ზუგდიდში ძალადობის მსხვერპლ ქალთა თავშესაფარი გაიხსნა
სამეგრელო. ზუგდიდში ძალადობის მსხვერპლ ქალთა პირველი თავშესაფრის პრეზენტაცია გაიმართა.
„როგორც ასოციაცია „მერკურის" ხელმძღვანელმა, ნანა თოდუამ განაცხადა, თავშესაფარი ოჯახში ძალადობის მსხვერპლ ქალებსა და მათი უფლებების დაცვას მოემსახურება.
რაც შეეხება თავშესაფრისთვის განკუთვნილ შენობას, ის ორგანიზაციას 10 წლის ვადით გადაეცა. რეაბილიტაცია და თავშესაფრის ფუნქციონირება უზრუნველყოფილია პროექტ „ოჯახში ძალადობის პრევენციის სისტემის გაძლიერება და ძალადობის მსხვერპლთა დაცვა საქართველოში" ფარგლებში", ნათქვამია გენდერულ საინფორმაციო პორტალზე.
წყარო: ginsc.net
