ქუთაისის საკრებულოში მომხდარი ძალადობრივი ინციდენტი წინასაარჩევნო გარემოს აზიანებს
თბილისი. არასამთავრობო ორგანიზაციები 19 სექტემბერს, ქუთაისის საკრებულოს ენმ-ს დეპუტატზე ფიზიკურ თავდასხმას გმობენ.
„სამწუხაროა, რომ არაერთგზის მოწოდების მიუხედავად, ცალკეული მუნიციპალიტეტის წარმომადგენლობით ორგანოში კვლავ აქვს ადგილი ძალადობის სხვადასხვა ფორმით გამოვლინების შემთხვევებს.
მიგვაჩნია, რომ დეპუტატების ძალადობრივი ქმედებები საფრთხეს უქმნის საარჩევნო პროცესების მშვიდ და სტაბილურ ვითარებაში წარმართვას, სერიოზულ ზიანს აყენებს წარმომადგენლობითი ორგანოს რეპუტაციას და ადგილობრივი თვითმმართველობის ინსტიტუტებს", ნათქვამია ორგანიზაციის ვებგვერდზე.
წყარო: www.transparency.ge
