რატომ ებრძვის ხელისუფლება საზოგადოებრივ ორგანიზაციებს?
თბილისი. საქართველოს ახალგაზრდა იურისტთა ასოციაციის (საია) თავმჯდომარე ნონა ქურდოვანიძე „ნეტგაზეთთან“ საზოგადოებრივი ორგანიზაციების წინააღმდეგ მიმართული კამპანიის შესახებ საუბრობს.
„მსგავსი მექანიზმები გამოყენებულა სხვა ქვეყნებში. თუ იგივე საქართველოშიც განმეორდება, ისეთივე სავალალო შედეგებს გამოიღებს, როგორც რუსეთში, სადაც სამოქალაქო სექტორი ვეღარ საქმიანობს.
უცხო ქვეყნის აგენტების შესახებ კანონის დასახელება იმთავითვე უარყოფით ასოციაციას იწვევს. ეს იყო მიზანმიმართული ნაბიჯი იმისკენ, რომ ორგანიზაციების ავტორიტეტი დაცემულიყო და არასამთავრობო ორგანიზაციების კონკრეტულ განცხადებებს, შეფასებებს და აქტივობებს საზოგადოებაში ნდობა აღარ ჰქონოდა“, ამბობს ნონა ქურდოვანიძე.
წყარო: ორგანიზაციის გვერდი სოციალურ ქსელში
