სახალხო დამცველმა საკონსტიტუციო სასამართლოს ორი სარჩელით მიმართა
თბილისი. საქართველოს სახალხო დამცველმა საქართველოს საკონსტიტუციო სასამართლოს ორი კონსტიტუციური სარჩელით მიმართა.
პირველ კონსტიტუციურ სარჩელში სადავოდ არის გამხდარი საქართველოს ადმინისტრაციულ სამართალდარღვევათა კოდექსით გათვალისწინებული ადმინისტრაციული პატიმრობის ინსტიტუტი. მეორე კონსტიტუციურ სარჩელი სასამართლოში შეტანილ იქნა სახალხო დამცველისა და „დამოუკიდებელი და გამჭვირვალე მართლმსაჯულებისთვის კოალიციის" მონაწილე არასამთავრობო ორგანიზაციების მიერ და სადაოა 2017 წლის 8 თებერვალს მიღებული „საერთო სასამართლოების მოსამართლეთა დისციპლინური პასუხისმგებლობისა და დისციპლინური სამართალწარმოების შესახებ" საქართველოს კანონში შეტანილი ცვლილება.
წყარო: ორგანიზაციის ვებგვერდი
