სამცხე-ჯავახეთი. ახალქალაქის ახალგაზრდულ ცენტრში ერთ-ერთი FLEX-ის მონაწილის პრეზენტაცია გაიმართა. სრულად... წყარო: ორგანიზაციის გვერდი სოციალურ ქსელში

თბილისი. „თბილისის ადამიანის უფლებათა სახლი" აქვეყნებს Elli Foundation-ის დამფუძნებლის, ნინო გოგოტიშვილის მოსაზრებას ბავშვთა უსაფრთხო მგზავრობის შესახებ. „საგზაო-სატრანსპორტო შემთხვევების შედეგად მსოფლიოში ყოველწლიურად, საშუალოდ, 1.24 მილიონი ადამიანი იღუპება. საქართველოში აღნიშნული მაჩვენებელი საკმაოდ მაღალია და თითქმის ორჯერ აღემატება ევროკავშირის ყველა ქვეყნის სიკვდილიანობის საშუალო სტატისტიკას.[1] სწორედ ამიტომ, სხვადასხვა ქვეყნები შეიმუშავებენ სისტემურ სტრატეგიას, აუმჯობესებენ კანონმდებლობას, რაც შესაძლებელს ხდის, რომ საგზაო შემთხვევების დროს არსებული სიკვდილიანობის მაჩვენებელი მნიშვნელოვნად შემცირდეს", - ვკითხულობთ „თბილისის ადამიანის უფლებათა სახლის" მიერ გავრცელებულ ინფორმაციაში. სრულად  წყარო: ორგანიზაციის ვებგვერდი

თბილისი. პარტნიორობა ადამიანის უფლებებისთვის (PHR) ინფორმაციით, კერძო ბაღი ბავშვს გარიცხვის გამო მორალური ზიანის ასანაზღაურებლად ფულად კომპენსაციას გადაუხდის. „ნ.კ. თბილისის ერთ-ერთ კერძო ბაღში 2 წლის ასაკის აღსაზრდელთა ჯგუფში ირიცხებოდა. 2018 წლის იანვრის თვეში ბაღის ადმინისტრაციამ ბავშვი დაწესებულებიდან გარიცხა. მათი განმარტებით, ბავშვი იყო აგრესიული, ზედმეტად აქტიური და არ შეეძლო ჯგუფში მუშაობა. PHR-მა დისკრიმინაციული მოპყრობის ფაქტის დადგენისა და მორალური ზიანის ანაზღაურების მოთხოვნით თბილისის საქალაქო სასამართლოს მიმართა. ამასთან, საკითხის შესწავლის შემდეგ, საქართველოს სახალხო დამცველმა შეიმუშავა რეკომენდაცია, სადაც აღნიშნულია, რომ ბავშვი ბაღის მხრიდან ქცევის ნიშნით აღქმითი პირდაპირი დისკრიმინაციის მსხვერპლი გახდა", ნათქვამია ორგანიზაციის ვებგვერდზე. სრულად... წყარო: phrgeorgia.wordpress.com

თბილისი. ორგანიზაციამ „ინიციატივა სოციალური ცვლილებებისთვის" (ISC) უმასპინძლა INSPIRE ფორუმს: შვიდი სტრატეგია ბავშვთა მიმართ ძალადობის დასაძლევად. „ღონისძიების ფარგლებში, მონაწილეებს მიეცათ შესაძლებლობა გაცნობოდნენ მსოფლიო ჯანდაცვის ორგანიზაციისა და საერთაშორისო დონეზე ბავშვთა დაცვისა საკითხებზე მომუშავე ძირითადი სააგენტოების მიერ მომზადებულ INSPIRE ტექნიკურ პაკეტს, რომელშიც თავმოყრილია საუკეთესო ხელმისაწვდომ მტკიცებულებებზე დაფუძნებული სტრატეგიები. მათი დანერგვა ბავშვთა და მოზარდთა მიმართ ძალადობის პრევენციისა და მასზე რეაგირების უკეთეს შესაძლებლობებს იძლევა.", ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

სამეგრელო. 22 მაისს, ასოციაცია „ათინათის” ახალგაზრდული ცენტრის წევრებმა, ჩაატარეს კარლ პოპერის ღირებულებითი დებატები თემაზე: „სკოლებში ქულებით შეფასება უნდა გაუქმდეს”. „ახალგაზრდებმა მონაწილეებს წინასწარ გააცნეს დებატების ფორმა და მისი წესები, რის შემდეგაც შეიქმნა მტკიცებითი და უარმყოფელი გუნდი, რომლებმაც წარმოადგინეს რეზოლუციები ამ თემაზე. დებატების ბოლოს, გამოვლინდა სამი გამარჯვებული სპიკერი: ანანო ალანია, ნიკა ხაზალია და თამარ ლოგუა. გამარჯვებულებს გადაეცათ ფასიანი საჩუქრები”, ნათქვამია ორგანიზაციის გვერდზე სოციალურ ქსელში. სრულად... ყარო: ორგანიზაციის გვერდი სოციალურ ქსელში

თბილისი. 22 მაისს, რუსთავის (ჟიული შარტავას სახ.) მე-4 საჯარო სკოლაში ქალთა საინფორმაციო ცენტრის ორგანიზებით, გაიმართა შეხვედრა/დისკუსია, რომლის მონაწილეები გახდნენ ამავე სკოლის უფროსკლასელები. „შეხვედრაზე, რომელიც ქალთა საინფორმაციო ცენტრის დირექტორს, ელენე რუსეცკაიას მიჰყავდა, მთავარი განსახილველი თემები იყო ოჯახში, ქალთა და ბავშვთა მიმართ ძალადობა", ნათქვამია ორგანიზაციის ვებგვერდზე. სრულად... წყარო: ორგანიზაციის გვერდი სოციალურ ქსელში

შიდა ქართლი. 18 მაისს, „კეთილდღეობისა და განვითარების ცენტრთან" არსებულმა გორის სამოქალაქო აქტივიზმის ცენტრის მოხალისეებმა მონაწილეობა მიიღეს აქციაში „ღამე მუზეუმში". „აქცია მუზეუმების საერთაშორისო დღეს ეძღვნებოდა და მისი მიზანია ახალგაზრდებს შორის მუზეუმების პოპულარიზება. ახალგაზრდებმა მოაწყვეს გამოფენა-გაყიდვა და შემოსული თანხით დაეხმარებიან მათ თანატოლს, რომელიც გადაუდებელ დახმარებას საჭიროებს", ნათქვამია ორგანიზაციის გვერდზე სოციალურ ქსელში. სრულად...  წყარო: ორგანიზაციის გვერდი სოციალურ ქსელში

შიდა ქართლი. 19 მაისს, „კეთილდღეობისა და განვითარების ცენტრთან" არსებული გორის სამოქალაქო აქტივიზმის ცენტრის მოხალისეებმა კამპანიის „ახალგაზრდები ევროპული ღირებულებებით" ფარგლებში მოხდა ფილმის ჩვენება და დისკუსია ოკუპაციის თემაზე. სრულად... წყარო: ორგანიზაციის გვერდი სოციალურ ქსელში

სამეგრელო. ასოციაცია „ათინათის” პროექტის „ახალგაზრდების ჩართულობა და განვითარებამ” გაცვლითი ვიზიტის ფარგლებში, ორსანტიისა და ჩხორიის საჯარო სკოლების ახალგაზრდული კლუბის წევრებისათვის მოიწვია მწერალი დათო ტურაშვილი, რომელიც ახალგაზრდებს ესაუბრა საკუთარი შემოქმედების, ახალგაზრდების აქტიურობის მნიშვნელობასა და სამოქალაქო განათლებაზე. სრულად... წყარო: ორგანიზაციის გვერდი სოციალურ ქსელში

ტოლერანტობის სამოქალაქო ცნობიერებისა და ინტეგრაციის მხარდაჭერის პროგრამა, PITA-ს ფარგლებში, დემოკრატ მესხთა კავშირში, ახალგაზრდული ცენტრის წევრის, სალომე ტაბატაძის პრეზენტაცია გაიმართა, თემაზე: სოციალური ქსელები და მათი გავლენა, თანამედროვე ახალგაზრდებზე. სრულად... წყარო: ორგანიზაციის გვერდი სოციალურ ქსელში

სამცხე-ჯავახეთი. ახალქალაქის ახალგაზრდული ცენტრის აქტივისტებმა #2 საბავშვო ბაღში მოხალისეობრივი აქცია გამართეს. სრულად... წყარო: ორგანიზაციის გვერდი სოციალურ ქსელში

თბილისი. საქართველოს ჟურნალისტური ეთიკის ქარტია აქვეყნებს ბავშვთა საკითხების გაშუქების სახელმძღვანელოს. „ბავშვის დაფარვა უპირობოდ აუცილებელია, როდესაც ის არის ძალადობის/დანაშაულის მსხვერპლი. მეურვის თანხმობა არ ათავისუფლებს ჟურნალისტს პასუხისმგებლობისგან. მან თავად უნდა შეაფასოს ის ნეგატიური შედეგები, რაც შეიძლება ბავშვის იდენტიფიცირებას მოჰყვეს", ნათქვამია ქარტიის ვებგვერდზე. სრულად... წყარო: www.qartia.ge

თბილისი. 14 მაისს, საქართველოს სახალხო დამცველმა, ნინო ლომჯარიამ „ბავშვზე ზრუნვის სისტემის მონიტორინგის - ალტერნატიული ზრუნვის ეფექტიანობის" შესახებ სპეციალური ანგარიში წარმოადგინა. ანგარიში სახალხო დამცველის აპარატმა გაეროს ბავშვთა ფონდის და ევროკავშირის მხარდაჭერით მოამზადა. „გადაუჭრელ პრობლემად რჩება ძალადობის მსხვერპლი ბავშვების იდენტიფიცირება, რთული ქცევისა და კრიზისული მდგომარეობის მართვა, ბავშვზე ძალადობის ფაქტების პრევენცია, მათზე დროული რეაგირება და ფსიქო-სოციალური დახმარება. სახელმწიფოს არ გააჩნია სისტემური ხედვა ბავშვთა სიღარიბის დაძლევის და ოჯახების სოციალური ფუნქციის ამაღლების მიმართულებით. არსებული პროგრამები ვერ პასუხობს ამ მიმართულებით არსებულ საჭიროებებს, რაც შესაბამისად უარყოფითად აისახება ბავშვთა უფლებრივ მდგომარეობაზე”, ნათქვამია ორგანიზაციის ვებგვერდზე. სრულად... წყარო: ombudsman.ge

თბილისი. „საერთაშორისო გამჭვირვალობა - საქართველო" (TI) „ბავშვის უფლებათა კოდექსსა" და თანმდევ კანონებში შესატანი ცვლილებების პაკეტს ეხმიანება.  „საქართველოს პარლამენტმა პირველი მოსმენით განიხილა „ბავშვის უფლებათა კოდექსის" და თანმდევ კანონებში ცვლილებების პროექტები. ახალი კოდექსი მიზნად ისახავს სახელმწიფო პოლიტიკის, სისტემური მიდგომის ჩამოყალიბებას ბავშვთა უფლებების დაცვის სფეროში. იქმნება ერთიანი საკანონმდებლო აქტი ბავშვის უფლებების შესახებ. ახალი კოდექსი ყველა სახელმწიფო ორგანოს, ფიზიკური და იურიდიული პირისთვის ბავშვთან მუშაობის წარმართვისას სახელმძღვანელო უნდა იყოს", - ვკითხულობთ TI-ის მიერ გავრცელებულ ინფორმაციაში.  სრულად... წყარო: ორგანიზაციის ვებგვერდი

გურია. „ახალგაზრდა პედაგოგთა კავშირთან" არსებულმა ახალგაზრდული ცენტრის წევრებმა, გარემოს დაცვის და უსახლკარო ძაღლების ადვოკატირების ფარგლებში, ქალაქ ოზურგეთსა და დაბა ნასაკირალში რამდენიმე აქტივობა ჩაატარეს. ახალგაზრდული ცენტრის წევრებმა და ლიდერთა სკოლის მოსწავლეებმა უსახლკარო ძაღლებისთვის შეღებეს ხის სახლები, რომელიც ქალაქში წინასწარ შერჩეულ ადგილზებზე დაიდგმება; საინფორმაციო აბრები განათავსეს დაბაში, სადაც, რამდენიმე ხნის წინათ, მათ ხელოვნური ნაგავსაყრელი დაასუფთავეს.  სრულად...  წყარო: გვერდი სოციალურ ქსელში

საქართველო. „ასოციაცია ათინათი", პროექტის - „ახალგაზრდების ჩართულობა და განვითარება" - ფარგლებში, ორდღიან ფოტოკონკურსს აცხადებს. „დაიწყე და შეცვალე" - ასეთია კონკურსის სახელწოდება. მისი ორგანიზატორების განცხადებით, გამვლინდება 3 გამარჯვებული, რომელიც პრიზებითა და სერტიფიკატებით დაჯილდოვდება.  სრულად... წყარო: გვერდი სოციალურ ქსელში

სამეგრელო-ზემო სვანეთი. დემოკრატიული ჩართულობის ცენტრების ქსელის ზუგდიდის ოფისი იწყებს მერობის კანდიდატების შეხვედრების ციკლს ახალგაზრდებთან. რა პროექტებს განახორციელებს არჩეული მერი, ახალგაზრდული პოლიტიკის ფარგლებში და რამდენად იქნება გათვალისწინებული მათი საჭიროებები? რა საქმიანობებს განახორციელებს არჩეული მერიმ, ახალგაზრდების განათლების კუთხით? იგეგმება თუ არა გაცვლითი პროგრამები, სასწავლო ვიზიტები და სტუდენტებისთვის სტაჟირების ანაზღაურებადი პროგრამები? რა სიახლეებს შესთავაზებს არჩეული მერი ახალგაზრდებს მათი დასაქმების კუთხით და როგორ დააინტერესებს ახალგაზრდა კვალიფიციურ კადრებს? რამდენად გამჭვირვალე და სამართლიანი იქნება კადრების შერჩევის პროცესი მერიაში? - ეს არის საკითხები, რომელთა განხილვაც ამ შეხვედრებზე იგეგმება.  სრულად... წყარო: გვერდი სოციალურ ქსელში

თბილისი. „პარტნიორობა ადამიანის უფლებებისთვის" (PHR) ინფორმაციით, შრომითი მიგრაციის შედეგად ქვეყანაში დარჩენილ ბავშვებზე ზეგავლენა ექსპერტებმა ChildPact-ის კონფერენციაზე განიხილეს. „კონფერენციაზე, ანა არგანაშვილმა ამ მიმართულებით საქართველოში არსებულ რეალობასა და პრობლემებზე ისაუბრა. საქართველოდან შრომით მიგრაციაში მოსახლეობის საკმაოდ მაღალი, დაახლოებით 25%-ია ჩართული. შავი ზღვის არეალის ქვეყნების მსგავსად, საქართველოშიც, ფაქტობრივად, არაფერი ვიცით იმ ბავშვების მდგომარეობაზე, რომელთა ცხოვრებაზეც განსაკუთრებული ზეგავლენა აქვს მოსახლეობის მეოთხედის შრომით მიგრაციას. კონფერენციაზე განიხილებოდა ის პრობლემები, რასაც შრომითი მიგრაცია იწვევს სახელმწიფოებში. როგორც მომხსენებლებმა აღნიშნეს, შრომით მიგრაციის უმეტეს ნაწილს ქალები წარმოადგენენ", ნათქვამია ორგანიზაციის ვებგვერდზე. სრულად... წყარო: phrgeorgia.wordpress.com

თბილისი. „კოალიცია ბავშვებისა და ახალგაზრდებისთვის” წარმომადგენელი, ანა აბაშიძე, პირველად აირჩიეს ChildPact-ის სამეთვალყურეო საბჭოს წევრად. „პარტნიორობა ადამიანის უფლებებისთვის" ულოცავს ანას რეგიონული კოალიციების გაერთიანების ამ სტრატეგიულად მნიშვნელოვან პოზიციაზე დანიშვნას და წარმატებებს უსურვებს. სრულად... წყარო: phrgeorgia.wordpress.com

კახეთი. 100-ზე მეტი მონაწილე, მათი უმრავლესობა ბავშვები, მშობლები და მასწავლებლები, ისევე როგორც სპეციალურად მოწვეული სტუმრები დაესწრო „პოზიტიური მშობლობის ფესტივალს" სოფელ ლელიანში, ლაგოდეხის მუნიციპალიტეტში. ფესტივალი ევროკავშირის მხარდაჭერით გაიმართა და მისი მიზანი იყო ჯანსაღი მშობლობის პრაქტიკის დამკვიდრების ხელშეწყობა, მშობლების და შვილების ერთობლივი სპორტული და გასართობი ღონისძიებების დემონსტრირების გზით, რაც ხელს უწყობს მათ დაახლოებას და და მეგობრული ურთიერთობის ჩამოყალიბებას. პოზიტიური მშობლობის თემაზე ღონისძიებებისა და ტრენინგების ჩატარება ლელიანის ზრდასრულთა განათლების ცენტრის ინიციატივაა, რომელიც დაფინანსებისთვის შეირჩა ორგანიზაცია ‘ქეასა’ და ლაგოდეხის ადგილობრივი განვითარების ჯგუფის მიერ, ევროკავშირის ENPARD-ის სოფლის განვითარების პროექტის ფარგლებში. ინიციატივა 2019 წლის იანვრიდან ხორციელდება და მოიცავს ტრენინგების სერიას მშობლებთან, მასწავლებლებთან და ბავშვებთან 6-დან 18 წლამდე. შეხვედრების მიზანია მშობლობის სწორი და ჯანსაღი პრაქტიკის დამკვირდრება. ტრენინგის მონაწილეებს ფსიქოლოგები აცნობენ ბავშვის განვითარების მთავარ ეტაპებს და კრიზისებს, და მათი დაძლევის მეთოდებს. ესაუბრებიან მათთის მნიშვნელოვან საკითხებზე, მათ შორის კონფლიქტების თაობაზე, და მისი მოგვარების მშვიდობიან გზებზე. ინიციატივის ფარგლებში, მშობლებმა და ბავშვებმა ერთობლივად იმუშავეს ანიმაციური ფილმის შექმნაზე პოზიტიური მშობლობის თემაზე.  სრულად... წყარო: enpard.ge

თბილისი. საზოგადოებრივი ორგანიზაცია „ასოციაცია ჰერა ოცდაერთი" საპარლამენტო კომიტეტის სხდომაზე, „ბავშვის უფლებათა კოდექსის" პროექტის განხილვასა და შედეგად, დოკუმენტში შეტანილ ცვლილებებს ეხმიანება.  „ორგანიზაციას მიაჩნია, რომ აღნიშნული ცვლილებები შეუსაბამოა ბავშვთა უფლებების საერთაშორისო სტანდარტებთან და საჭიროებს დაუყოვნებელ რეაგირებას. კერძოდ, ბავშვთა კოდექსის პროექტში შეტანილი ცვლილება, რომელიც ითვალისწინებს სკოლებში სქესობრივი აღზრდის შესახებ განათლების მიღებას მხოლოდ მშობლის თანხმობით (მუხლი 35.4)", - აღნიშნულია ორგანიზაციის მიერ გავრცელებულ მოსაზრებაში, - „საქართველოს ნაკისრი აქვს ვალდებულება, განახორციელოს ადამიანის უფლებათა საერთაშორისო სტანდარტები, მათ შორის მოსახლეობის და განვითარების შესახებ საერთაშორისო კონფერენციის (ICPD) სამოქმედო გეგმის, პეკინის დეკლარაცია და სამოქმედო პროგრამის, ბავშვის უფლებების კონვენციის (CRC), საერთაშორისო პაქტის ეკონომიკურ, სოციალურ და კულტურულ უფლებათა შესახებ (ICESCR),ქალთა დისკრიმინაციის ყველა ფორმის აღმოფხვრის შესახებ კონვენციის (CEDAW) ფარგლებში".  სრულად... წყარო: გვერდი სოციალურ ქსელში

შიდა ქართლი. 4 აპრილს, გორის სამოქალაქო აქტივიზმის ცენტრის მოხალისეები, თორტიზის საჯარო სკოლას, პროექტ: „ახალგაზრდები გენდერული თანასწორობისათვის" ფარგლებში სტუმრობდნენ. „ტრენერთა ტრენინგის (ToT) გადამზადებული ახალგაზრდები 2018 წლის ნოემბრიდან 2019 წლის მაისის ჩათვლით, საქართველოს სხვადასხვა რეგიონების სოფლებსა და ქალაქებში ოჯახში ძალადობის და ადრეული ქორწინების, ასევე „ევროკავშირის და საქართველოს" შესახებ საინფორმაციო კამპანიის ჩატარებას უზრუნველყოფენ სხვადასხვა ჯგუფებთან, მათ შორის მოსწავლეებთან, მასწავლებლებთან, მშობლებთან და თემის ლიდერებთან", ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში