იმერეთი. „წამების მსხვერპლთა ფსიქოსოციალური და სამედიცინო ცენტრმა" ქუთაისის №2 სასჯელაღსრულების დაწესებულებაში კვლევა  ჩაატარა. დოკუმენტის თანახმად, სასჯელაღსრულების დაწესებულებაში, მედიკამენტებსა და სამედიცინო სერვისებზე ხელმისაწვდომობასთან დაკავშირებით მნიშვნელოვანი  პრობლემებია. ორგანიზაციის კვლევის მიხედვით,  გამოკითხულ პატიმართა 70%  ციხეში მოხვედრის შემდეგ ან ავადდება  ან ჯანმრთელობის მდგომარეობა უუარესდება. ცენტრმა კვლევის შედეგების პრეზენტაცია დღეს გამართა. „აღნიშნული  კვლევის დროს დავადგინეთ, რომ სამუშაოა შემდეგი მიმართულებებით: ეს არის ფსიქიკური პრობლემების მქონე პატიმართათვის სისტემის ჩამოყალიბება, ადრეული მონიტორინგისა და ინტერვენციის მექანიზმის შექმნა და ასევე ექიმების ქცევის წესების სპეციალური სახელმძღვანელოს გამოშვება"- განაცხადა „წამების მსხვერპლთა ფსიქოსოციალური და სამედიცინო ცენტრის" ქუთაისის ოფისის ხელმძღვანელმა, ანა ჩაფიძემ.

ორგანიზაციის წარმომადგენლებმა კვლევის სრული  შედეგები  უკვე გააცნეს  სასჯელაღსრულების სამინისტროს.