აჭარა. 10 თებერვალს, ბათუმში მშვიდობიანი აქცია გაიმართა სახელწოდებით – „მშვიდობის პარკი", რომლის მიზანიც იყო ახალი პარკის გაშენების მოთხოვნა. აქციაზე ხელი მოეწერა პარკის განაშენიანების მოთხოვნის პეტიციას. ორგანიზატორის ინფორმაციით, ბათუმში კიდევ ერთი პარკის კეთილმოწყობის საკითხზე საკრებულოსთან მოლაპარაკებები უკვე მიმდინარეობს. აქცია საზოგადოებრივი გაერთიანება „მწვანე ჯგუფის" ორგანიზებით გაიმართა.