თბილისი. ინფორმაციის თავისუფლების განვითარების ინსტიტუტმა საქართველოს მთავარი პროკურატურიდან მიღებული საჯარო ინფორმაცია გამოაქვეყნა. „მიღებული ინფორმაციიდან ირკვევა, რომ 2012 წლის 1 იანვრიდან საქართველოს მთავარი პროკურორი და მისი სამივე მოადგილე ყოველთვიურად 5 870 ლარის პრემიას იღებდნენ. არსებული ტრადიცია არც ოქტომბრის შემდეგ შეცვლილა, 2013 წლის იანვრის ჩათვლით კვლავ იგივე რაოდენობის თანხა აიღეს პრემიების სახით", „ასევე ირკვევა, რომ 2012 წლის 20 ოქტომბრიდან 2013 წლის 18 თებერვლამდე პროკურატურიდან პირადი განცხადების საფუძველზე სულ განთავისუფლდა 67 თანამშრომელი", ნათქვამია ორგანიზაციის ვებგვერდზე.

წყარო:ორგანიზაციის გვერდი სოციალურ ქსელში