფეისბუქის გვერდიდან ამ სიუჟეტის აღების წინადადებით მიმართა.
აღნიშნული საკითხით სახალხო დამცველს არასამთავრობო ორგანიზაციამ „პარტნიორობა ადამიანის უფლებებისთვის" (PHR) მიმართა.
წყარო: ორგანიზაციის ვებგვერდი
