ქარტია მოუწოდებს სამართალდამცავებს დაიცვან ჟურნალისტების უსაფრთხოება
თბილისი. საქართველოს ჟურნალისტური ეთიკის ქარტიამ გამოხატა შეშფოთება პანკისის ხეობაში მიმდინარე მოვლენებისა და ჟურნალისტების დაშავების გამო.
„საქართველოს ჟურნალისტური ეთიკის ქარტია მიმართავს ყველა შესაბამის უწყებას უზრუნველყოს ჟურნალისტების უსაფრთხოება, რათა მათ დროულად და ადეკვატურად შეძლონ მიმდინარე მაღალი საზოგადოებრივი ინტერესის მქონე მოვლენის გაშუქება," - აღნიშნულია ქარტიის მიერ გავრცელებულ განცხადებაში, - „ამასთან მნიშვნელოვანია, რომ სახელმწიფო უწყებებმა უზრუნველყონ ჟურნალისტებისთვის დაზუსტებული ინფორმაციის მიწოდება, რათა თავიდან იქნეს აცილებული არასწორი და სპეკულაციების შემცველი ცნობების გავრცელება".
წყარო: ორგანიზაციის ვებგვერდი
