მხარეებს შორის ურთიერთთანამშრომლობის მემორანდუმი გაფორმდა
15 აგვისტოს, ადგილობრივი დემოკრატიის სააგენტო საქართველოს ორგანიზებით გაიმართა შეხვედრა აღმოსავლეთ პარტნიორობის სამოქალაქო საზოგადოების ფორუმის საქართველოს ეროვნული პლატფორმასა და ქუთაისის მუნიციპალიტეტის მერიას შორის. მხარეებმა ურთიერთანამშრომლობის მემორანდუმი გააფორმეს.
„მემორანდუმის მიზანია ურთიერთთანამშრომლობა ქუთაისის მერიისა და სამოქალაქო საზოგადოებას შორის საქართველოს ევროკავშირთან ინტეგრაციის პროცესის ხელშეწყობისთვის, საქართველო-ევროკავშირის ასოცირების შესახებ შეთანხმების 372-ე მუხლის შესაბამისად, რაც გულისხმობს ცენტრალური და ადგილობრივი მმართველობის ორგანოებსა და სამოქალაქო საზოგადოებას შორის „კომუნიკაციის არხების ჩამოყალიბებასა და ინფორმაციისა და გამოცდილების გაცვლის სისტემის განმტკიცებას ცენტრალურ და ადგილობრივ ხელისუფლებას, სოციალურ და ეკონომიკურ აქტორებსა და სამოქალაქო საზოგადოებას შორის", ნათქვამია ორგანიზაციის ვებგვერდზე.
წყარო: ორგანიზაციის ვებგვერდი სოციალურ ქსელში
