მოქალაქეები პარლამენტში პეტიციას ელექტრონული ფორმით წარადგენენ
თბილისი. 5 იანვარს ბიუროზე დარეგისტრირდა პარლამენტის წევრების ინიციატივა პარლამენტის რეგლამენტში ცვლილებების შეტანის შესახებ, რომელიც ღია პარლამენტის 2017 წლის სამოქმედო გეგმის ვალდებულებებიდან გამომდინარეობს. ცვლილებები გულისხმობს კანონშემოქმედებით პროცესში მოქალაქეთა ჩართულობის გაძლიერებას.
ინიცირებული პროექტის მიხედვით:
პარლამენტის ვებ-გვერდზე ნებისმიერი მოქალაქე შეძლებს პეტიციის ან საკანონმდებლო ინიციატივის ელექტრონული ფორმით წარდგენას და მხარდაჭერას;
პარლამენტის ვებ-გვერდზე დაინერგება სისტემა, რომელიც მოქალაქეებს მისცემს საშუალებას, დააფიქსირონ საკუთარი მოსაზრება კანონპროექტზე ან მის ცალკეულ ნაწილზე.
წყარო: www.transparency.ge
