ორგანიზაციები სომხური ეკლესიის საქართველოს საპატრიარქოსთვის გადაცემას ეხმაურებიან
თბილისი. ტოლერანტობისა და მრავალფეროვნების ინსტიტუტი (TDI) და ადამიანის უფლებების სწავლებისა და მონიტორინგის ცენტრი (EMC), სახელმწიფოს მიერ თბილისში, ისტორიული სომხური ეკლესიის საქართველოს საპატრიარქოსთვის თვითნებური გადაცემის საკითხს აფასებენ.
„TDI და EMC სახელმწიფოს მოუწოდებენ ადამიანის უფლებების დაცვის სტანდარტებში მოაქციოს ისტორიული საკულტო ნაგებობების დაბრუნების პროცესი და მათ შორის, უზრუნველყოს თანდოიანცის ეკლესიის ისტორიული მესაკუთრისთვის დაბრუნება. მითითებულ საქმეზე, სომეხთა სამოციქულო ეკლესიის საქართველოს ეპარქიის ინტერესებს სასამართლოსა და შესაბამისი ადმინისტრაციული ორგანოების წინაშე EMC-სა და TDI-ს იურისტები იცავენ", ნათქვამია ერთობლივ განცხადებაში.
წყარო: ორგანიზაციის ვებგვერდი სოციალურ ქსელში
