სისხლის სამართლის საერთაშორისო სასამართლოს წარმომადგენლების ვიზიტი გორში
შიდა ქართლი. სახალხო დამცველის აპარატის ხელშეწყობით, სისხლის სამართლის საერთაშორისო სასამართლოს წარმომადგენლები გორში 2008 წლის ომის დროს დაზარალებულ, იძულებით გადაადგილებულ პირებსა და გამყოფი ხაზის მიმდებარედ მცხოვრებ მოსახლეობას შეხვდნენ. შეხვედრას დევნილთა ჩასახლებიდან და გამყოფი ხაზის სოფლებიდან 50–მდე სათემო აქტივისტი ესწრებოდა.
სასამართლოს დელეგაციის მიზანს წარმოადგენდა დაზარალებულთა საჭიროებების გაცნობა და შემდგომში მათთვის სპეციალური პროგრამების შემუშავება. შეხვედრის მონაწილეებს მათ მიაწოდეს ინფორმაცია გამოძიების ვადების, ჩადენილი დანაშაულებების ინდივიდუალური პასუხისმგებლობისა და დაზარალებულებთან თანამშრომლობის აუცილებლობის თაობაზე.
წყარო: ორგანიზაციის ვებგვერდი
