მოძალადეს პირად ცხოვრებასა და თავისუფლებაში ჩარევა დამცავი ორდერით აეკრძალა
თბილისი. პარტნიორობა ადამიანის უფლებებისთვის (PHR) სასამართლოში ძალადობაგამოვლილი ქალის ინტერესებს იცავდა.
„სასამართლომ გაიზიარა საქმეში წარდგენილი თბილისის სააპელაციო სასამართლოს გადაწყვეტილება მსხვერპლის ფსიქიატრიულ დაწესებულებაში მოთავსების უკანონოდ მიჩნევის შესახებ და დაადგინა, რომ ფსიქიატრიულ დაწესებულებაში მოთავსებით ქალის მუდმივი დაშინება, მესამე პირებისთვის ინფორმაციის მიწოდება მსხვერპლის ჯანმრთელობის მდგომარეობის შესახებ და დამცირება, იწვევს ადამიანის პატივის და ღირსების შელახვას, აღნიშნული კი, წარმოადგენდა ფსიქოლოგიურ ძალადობას", ნათქვამია ორგანიზაციის ვებგვერდზე.
წყარო: phrgeorgia.wordpress.com
