გამჭვირვალობის და ჯამპსტარტ ჯორჯიას მიმართვა პარლამენტს
თბილისი. საზოგადოებრივი ორგანიზაციები - „საერთაშორისო გამჭვირვალობა - საქართველო" და „ჯამპსტარტ ჯორჯია" დემოკრატიის საერთაშორისო დღესთან დაკავშირებით პარლამენტს მიმართავენ.
„15 სექტემბერს მსოფლიო დემოკრატიის საერთაშორისო დღეს აღნიშნავს. ამ დღის ფარგლებში ტარდება ღია მართველობის პარტნიორობის მიერ ორგანიზებული გლობალური საპარლამენტო ღიაობის კვირეული, რომელიც ემსახურება მსოფლიოს პარლამენტებში გამჭვირვალობის გაზრდას. ...ჩვენი რწმენით, დროა, პარლამენტებმა გააძლიერონ თავიანთი, როგორც ხალხის მიერ და ხალხისთვის არჩეული წარმომადგენლების როლი და გამოიყენონ ახალი ტექნოლოგიები, რადგან ტექნოლოგიები ადამიანებს ახლებურად აკავშირებს ერთმანეთთან, სხვაგვარი კომუნიკაციის საშუალებას იძლევა და აძლიერებს სამოქალაქო საზოგადოებას.
ჩვენ მიგვაჩნია, რომ კენჭისყრის შედეგების მონაცემთა ბაზის გაუმჯობესების გზით საქართველოს პარლამენტს შეუძლია გამჭვირვალობისა და ღიაობის მაღალი ხარისხის მიღწევა", ნათქვამია გავრცელებულ განცხადებაში.
წყარო: transparency.ge
