პროექტის შემაჯამებელი პრეზენტაცია
კახეთი. თემმა „ქედელმა“, სოციალურ კაფეში, თბილისის ადამიანის უფლებათა სახლის გრანტის ფარგლებში განხორციელებული პროექტის შემაჯამებელ პრეზენტაციას უმასპინძლა.
„„ქედელის“ დამფუძნებელმა, ლალი ხანდოლიშვილმა, პროექტის შედეგებზე და კოვიდ 19-ის გამოწვევებზე ისაუბრა. პროექტის მეშვეობით, ორგანიზაციამ შეძლო პანდემიის პირობებში საქმიანობის გაგრძელება, შრომით-თერაპიული სახელოსნოების შენარჩუნება, საცხობში შშმ პირების დასაქმება და არტ-კაფეს „ქედელის“ ფუნქციონირება.
ადგილზე მისულ სტუმრებს დღის ცენტრის ბენეფიციარების მიერ დამზადებული აქსესუარების შეძენა, ორგანული პროდუქტების დაგემოვნება და ვიქტორინებში მონაწილეობის მიღება შეეძლოთ“, ნათქვამია თბილისის ადამიანის უფლებათა სახლის გვერდზე სოციალურ ქსელში.
წყარო: ორგანიზაციის გვერდი სოციალურ ქსელში
