„დებატების სკოლა“ გორში
შიდა ქართლი. გორის არასამთავრობო ორგანიზაცია „ქართლოსი", პოლონური სამოქალაქო განათლების ფონდთან ერთად, იწყებს პროექტს - „დებატების სკოლა" .
პროექტის მიზანია საქართველოს სკოლებში დაინერგოს დებატების კულტურა, რომელიც უკვე წარმატებით ხორციელდება პოლონეთის სკოლებში.
დებატსკოლის მიზანია მოსწავლეებისთვის კრიტიკული აზროვნების განვითარება, ეფექტური კომუნიკაციის დამყარება და გუნდური მუშაობის უნარჩვევების გამომუშავება. ასევე, სკოლებში თვითმმართველობების განვითარება და ახალგაზრდებისთვის დამოუკიდებლად გადაწყვეტილებების მიღების უნარჩვევების გამომუშავება.
