1921 წლის 21 თებერვალს საქართველოს დემოკრატიული რესპუბლიკის დამფუძნებელმა კრებამ მიიღო კონსტიტუცია.

პირველი თაობის კონსტიტუციებს მიეკუთვნება საქართველოს 1921 წლის კონსტიტუცია, რომელიც იმ დროისთვის ერთ–ერთი ყველაზე პროგრესული კონსტიტუცია იყო. მასში აღიარებული იყო ისეთი უფლებები და პრინციპები როგორიცაა: კანონის წინაშე მოქალაქეთა თანასწორობა, პიროვნების ხელშეუხებლობა, რწმენის და გამოხატვის თავისუფლება, გენდერული თანასწორობა, შეკრებისა და მანიფესტაციის უფლება. კონსტიტუციით გაუქმდა სიკვდილით დასჯა, რაც იმ დროისთვის დასავლეთ ევროპის ბევრ ქვეყანაშიც კი წარმოუდგენელი იყო. 

1921 წლის საქართველოს კონსტიტუციის სტამბურად გამოქვეყნება თბილისში ვეღარ მოესწრო ოკუპაციის გამო, საქართველოს დემოკრატიული რესპუბლიკის კონსტიტუცია ბათუმში, ნესტორ ხვინგიამ საკუთარ სტამბაში დაბეჭდა...