საინფორმაციო შეხვედრები ახალქალაქში
სამცხე-ჯავახეთი. ევროკავშირის ENPARD-ის პროექტის „სოფლის განვითარების ახალი მიდგომის ხელშეწყობა ახალქალაქში" ფარგლებში, საქართველოს საზოგადოებრივ საქმეთა ინსტიტუტის (GIPA) სოფლის განვითარების დეპარტამეტი, პარტნიორ ორგანიზაციებთან ერთად, ახალქალაქის მუნიციპალიტეტში საინფორმაციო შეხვედრებს მართავს.
შეხვედრების მიზანია ადგილობრივ მოსახლეობას, განსაკუთრებით ქალებსა და ახალგაზრდებს, მიეწოდოს ინფორმაცია ახალქალაქში მიმდინარე ENPARD-ის სოფლის განვითარების პროექტის შესახებ და უზრუნველყოს მათი პროექტში აქტიური თანამონაწილეობა.
პროექტს "სოფლის განვითარების ახალი მიდგომის ხელშეწყობა ახალქალაქში” ახორციელებს საქართველოს საზოგადოებრივ საქმეთა ინსტიტუტი (GIPA), ორგანიზაცია მერსი ქორფს-თან, ELVA საზოგადოებრივი ჩართულობასთან და დასავლეთ კორკის განვითარების პარტნიორობასთან ერთად.
წყარო: ორგანიზაციის ვებგვერდი
