„სამოქალაქო აქტივიზმი და ქალთა პოლიტიკური ჩართულობა“ - ტრენინგი გორში
შიდა ქართლი. 20 მაისს ასოციაცია „ინვალიდთა კლუბთან" არსებულ გორის ახალგაზრდულ ცენტრში ჩატარდა ტრენინგი - „სამოქალაქო აქტივიზმი და ქალთა პოლიტიკური ჩართულობა". მოეწყო ასევე გამოფენა - „ქალები წარსულიდან - მაგალითი მომავლისათვის". ღონისძიების ორგანიზატორი იყო მედიის
განვითარების ფონდი. ტრენინგს უძღვებოდნენ თამარ კინწურაშვილი და თამარ ხორბალაძე, ასევე თათა ცოფურაშვილმა ილიას უნივერსიტეტის ასოცირებული პროფესორმა ისაუბრა ქალთა პოლიტიკურ და სამოქალაქო უფლებებზე; საარჩევნო პროეცესში ქალთა მონაწილეობის ზრდის საკანონმდებლო გარანტიების შესახებ. აქტივობას გორის ახალგაზრდული ცენტრის 30-მდე წევრი დაესწრო.
წყარო:ორგანიზაციის გვერდი სოციალურ ქსელში
