თბილისი. 18 იანვარს, ბავშვთა პალიატიური მზრუნველობის პირველ ჰოსპისს საქართველოში 2 წელი შეუსრულდა. „2 წლის მანძილზე გავიზარდეთ, ბევრი მეგობარი შევიძინეთ, ბევრჯერ ვიტირეთ, ზღვა სიყვარული მივიღეთ, არაჩვეულებრივი ბავშვები და მათი ოჯახის წევრები გავიცანით. კარგად შევიგრძენით, რომ ცხოვრებაში ყოველი წამით უნდა დატკბე და ყოველ ახალ დღეს მადლიერებით სავსე შეხვდე. თქვენი დამსახურებით 250-მდე პაციენტს მოვემსახურეთ, როგორც ჰოსპისში, ასევე ბინაზე და დღის ცენტრში", ნათქვამია ორგანიზაციის ვებგვერდზე. სრულად... წყარო: ორგანიზაციის ვებგვერდი სოციალურ ქსელში

გურია. 16 იანვარს, „ახალგაზრდა პედაგოგთა კავშირში" ახალგაზრდული ცენტრის სამუშაო შეხვედრა ჩატარდა. „შეხვედრაზე დეტალურად განიხილეს „ტოლერანტობის, სამოქალაქო ცნობიერებისა და ინტეგრაციის განვითარების პროგრამის" მიმდინარე გამოწვევები და სამომავლო საქმიანობები. გაფართოებულ შეხვედრაზე, პროგრამის თემატური მიმართულებები კიდევ ერთხელ განისაზღვრა და ახალგაზრდების ინიციატივით აირჩა მიმართულებებზე პასუხისმგებელი პირები”, ნათქვამია ორგანიზაციის ვებგვერდზე. სრულად... წყარო: ორგანიზაციის ვებგვერდი სოციალურ ქსელში

იმერეთი. ბაღდათის გენდერული თანასწორობის საბჭოს ორგანიზებით, ორგანიზაციამ „პარტნიორობა ადამიანის უფლებებისათვის” (PHR) საბავშვო ბაღის მასწავლებლებთნ საინფორმაციო შეხვედრა გამართა. შეხვედრაზე ისაუბრეს მასწავლებლის როლის შესახებ ძალადობაგამოვლილი ბავშვის მხარდაჭრის პროცესში, ასევე, ბავშვისა და ქალის მიმართ ძალადობის ფორმებისა და მათი ძალადობისგან დაცვის მექანიზმების, შესაბამისი უწყებებისთვის, ძალადობის შესაძლო მსხვერპლთა თაობაზე შეტყობინების ვალდებულების შესახებ.  სრულად  წყარო: ორგანიზაციის ვებგვერდი

<div style="text-align: justify;"><span style="font-weight: bold;">აჭარა.</span> 25 დეკემბერს, ქობულეთის მუნიციპალიტეტის სოფელ ჯიხანჯურის საჯარო სკოლაში, „თავისუფალ ჟურნალისტთა სახლის” მოხალისემ, მუხრან ზოიძემ გამართა სტუდენტური დისკუსია, სადაც ისაუბრა ბავშვთა მიმართ ძალადობის შესახებ.</div> <div style="text-align: justify;">„დისკუსიის მონაწილეებმა ბავშვთა უფლებების კონვენციაზე დაყრდნობით განიხილეს საქართველოში არსებული ბავშვთა მიმართ ძალადობის ფაქტები. დღევანდელ რელობაში ბავშვთა მიმართ ძალადობა ერთ-ერთი აქტუალური პრობლემაა, რომელსაც ხშირად ფატალურ შედეგამდე მივყავართ. მონაწილეების მოსაზრებით სკოლაშიც ხშირია ძალადობის ფაქტები თანატოლების მხრიდან.</div> <div style="text-align: justify;">შეხვედრის პროცესში მონაწილეებმა შეასრულეს ჯგუფური სამუშაო, რომლის მიზანი იყო პრობლების იდენტიფიცირება და მისი მოგვარების გზების პოვნა. დისკუსიის შემდეგ გაიმართა მოკლემეტრაჟიანი ფილმის ჩვენება”, ნათქვამია ორგანიზაციის ვებგვერდზე სოციალურ ქსელში.</div> <div style="text-align: justify;"><a href="http://www.facebook.com/pg/media.org.ge/photos/?tab=album&album_id=2059621600750596" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის ვებგვერდი სოციალურ ქსელში</div> <div><br /> </div>

სამეგრელო. 21 დეკემბერს, ასოციაცია „ათინათის" ახალგაზრდული ცენტრის ორგანიზებით, ზუგდიდში გაიმართა აქცია - ერთი თბილი დღე ქუჩაში მომუშავე მოსახლეობისთვის. აქტივობა მიმდინარეობდა ზუგდიდში, ბაზრის მიმდებარე ტერიტორიაზე. ქალაქის მცხოვრებლებს, ახალგაზრდები დიდი მონდომებით უმასპინძლდებოდნენ უფასო ცხელი ჩაითა და ყავით, ორცხობილებით. ხალხმა მადლიერება გამოხატა და პოზიტიურად შეხვდა ახალგაზრდების მიერ განხორციელებულ ინიციატივას", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. პარტნიორობა ადამიანის უფლებებისთვის აქვეყნებს სოციალურ ვიდეორგოლს: დროულად იხსენი ბავშვი ძალადობისგან. სრულად... წყარო: ორგანიზაციის ვებგვერდი სოციალურ ქსელში

თბილისი. სავარაუდოდ, უცნობი, ძლიერმოქმედი ნარკოტიკული ნივთიერებით გამოწვეული ინტოქსიკაციისა და გარდაცვალების ფაქტებთან დაკავშირებით, საზოგადოებრივი ორგანიზაციების ნაწილი განცხადებას ავრცელებს. „შექმნილ ვითარებაში, მოვუწოდებთ: საქართველოს შინაგან საქმეთა და ჯანდაცვის სამინისტროებს, მიაწოდონ საზოგადოებას ინფორმაცია ბოლო პერიოდში, ისევე როგორც მიმდინარე წლის მაისში დაფიქსირებული ინტოქსიკაციისა და გარდაცვალების ფაქტების გამომწვევი მიზეზების შესახებ; ჯანდაცვის სამინისტრომ, სხვა უწყებების ჩართულობით, შექმნას გაფართოებული სამუშაო პლატფორმა, სადაც პროფესიული და დაინტერესებული ჯგუფების მონაწილეობით, განისაზღვრება მსგავსი ფაქტების პრევენციის მიზნით გადასადგმელი კონკრეტული ნაბიჯები; სახელმწიფომ დაგეგმოს და გადადგას რეალური პრევენციული ნაბიჯები ნარკოტიკებით გამოწვეული ინტოქსიკაციის და გარდაცვალების ფაქტების შემდგომი პრევენციის მიზნით; საქართველოს პარლამენტმა გაიაზროს საკუთარი პასუხისმგებლობა და დაუბრუნდეს ნარკოპოლიტიკის რეფორმის საკითხის განხილვას", - ვკითხულობთ განცხადებაში. სრულად  წყარო: emc.org.ge

თბილისი. გაეროს ბავშვთა ფონდი აქვეყნებს მოზარდთა მშობლობისა და მოზარდთა მშობლობის მხარდამჭერი პროგრამების კვლევას საქართველოში. „საქართველოში მოზარდთა მშობლების უმრავლესობა მიმართავს აღზრდის ავტორიტარულ სტილს, რომელიც მოიცავს ფიზიკური და ფსიქოლოგიური დასჯის მეთოდებს; მშობლები ძირითადად ზრუნავენ მოზარდების მატერიალურ და ფიზიკურ კეთილდღეობაზე, ნაკლებად - მათ ემოციურ და ფსიქოლოგიურ მდგომარეობაზე," ნათქვამია კვლევაში. სრულად... წყარო: unicef.ge

ქვემო ქართლი. ევროკავშირის მხარდაჭერით, ასოციაციამ - „სამხარეო განვითარება მომავალი საქართველოსთვის" (RDFG), გენდერულ საკითხებზე ახალგაზრდული ღონისძიება ჩაატარა. ღონისძიება, რომელშიც მონაწილეობა 30-ზე მეტმა ახალგაზრდა ფერმერმა მიიღო, ჩაატარა გენდერული ძალადობის წინააღმდეგ 16-დღიანი საერთაშორისო კამპანიის ფარგლებში, რომელიც, მსოფლიოს მასშტაბით, 25 ნოემრიდან 10 დეკემბრის ჩათვლით აღინიშნება. სრულად  წყარო: http://enpard.ge

თბილისი. პარტნიორობა ადამიანის უფლებებისთვის (PHR) მიმართავს მთავრობას გამართოს ბავშვთა მიმართ ძალადობის რეფერირების სისტემა. „საქართველოში ბავშვთა მიმართ ძალადობის შეფასების კუთხით ჩატარებულ კვლევებში აღნიშნულია, რომ მნიშვნელოვანია სახელმწიფომ გამართოს ძალადობაზე რეაგირებისა და ძალადობის მსხვერპლი ბავშვების სარეაბილიტაციო მომსახურებები, გაზარდოს რაოდენობა და გააძლიეროს ძალადობის საკითხებზე მომუშავე ადამიანური რესურსი და აამაღლოს ცნობიერება საზოგადოებაში ძალადობის საკითხებთან დაკავშირებით. მიუხედავად იმისა, რომ ამ კუთხით 10 წლის განმავლობაში გატარდა რიგი ღონისძიებები (2010 წლის ბრძანება ბავშვთა დაცვის მიმართვიანობის და რეფერირების შესახებ და 2016 წლის საქართველოს მთავრობის დადგენილება ბავშვთა დაცვის მიმართვიანობის (რეფერირების) პროცედურების დამტკიცების თაობაზე), არსებული საკითხი კვლავ დიდ გამოწვევად რჩება," ნათქვამია ორგანიზაციის ვებგვერდზე. სრულად... წყარო: phrgeorgia.wordpress.com

შიდა ქართლი. გორის „კეთილდღეობისა და განვითარების ცენტრთან„ არსებული გორის სამოქალაქო აქტივიზმის ცენტრში, ახალგაზრდების საჭიროებების კვლევა დაიწყო. კვლევის ფარგლებში, ჩატარდა რიგით მე-3 ფოკუს-ჯგუფი, რომელიც 9 ახალგაზრდით იყო დაკომპლექტებული. ფოკუს-ჯგუფის კითხვები კი, შეეხებოდა არაფორმალური განათლების საჭიროებებს, იმას, თუ რა თემები აინტერესებთ მეტად, რას აკეთებენ თავისუფალ დროს და როგორ ანაწილებენ მას, რის მიხედვით არჩევენ აქტივობებს, რა ტემაზე სურთ ტრენინგები, დისკუსიები და შეხვედრები, ვის მოწვევას ისურვებდნენ, რისი შეცვლა სურთ და რაში ექნებოდათ ჩართვის სურვილი და ასე შემდეგ. სრულად  წყარო: ორგანიზაციის გვერდი სოციალურ ქსელში

შიდა ქართლი. ბავშვთა საერთაშორისო დღე, გორის „კეთილდღეობისა და განვითარების ცენტრთან „ არსებულმა გორის სამოქალაქო აქტივიზმის ცენტრმა შეზღუდული შესაძლებლობების მქონე ბავშვებთან ერთად აღნიშნა. მათთვის სპეციალურად მიწვეულმა თოჯინების თეატრმა ბავშვებს საინტერესო დადგმა უჩვენა და დღემ ხალისიანად ჩაიარა. ღონისძიება დაგეგმილი იქნა "ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის" [PITA] ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) ფინანსური მხარდაჭერით. სრულად  წყარო: გვერდი სოციალურ ქსელში

თბილისი. 19 ნოემბერს მსოფლიო ბავშვთა მიმართ ძალადობის პრევენციის საერთაშორისო დღეს აღნიშნავს. პარტნიორობა ადამიანის უფლებებისთვის (PHR) მიერ მომზადებული ინფოგრაფიკა ასახავს, თუ რამდენად გონივრულად უდგება საქართველოს სახელმწიფო ბავშვთა მიმართ ძალადობას. შსს არ აფიქსირებს და არ აჯარიმებს მათ, ვისაც ბავშვზე ძალადობის შესახებ შეტყობინების ვალდებულება აქვს, მაგრამ ამ ვალდებულებას არ ასრულებს. სრულად... წყარო: ორგანიზაციის ვებგვერდი სოციალურ ქსელში

თბილისი. ჟურნალისტური ეთიკის ქარტია და გაეროს ბავშვთა ფონდი (UNICEF), 17-18 ნოემბერს, მართავენ სემინარს უფროსკლასელებისათვის - „მედიაწიგნიერება და კრიტიკული აზროვნება". ორდღიანი სემინარი იმართება თბილისში, განათლების მულტიმედია ცენტრში. (ალექსანდრე ჭავჭავაძის #10). პრაქტიკულ ტრენინგებში მონაწილეობას მიიღებენ XI და XII კლასების მოსწავლეები თბილისისა და რეგიონების სკოლებიდან. ორგანიზატორების განცხადებით, სემინარი დაეხმარება ახალგაზრდებს, აიმაღლონ ცოდნა მასობრივი კომუნიკაციისა და ახალი ტექნოლოგიების შესახებ, გააძლიერებს მათ უნარს, კრიტიკულად გაანალიზონ, რა კავშირი არსებობს მედიას, აუდიტორიასა და ინფორმაციას შორის. სრულად  წყარო: http://qartia.ge

თბილისი. საქართველოს პარლამენტში ევროპის საბჭოს საპარლამენტო ასამბლეის (PACE) განათლების, ახალგაზრდობისა და სპორტის და ბავშვთა საკითხების ქვეკომიტეტების გაერთიანებულ შეხვედრაზე PHR-ის ხელმძღვანელი, ანა არგანაშვილი მოხსენებით გამოვიდა. „ანამ იმ ბავშვების უფლებების შესახებ ისაუბრა, რომლებიც შრომითი მიგრაციის შედეგად მშობლების ზრუნვის გარეშე რჩებიან ქვეყანაში. მოხსენებისას მან აღნიშნა, რომ არსებობს გაზრდილი საფრთხე, რომ ამ ბავშვების უფლებები დაუცველია, ვინაიდან მათ შესახებ სახელმწიფოს არ აქვს შემუშავებული ხედვა, არ აწარმოებს სტატისტიკას და არ ითვალისწინებს მათ საჭიროებებს. შესაბამისად, სახელმწიფოს არ აქვს ინფორმაცია, რამდენი ბავშვია დარჩენილი მშობლის ზრუნვის გარეშე. ასევე, სახელმწიფომ არ იცის, სად იმყოფებიან ეს ბავშვები, ვინ ზრუნავს მათზე და რამდენად არიან ამ ბავშვებზე ზრუნვის განმახორციელებელი პირები მათი კანონიერი წარმომადგენლები," ნათქვამია ორგანიზაციის ვებგვერდზე. სრულად... წყარო: phr.ge

გურია. 2 ნოემბერს, ოზურგეთის დემოკრატიული ჩართულობის ცენტრში „ახალგაზრდა პედაგოგთა კავშირმა" გამართა კვლევის ანგარიშის პრეზენტაცია, რომელიც ეხებოდა „სახელმწიფო ზრუნვის სისტემაში მცხოვრები ბავშვების ბიოლოგიური ოჯახების საჭიროებების იდენტიფიცირებას." „აღნიშნული კვლევა განხორციელდა მიმდინარე პროექტის – „სამოქალაქო ჩართულობა - პოზიტიური ცვლილებებისთვის" ფარგლებში. იგი მიზნად ისახავდა სახელმწიფო ზრუნვის სისტემაში მცხოვრები იმ ბიოლოგიური ოჯახების საჭიროებების გამოვლენას, რომლებიც გურიის რეგიონის სამ მუნიციპალიტეტში, ოზურგეთში, ლანჩხუთსა და ჩოხატაურში ცხოვრობენ და იმის დადგენას, თუ რა მდგომარეობაა რეინტეგრაციისათვის პოტენციურ ოჯახებში, რათა ამ ოჯახებს ბავშვების დაბრუნების სამართლებრივი შესაძლებლობა მიეცეთ", ნათქვამია ორგანიზაციის ვებგვერდზე სოციალურ ქსელში. სრულად... წყარო; ორგანიზაციის ვებგვერდი სოციალურ ქსელში

თბილისი. ორგანიზაცია „პარტნიორობა ადამიანის უფლებებისთვის" (PHR) აცხადებს, რომ სოციალური მომსახურების სააგენტომ ბავშვის ინფორმირების უფლება დაარღვია. როგორც ორგანიზაციის მიერ გავრცელებული ინფორმაციიდან ირკვევა, 2018 წლის 7 მაისს PHR-ის იურისტმა განცხადებით მიმართა სოციალური მომსახურების სააგენტოს და 2017 წლის იანვარში ბავშვის მიმართ განხორციელებული ძალადობის შესახებ დოკუმენტაციის, მათ შორის, სოციალური მუშაკის მიერ შედგენილი დასკვნის გადმოცემა ითხოვა. სააგენტომ კი, „პერსონალურ მონაცემთა დაცვის შესახებ" საქართველოს კანონით დადგენილი წესის დარღვევით, თავი აარიდა მოთხოვნილი ინფორმაციის მოწოდებას. სრულად  წყარო: ორგანიზაციის ვებგვერდი

იმერეთი. ქუთაისის ახალგაზრდული ცენტრის წევრებისათვის ჩატარდება დისკუსია თემაზე: „დემოკრატიული არჩევნები და არჩევის პრაქტიკა საქართველოში”.  მისი მიზანი იყო ახალგაზრდები გაცნობოდნენ, თუ რა მნიშვნელობა აქვს არჩევნების დემოკრატიულად ჩატარებას ქვეყნის განვითარებისათვის და დემოკრატიული სახელმწიფოს მშენებლობისთვის. დისკუსიის მუშაობას ორგანიზაცია „გამჭვირვალობა - საქართველოს" წარმომადგენელი ლელა მოწონელიძე უძღვებოდა. სრულად... წყარო: ორგანიზაციის ვებგვერდი სოციალურ ქსელში

თბილისი. „პარტნიორობა ადამიანის უფლებებისთვის" (PHR) აქვეყნებს ანა არგანაშვილის ინტერვიუს რენატე ვინტერთან. ის გაერთიანებული ერების ბავშვთა უფლებების კომიტეტის მოქმედი ხელმძღვანელი და საქართველოში არასრულწლოვანთა მართლმსაჯულების კოდექსის ერთ-ერთი ინიციატორია. „ეს დოკუმენტი, რეალურად, პარადიგმის ცვლილებაა, სააზროვნო სისტემის ამოყირავება, რომელიც ჩვენივე ბავშვობის დროინდელი გამოცდილებებითა და ღრმად ჩაკირული პედაგოგიური მიდგომებითაა სავსე და ნებისმიერ კრიზისულ სიტუაციაში გვაიძულებს, ვილაპარაკოთ, ვიმოქმედოთ, შევაფასოთ ისე, როგორც ჩვენი მშობლები, ჩვენი სკოლის მასწავლებლები, ჩვენი უბნის პოლიციელები, ჩვენი კულტურა და მთელი სისტემა შეაფასებდა. რენატე ვინტერი სწორედ ამ პარადიგმის ცვლილებაზე საუბრობს და აცხადებს, რომ სწორედ ეს კოდექსი და მისი რეალურ, ცხოვრებისეულ სიტუაციებში ამოქმედებაა იმის ნიშანი, რომ ხედვა მართლა შეიძლება შეიცვალოს, საზოგადოება კი, რომელიც დამსჯელობით მეთოდებს ახალი მიდგომებით ჩაანაცვლებს, განვითარების სულ სხვა, გაცილებით უფრო ჰუმანურ ეტაპზე გადავიდეს", ნათქვამია ორგანიზაციის ვებგვერდზე. სრულად... წყარო: phrgeorgia.wordpress.com

გურია. 20 ოქტომბერს, ახალგაზრდა პედაგოგთა კავშირის ოფისში გურიის მოსწავლეთა ახალგაზრდული პარლამენტის პირველი შეხვედრა გაიმართა. „შეხვედრის პირველი ნაწილი დაეთმო პარლამენტის კონცეფციისა და სტრუქტურის გაცნობას. მეორე სესიაზე პარლამენტის წევრებმა მოისმინეს სემინარი ბავშვის მონაწილეობის უფლების შესახებ და განიხილეს მოსწავლეთა თვითმართველობა, როგორც სასკოლო პროცესებში მონაწილეობის და ჩართულობის საშუალება", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. გაეროს ბავშვთა ფონდის სოციალური ნორმების ცვლილებისაკენ მიმართული საკომუნიკაციო კამპანიის, დაასრულე ძალადობა • End Violence-ის ფარგლებში მომზადებულ ბროშურას ავრცელებს. „სანამ ძალადობის შესახებ ვისაუბრებდეთ, უნდა დაიმახსოვრო მთავარი - ბავშვს აქვს უფლება დაცული იყოს ძალადობისაგან. ეს უპირობო ჭეშმარიტებაა, რომელზეც მსოფლიო დიდი ხანია შეთანხმდა. როდესაც ერთი ადამიანი თავის ძალას თუ მდგომარეობას სხვის საზიანოდ იყენებს - ეს ძალადობაა. ყოველგვარი მოქმედება, რომელიც აზიანებს სხვას - ძალადობაა! ძალადობამ შეიძლება ძალიან ცუდი შედეგი გამოიღოს - დააზიანოს ადამიანი ფიზიკურად (გამოიწვიოს სხეულის გარეგანი დასახიჩრება, შინაგანი ორგანოების დაზიანება...) ან ფსიქიკურად..." სრულად... წყარო: ორგანიზაციის ვებგვერდი სოციალურ ქსელში

აჭარა. 150-ზე მეტმა ახალგაზრდამ მონაწილეობა მიიღო ახალგაზრდულ ფორუმში, რომელიც 2018 წლის 14 ოქტომბერს ბათუმში გაიმართა. ფორუმის მონაწილეებმა სოფლის განვითარებაში ახალგაზრდა მოქალაქეების როლზე იმსჯელეს. ღონისძიების მიზანი იყო ახალგაზრდებში ლიდერობის უნარების განვითარება, გადაწყვეტილების მიღების პროცესში მათი ჩართვა და ადგილობრივ თვითმმართველობასთან ეფექტიანი თანამშრომლობის ხელშეწყობა. ფორუმის ფარგლებში შეიქმნა კარგი სადისკუსიო სივრცე სოფლის განვითარების ყველაზე მწვავე საკითხებისა და მათი გადაჭრის გზების განსახილველად. ახალგაზრდებმა საკუთარი დამოკიდებულება გამოხატეს არსებული გამოწვევების მიმართ და ერთად განიხილეს დადებითი ცვლილებისათვის საჭირო ნაბიჯები. სრულად  წყარო: http://enpard.ge