გამჭვირვალობის მორიგი წარმატებული საქმე
თბილისი. საერთაშორისო გამჭვირვალობა - საქართველოს ინფორმაციის თანახმად, თბილისის საქალაქო სასამართლომ ნაწილობრივ დააკმაყოფილა ინდოეთის მოქალაქის მ.ჩ.-ს სარჩელი, რომლის ინტერესებსაც ორგანიზაციის იურისტი, ქეთი როგავა იცავდა.
„მოსარჩელე ითხოვდა სახელმწიფო სერვისების განვითარების სააგენტოს გადაწყვეტილების ბათილად ცნობას, საქართველოში მუდმივი ბინადრობის ნებართვის გაცემაზე უარის თქმასთან დაკავშირებით.
სასამართლომ ბათილად ცნო სახელმწიფო სერვისების განვითარების სააგენტოს გადაწყვეტილება, მიიჩნია, რომ ის გამოცემული იყო საქმისათვის არსებითი მნიშვნელობის გარემოების გამოკვლევისა და შეფასების გარეშე და ადმინისტრაციულ ორგანოს ახალი გადაწყვეტილების გამოცემა დაავალა", ნათქვამია ორგანიზაციის ვებგვერდზე სოციალურ ქსელში.
წყარო: ორგანიზაციის ვებგვერდი სოციალურ ქსელში
