5 ივლისიდან მთელი საქართველოს მასშტაბით რეგიონული ჰაბები ევროკავშირის პროექტის: „სამოქალაქო საზოგადოების განვითარების ინიციატივა" ფარგლებში მოხალისეობის ფორუმებს გამართავენ.
ფორუმები ერთმანეთთან დააკავშირებს მათ, ვინც ეძებს მოხალისეებს და მათ, ვისაც მოხალისეობა სურს.
45 თვის განმავლობაში პროექტი „სამოქალაქო საზოგადოების განვითარების ინიციატივა" ითვალისწინებს 110-ზე მეტი აქტივობის განხორციელებას და 80-მდე გრანტის გაცემას. ინიციატივის ღონისძიებებში სამოქალაქო საზოგადოების სულ მცირე 2500 წარმომადგენელი ჩაერთვება მთელი საქართველოს მასშტაბით.
პროექტი დაფინანსებულია ევროკავშირისა და გერმანიის ეკონომიკური თანამშრომლობისა და განვითარების ფედერალური სამინისტროს მიერ.
წყარო: ორგანიზაციის ვებგვერდი სოციალურ ქსელში