სამოქალაქო საზოგადოების დღე ღია მმართველობის პარტნიორობის სამიტზე
თბილისი. 17 ივლისს ღია მმართველობის პარტნიორობის მე-5 სამიტი სამოქალაქო საზოგადოებასთან შეხვედრით გაიხსნა. სასტუმრო „რუმს თბილისში" გამართულ ღონისძიებასა და პარალელურ სესიებს საქართველოდან და სხვა ქვეყნებიდან სამოქალაქო საზოგადოების 500 წარმომადგენელი დაესწრო.
მონაწილეები მსჯელობდნენ ქვეყნისათვის მნიშვნელოვანი სოციალურ-ეკონომიკური გამოწვევებისა და პარტნიორი ქვეყნების გამოცდილების, ასევე, კორუფციასთან ბრძოლის, მართვის გამჭვირვალობის, მმართველობაში მოქალაქეთა მონაწილეობისა და საჯარო სერვისების ხელმისაწვდომობის საკითხების შესახებ.
ღია მმართველობის პარტნიორობის სამიტი, რომელიც 19 ივლისამდე გაგრძელდება, ღია მმართველობის პარტნიორობის წევრი 75 ქვეყნის 2000 წარმომადგენელს მასპინძლობს.
წყარო: www.osgf.ge
