აჭარა. საქველმოქმედო ფონდ „საქართველოს კარიტასის" ორგანიზებით, ახალგაზრდა მეცნიერთა კავშირი „ინტელექტის" ოფისში, გაიმართა კონფერენცია თემაზე: „საქართველოში მოხალისეობის განვითარების პერსპექტივები".

„კონფერენციის მიზანი იყო საჯარო და სამოქალაქო სექტორში, მოხალისეთა მობილიზაციის და მათი შრომითი რესურსების ეფექტური მართვის ხელშეწყობა.

აღნიშნულ კონფერენციაზე, ადგილობრივი საზოგადოებრივი ორგანიზაციების, სახელმწიფო სტრუქტურების, ახალგაზრდული ცენტრებისა და მოხალისეთა საინიციატივო ჯგუფების წარმომადგენლებმა, განიხილეს საქართველოში მოხალისეობის განვითარების გზები და შესაძლებლობები, არსებული საჭიროებები და ის კონკრეტული მექანიზმები, რომელმაც ხელი უნდა შეუწყოს ვოლუნტერიზმის პრინციპების ფართოდ პოპულარიზაციას და საზოგადოებრივი ცხოვრების ყველა სფეროში მოხალისეობრივი პოტენციალის მაქსიმალურ რეალიზაციას", ნათქვამია ორგანიზაციის ვებგვერდზე სოციალურ ქსელში.

წყარო: ორგანიზაციის ვებგვერდი სოციალურ ქსელში