ზუგდიდი. სახალხო დამცველი უჩა ნანუაშვილი, 17 აპრილს, წალენჯიხის სოფელ ფოცხოეწერში ჩავიდა, სადაც კომპაქტურად ჩასახლებულ აფხაზეთიდან დევნილებს შეხვდა.  „ნანახმა მოლოდინს გადააჭარბა. შეიძლება ითქვას, რომ არის გაუსაძლისი პირობები. აქ შეუძლებელია ადამიანების ცხოვრება.  საჭიროა ამ პრობლემებზე დაუყოვნებლივი რეაგირება. ჩვენ კონკრეტულ რეკომენდაციებს მოვამზადებთ უახლოესი დღეების განმავლობაში, იმისათვის რომ ის პრობლემები, რომელიც არსებობს ფოცხოეწერში, მივიდეს კონკრეტულ სტრუქტურებამდე და მოხდეს პრობლემების რეალური გამოსწორება", - განაცხადა სახალხო დამცველმა.