კახეთი. გურჯაანში დოკუმენტური ფილმების ორდღიანი ფესტივალი - „ღია სივრცე თავისუფალი აზრისათვის” დასრულდა. კახეთმა მეხუთედ უმასპინძლა დოკუმენტური ფილმების საერთაშორისო კინოფესტივალს.
ფესტივალის ორგანიზატორი ამჯერადაც არასამთავრობო ორგანიზაცია „მედია ცენტრი კახეთია". ფესტივალის ფარგლებში, გურჯაანის სამუსიკო სკოლის შენობაში გაიმართა ფოტო გამოფენა სახელწოდებით - „ძველი გურჯაანი”, ფილმების ჩვენება და დისკუსიები. საერთაშორისო კინოფესტივალი ჰაინრიჰ ბიოლის ფონდის ფინანსური მხარდაჭერით გაიმართა.
ფესტივალის ორგანიზატორების განცხადებით, ფესტივალის ერთ-ერთი მიზანი საჯარო დისკუსიების ხელშეწყობაა.