თბილისი. 6 – 9 სექტემბერს, ლატვიის დედაქალაქ რიგაში ჩატარდა საკვები მრეწველობის პროდუქციის, ბალტიისპირეთში ყველაზე მსხვილი ყოველწლიური საერთაშორისო გამოფენა „Riga Food 2017”. გამოფენა, რომელშიც მსოფლიოს 37 ქვეყნის 715 კომპანიამ, მათ შორის, ქართულმა კომპანიებმაც მიიღეს მონაწილეობა.

ქართული სტენდი ერთ-ერთი ყველაზე წარმომადგენლობითი იყო - ღონისძიებაზე 15 ქართული კომპანიის პროდუქციის ფართო ასორტიმენტი იქნა წარმოდგენილი. მათ შორის იყო ევროკავშრის მიერ, ორგანიზაციათან „ქეა კავკასიაში" პარტნიორობით, ENPARD-ის პროგრამის ფარგლებში მხარდაჭერილი თხილის მწარმოებელი კოოპერატივი „სოფლის იმედი". კოოპერატივმა გამოფენაზე მნიშვნელოვანი შეხვედრები გამართა, სადაც გამოიკვეთა პოტენციურ პარტნიორთა ვრცელი სია ლატვიიდან, სხვა ბალტიისპირების ქვეყნებიდან, ასევე პოლონეთიდან, მოლდავეთიდან, ნორვეგიიდან, შვეციიდან.

წყარო: ორგანიზაციის ვებგვერდი