თბილისი. „საერთაშორისო გამჭვირვალობა - საქართველოს" ინფორმაციით, ონის მუნიციპალიტეტი ვებ-გვერდზე საჯარო ინფორმაციას არაჯეროვნად აქვეყნებს, მას არც საჯარო ინფორმაციის პროაქტიულად გამოქვეყნების წესი აქვს მიღებული, რითაც არღვევს ზოგადი ადმინისტრაციული კოდექსის მოთხოვნებს. 

„ჩვენ გადავამოწმეთ ონის მუნიციპალიტეტის ოფიციალური ვებ-გვერდი (http://oni.gov.ge/), მისი გამჭვირვალობისა და ინფორმირებულობის დონე კი მუნიციპალიტეტის უმრავლესობაში დამკვიდრებული პრაქტიკის შესაბამისად შევაფასეთ. 

როგორც ჩატარებულმა კვლევამ ცხადყო, ონის მუნიციპალიტეტი საჯარო ინფორმაციის უმეტეს ნაწილს ვებ-გვერდზე არ აქვეყნებს", ნათქვამია ორგანიზაციის ვებგვერდზე.

წყარო: www.transparency.ge