თბილისი. 28 სექტემბერს, საქართველოს წითელი ჯვრის საზოგადოების ინიციატივით, თბილისის ზოოპარკის ტერიტორიაზე ჩატარდა კლიმატის ცვლილების საწინააღმდეგო ღონისძიება. აქციის მიზანს წარმოადგენდა ბრძოლა კლიმატის ცვლილების წინააღმდეგ, ფლორისა და ფაუნის გაფრთხილება, გარემოს დაცვა. 

ღონისძიებაში მონაწილეობა მიიღო საქართველოს წითელი ჯვრის საზოგადოებისა და თბილისის ზოოპარკის მოხალისეებმა. გაიმართა ასევე შემეცნებითი დისკუსია თემაზე: „კლიმატის ცვლილების საწინააღმდეგო რა ზომების მიღებაა შესაძლებელი საზოგადოების მხრიდან?". 

მოხალისეების მიერ დარიგდა ფლაერები და მომზადდა კრეატიული პოსტერი თემაზე: „კლიმატის ცვლილება" ასევე, ღია ცის ქვეშ მოეწყო ცხოველების სურათების გამოფენა, რომლებსაც ემუქრებათ გადაშენება კლიმატის ცვლილების გამო. 

წყარო:ორგანიზაციის გვერდი სოციალურ ქსელში