თბილისი. ინფორმაციის თავისუფლების განვითარების ინსტიტუტმა ბლოგპოსტი - „მიუსაფართა თავშესაფრების დაფინანსების საკითხი" - გამოაქვეყნა. „ჩვენ გადავწყვიტეთ შეგვედარებინა საკრებულოს მიერ ერთი წლის მანძილზე პრემიებსა და ავტომანქანების შეძენაზე დახარჯული თანხები საზოგადოებისთვის მნიშვნელოვანი თუ აქტუალური საკითხების მოგვარებისთვის ხელისუფლების მიერ გაწეულ ხარჯებთან. ამ მიზნით ინსტიტუტმა გამოითხოვა ინფორმაცია 2013-2014 წლის ზამთრის ერთ-ერთი ყველაზე საჭირბოროტო საკითხის – მიუსაფარი პირებისთვის დროებითი თავშესაფრის მოსაწყობად თბილისის მასშტაბით გაწეული ხარჯების შესახებ", ნათქვამია ბლოგპოსტში.  სრულად წყარო:opendatablog.wordpress.com

თბილისი. არასამთავრობო ორგანიზაცია „ახალგაზრდა ადვოკატებმა"  შრომის კოდექსში შესული ცვლილებების შემდგომ ქართულ კომპანიებში მათი იმპლემენტაციის მონიტორინგის შედეგები წარმოადგინეს.  ორგანიზაციამ განახორციელა ქართული კომპანიების მონიტორინგი, რათა „განხორციელებული ცვლილებების გათვალისწინებით, საჯარო გამხდარიყო დამსაქმებლისა და დასაქმებულის უფლებრივი მდგომარეობა, პრობლემების იდენტიფიცირება და არსებული ხარვეზების საკანონმდებლო დონეზე წარდგენა და ლობირება".  სრულად წყარო:ორგანიზაციის გვერდი სოციალურ ქსელში

თბილისი. „საერთაშორისო გამჭვირვალობა საქართველომ" ბლოგპოსტი - „როგორია კორუფციის დონე საქართველოში" -  გამოაქვეყნა, რომლის ავტორია ერეკლე ურუშაძე. „ქვეყანაში კორუფციის კუთხით არსებული მდგომარეობის შეფასებისას მნიშვნელოვანია, იმ კონკრეტულ სფეროებზეა ფოკუსირებული კვლევები, სადაც კორუფციის რისკი, როგორც წესი, შედარებით მაღალია. „საერთაშორისო გამჭვირვალობა - საქათველოს" მიერ ბოლო პერიოდში გამოქვეყნებული ანგარიშები სახელმწიფო შესყიდვების, აგრეთვე პოლიტიკსა და ბიზნესის კავშირების შესახებ, საფუძველს გვაძლევს ვიფიქროთ, რომ საქართველოს საჯარო სექტორის ცალკეულ სეგმენტებში კვლავაც კორუფციის სერიოზული შესაძლებლობები არსებობს, რაც, თავის მხრივ, შემდგომი ანტიკორუფციული რეფორმების აუცილებლობაზე მიუთითებს", ნათქვამია ბლოგპოსტში. სრულად წყარო: transparency.ge

თბილისი. „ახალგაზრდა ადვოკატებმა" ხუდონჰესის პროექტთან დაკავშირებით განცხადება გაავრცელა. ორგანიზაციის შეფასებით, საზოგადოება ნაკლებადაა ინფორმირებული რამდენად მიზანშეწონილია მესტიის მუნიციპალიტეტში ხუდონჰესის პროექტის განხორციელება, „ახალგაზრდა ადვოკატების" სამართლის ჯგუფი გამოთქვამს მზადყოფნას, შეისწავლოს პროექტის რამდენიმე მნიშვნელოვანი საკითხი. ორგანზიაცია საკითხზე: „ხუდონჰესის პროექტის სამართლებრივი ანალიზი" კვლევის შედეგებს 2014 წლის აპრილში გამოაქვეყნებს. კვლევის პროცესი სამი თვის განმავლობაში გაგრძელდება და საზოგადოებას მიეწოდება ინფორმაცია პროექტის სამართლებრივი დასაბუთებისა და მიდგომების შესახებ. სრულად წყარო: www.barristers.ge

გურია. საქართველოს დემოკრატიული განვითარების კავშირიმა და გურიის მედიატორთა ასოციაციამ 2013 წლის ნოემბერ-დეკემბრში ჩაატარა ქალაქ ოზურგეთის მოსახლეობის გამოკითხვა. იგი მიზნად ისახავდა ქ. ოზურგეთში წყლის მიმწოდებელი ორგანიზაციის - შპს „საქართველოს გაერთიანებული წყალმომარაგების კომპანიის" საქმიანობის შესწავლას, მისი მომსახურებით ქ. ოზურგეთის წყლის მომხმარებელთა კმაყოფილების დონის შეფასებასა და აღნიშნული კომპანიის მიერ ნაკისრი ვალდებულებების შესრულების შედარებას ფაქტობრივად არსებულ სიტუაციასთან. კვლევის მიმოხილვა

თბილისი. ინფორმაციის თავისუფლების განვითარების ინსტიტუტმა ბლოგპოსტი - „საქართველოს პარლამენტის ხარჯები – 2013" - გამოაქვეყნა. „2013 წლის 20 დეკემბერს IDFI-იმ საქართველოს პარლამენტს მიმართა 2013 წელს გაწეული ხარჯების შესახებ სხვადასხვა შინაარსის საჯარო ინფორმაციის მოთხოვნით. ინსტიტუტმა ყველა მოთხოვნაზე მეტ-ნაკლებად სრულყოფილი პასუხი მიიღო”, ნათქვამია ორგანიზაციის ვებგვერდზე. მიღებულ დოკუმენტაციაზე დაყრდნობით  ინსტიტუტმა მცირე ანალიზი გამოაქვეყნა. სრულად წყარო: opendatablog.wordpress.com

თბილისი. ბოლო თვეების განმავლობაში საერთაშორისო გამჭვირვალობა – საქართველო აქტიურად მუშაობს SMS რეკლამის ირგვლივ. „ეს არის გამოწვევა, რომელიც არღვევს ადამიანების პირადი ცხოვრების ხელშეუხებლობის უფლებას, მაშინ როცა კერძო კომპანიები სარგებლობენ იმ ვითარებით, რომ ამ მომენტისათვის კანონის დარღვევის გამო მათ პასუხს იოლად ვერავინ აგებინებს", ნათქვამია ორგანიზაციის ვებგვერდზე.. 15 იანვარს ორგანიზაციამ გამოაქვეყნა ამ საკითხზე ჩატარებული გამოკითხვის შედეგები, რომლის მიხედვითაც საქართველოში ყოველი სამიდან ორი ადამიანი იღებს SMS სპამს. სრულად წყარო: transparency.ge

თბილისი. საერთაშორისო გამჭვირვალობამ ბლოგპოსტი - „კომუნიკაციების ეროვნული კომისიის წევრობის კანდიდატების საქმიანობის მიმოხილვა: ინტერესთა კონფლიქტის რისკი არ გამოიკვეთება" - გამოაქვეყნა. „კომისიის წევრების ინტერესთა კონფლიქტი წლების მანძილზე აყენებდა ზიანს მარეგულირებელი ორგანოს დამოუკიდებლობას. სწორედ ინტერესთა კონფლიქტის რისკების გამოვლენის მიზნით, „საერთაშორისო გამჭვირვალობა - საქართველომ” კვლავ გამოიკვლია კანდიდატების წარსული საქმიანობა. საჯარო წყაროების გამოყენებით ჩვენ შევეცადეთ დაგვედგინა ქმნის თუ არა კანდიდატების საქმიანობა კერძო სექტორში ინტერესთა კონფლიქტის რისკს მათი კომისიის წევრად არჩევის შემთხვევაში", ნათქვამია ბლოგპოსტში. სრულად წყარო: transparency.ge

თბილისი. ინფორმაციის თავისუფლების განვითარების ინსტიტუტმა ბლოგპოსტი - „საჯარო ინფორმაციის პროაქტიული გამოქვეყნების გაჭიანურებული პროცესი (ნაწილი 2)" - გამოაქვეყნა.  სრულად წყარო: opendatablog.wordpress.com

თბილისი. ინფორმაციის თავისუფლების განვითარების ინსტიტუტმა ბლოგპოსტი - „ინფორმაციის პროაქტიული გამოქვეყნების გაჭიანურებული პროცესი" - გამოაქვეყნა. ორგანიზაციის ვებ-გვერდზე საუბარია ,,საჯარო ინფორმაციის ელექტრონული ფორმით მოთხოვნისა და პროაქტიულად გამოქვეყნების შესახებ " დადგენილებაზე.  „აღნიშნული დადგენილება ვრცელდება საქართველოს მთავრობის კანცელარიაზე, სამინისტროებზე, სახელმწიფო მინისტრის აპარატებზე, საჯარო სამართლის იურიდიულ პირებსა და საქვეუწყებო დაწესებულებებზე.  ჩვენს მიერ შესწავლილი იქნა ზემოთ ჩამოთვლილი დაწესებულებების ოფიციალური ვებ-გვერდები, საიდანაც გამოჩნდა, რომ ხსენებული დადგენილებით დაკისრებული ვალდებულება მთელი რიგი დაწესებულებების მიერ კვლავ  არ არის  შესრულებული", ნათქვამია ბლოგპოსტში. სრულად წყარო:opendatablog.wordpress.com

თბილისი. ინფორმაციის თავისუფლების განვითარების ინსტიტუტმა გამოაქვეყნა პუბლიკაცია: „ხარვეზები ქონებრივი დეკლარაციების წარდენის წესში". „...დეკემბრის თვის მიწურულს (24 დეკემბრიდან - 31 დეკემბრამდე) შევსებული დეკლარაცია მომავალ წლებში თანამდებობის პირს საშუალებას აძლევს არ გაამჟღავნოს რომელიმე ერთი კონკრეტული წლის შემოსავლები... ჩვენ ვფიქრობთ, რომ აუცილებელია, განხორციელდეს შესაბამისი ცვლილებები საჯარო სამსახურში ინტერესთა შეუთავსებლობისა და კორუფციის შესახებ საქართველოს კანონში რათა, დროის ნებისმიერ მონაკვეთში დეკლარაციის შევსებამ კონკრეტულ თანამდებობის პირს არ მისცეს საშუალება საკუთარი შემოსავლები დაფარული გახადოს საზოგადოებისთვის", ნათქვამია პუბლიკაციაში. სრულად წყარო: idfi.ge

თბილისი. 30 დეკემბერს 13:00 საათზე თბილისში სასტუმრო ძველი თბილისის საკონფერენციო დარბაზში (მისამართი: ქეთევან წამებულის 27), კავკასიის ეკონომიკური და სოციალური კვლევითი ინსტიტუტის (CIESR) ორგანიზებით გაიმართება შეხვედრა არასამთავრობო და მედია ორგანიზაციების წარმომადგენლებთან. შეხვედრის მიზანია, თვითმმართველ ქალაქებში - ბათუმში, ქუთაისსა და ფოთში -თვითმმართველობის საქმიანობის მონიტორინგის შედეგების გაცნობა არასამთავრობო და მედია ორგანიზაციებისათვის. ასევე დაგეგმილია პროექტის ფარგლებში გამოცემული პუბლიკაციის პრეზენტაცია - „სამოქალაქო მონიტორინგი თვითმმართველ ქალაქებში." 2013 წლის თებერვლიდან კავკასიის ეკონომიკური და სოციალური კვლევითი ინსტიტუტი ახორციელებს პროექტს: „საზოგადოებრივი მონიტორინგი თვითმმართველობის გამჭვირვალობისთვის". პროექტი ითვალისწინებს დასავლეთ საქართველოს თვითმმართველ ქალაქებში (ბათუმი, ფოთი და ქუთაისი) არსებული არასამთავრობო და მედია ორგანიზაციებისათვის მონიტორინგის გამოცდილების გაზიარებას და ამ გზით რეგიონებში თვითმმართველობის საქმიანობის მონიტორინგის ეფექტიანობის ხელშეწყობას. პროექტის ხანგრძლივობა შეადგენს 9 თვეს. პროექტი ხორციელდება დემოკრატიის მხარდაჭერის ეროვნული ფონდი (NED) ფინანსური მხარდაჭერით.

თბილისი. ინფორმაციის თავისუფლების განვითარების ინსტიტუტმა საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროზე ინფორმაცია გაავრცელა. „სამინისტროს Facebook გვერდი მოწონებული აქვს 7774 მომხმარებელს და საუბრობს 612 მომხმარებელი. 16-22 დეკემბრის მანძილზე აიტვირთა 5 ფოტო ალბომი, რომლებიც გაზიარებულ იქნა 3-ჯერ, დაიწერა 19 კომენტარი, ხოლო მოიწონა 165-მა მომხმარებელმა. ალბომებს აქვს ძალიან მოკლე აღწერა და მიმაგრებული აქვს ბმული, რომელიც სამინისტროს ოფიციალურ გვერდზე განთავსებულ, აღნიშნულ ფაქტის ამსახველ სიახლეზე გადადის", ნათქვამია ორგანიზაციის ვებ-გვერდზე. სრულად წყარო: eparticipationge.wordpress.com

თბილისი. ინფორმაციის თავისუფლების განვითარების ინსტიტუტმა -  „დაკარგული" მილიონის ისტორია (ერთი წლის შემდეგ)" - გამოაქვეყნა.  2013 წლის თებერვალში ორგანიზაციამ მოითხოვა ინფორმაცია განათლებისა და მეცნიერების სფეროში სახელმწიფო პოლიტიკის შემუშავებაზე სახელმწიფო ბიუჯეტიდან „სხვა ხარჯებისათვის" გამოყოფილი 1 000 000 (ერთი მილიონი) ლარის ხარჯთაღრიცხვის შესახებ. ერთი წლის შემდგომ, 2013 წლის ნოემბერში, ინსტიტუტი განმეორებით დაინტერესდა ერთი მილიონი ლარის განკარგვით და მიმართა სამინისტროს საჯარო ინფორმაციის მოთხოვნით ა(ა)იპ სამოქალაქო ინსტიტუციონალიზმის განვითარების ფონდის მიერ სამინისტროსთვის წარდგენილი ფინანსური ანგარიშის, საქმიანობის ანგარიშისა და სამინისტროს ბალანსზე რიცხული დებიტორული დავალიანების არსებობის თაობაზე. სრულად წყარო: opendatablog.wordpress.com

თბილისი. საერთაშორისო გამჭვირვალობა - საქართველომ ბლოგპოსტი - „რატომ გაჭიანურდა თბილისის მერიის ავტობუსების ტენდერი" - გამოაქვეყნა. ბლოგპოსტში საუბარია ტენდერში მონაწილე კომპანიებზე.  სრულად წყარო: transparency.ge

თბილისი. „საერთაშორისო გამჭვირვალობა – საქართველო" აქვეყნებს ანგარიშს, რომელიც ეხება 2012 წლის საპარლამენტო არჩევნების შემდეგ აჭარის რეგიონში გამარჯვებული მაჟორიტარი დეპუტატების ბიუროების საქმიანობას და მათი მუშაობის ეფექტურობის ანალიზს. 2013 წლის 1 ოქტომბერს ბათუმის, ხულოს, ხელვაჩაურის, ქობულეთის, ქედისა და შუახევის მაჟორიტარი დეპუტატების ბიუროებს გაეგზავნათ წერილები, სადაც მოთხოვნილი იყო თითოეული მაჟორიტარის ან მისი ბიუროს მიერ მოქალაქეებთან გამართული საჯარო შეხვედრების შესახებ ინფორმაცია და ამ შეხვედრების შედეგად გამოვლენილი საჭიროებების საფუძველზე, მაჟორიტარი დეპუტატების მიერ პარლამენტში ან მთავრობაში ინიცირებული პროექტების ჩამონათვალი. ასევე დავინტერესდით, თუ რამდენი ადამიანია დასაქმებული ბიუროებში და რამდენია მათი სახელფასო ფონდი. სრულად წყარო: transparency.ge

თბილისი. საქართველოს ახალგაზრდა იურისტთა ასოციაციამ 20 დეკემბერს წინასაარჩევნო გარემოს, არჩევნების დღისა და არჩევნების შემდგომი პერიოდის მონიტორინგის ანგარიში წარადგინა. ანგარიში მოიცავს 2013 წლის 4 ივლისიდან 12 ნოემბრის ჩათვლით განხორციელებული მონიტორინგის შედეგებს. ანგარიშში ასახულია, როგორც წინასაარჩევნო კამპანიის პერიოდში, ასევე არჩევნების დღესა და შედეგების შეჯამებისას გამოვლენილი დარღვევები; წარმოდგენილია ის ძირითადი ტენდენციები, რომლებიც თან ახლდა 2013 წლის 27 ოქტომბრის საპრეზიდენტო არჩევნებს. ანგარიშში ასევე მოცემულია კონკრეტული რეკომენდაციები. სრულად წყარო: gyla.ge

თბილისი. მედიის განვითარების ფონდმა „ფრონტლაინ ჯორჯიაში" ანგაროშის - „„სიძულვილის ენა და დისკრიმინაცია ქართულ მედიაში" - პრეზენტაცია გამართა. პროექტი მომზადდა „ეროვნული ინტეგრაციის გაძლიერება საქართველოში" პროექტის მცირე გრანტების მექანიზმის ფარგლებში, რომელსაც ახორციელებენ საქართველოს გაეროს ასოციაცია და ფონდი „ღია საზოგადოება საქართველო" აშშ-ის საერთაშორისო განვითარების სააგენტოს (USAID) ფინანსური მხარდაჭერით. ანგარიში წყარო: „ფრონტლაინ ჯორჯიას" გვერდი სოციალურ ქსელში

თბილისი. „საერთაშორისო გამჭვირვალობა - საქართველო" აქვეყნებს ანგარიშს, რომელიც 2012 წლის საპარლამენტო არჩევნების შემდეგ იმერეთის რეგიონში გამარჯვებული მაჟორიტარი დეპუტატების ბიუროების საქმიანობის შედეგებს და მათი მუშაობის ეფექტურიბის ანალიზს მოიცავს. 2013 წლის 30 სექტემბერს ქუთაისის, საჩხერის, ჭიათურის, ხარაგაულის, ზესტაფონის, თერჯოლის, ტყიბულის, ბაღდათის, ვანის, სამტრედიის, ხონისა და წყალტუბოს მაჟორიტარი დეპუტატების ბიუროებს გაეგზავნათ წერილები, სადაც მოთხოვნილი იყო ინფორმაცია მაჟორიტარის ან მისი ბიუროს მიერ მოქალაქეებთან გამართული საჯარო შეხვედრების და ამ შეხვედრების შედეგად გამოვლენილი საჭიროებების საფუძველზე, მაჟორიტარი დეპუტატების მიერ პარლამენტში ან მთავრობაში ინიცირებული პროექტების შესახებ. ასევე ორგანიზაცია დაინტერესდა, თუ რამდენი ადამიანია დასაქმებული თითოეულ ბიუროში და რა თანხით განისაზღვრება მათი სახელფასო ფონდი. სრულად წყარო: transparency.ge

თბილისი. „საერთაშორისო გამჭვირვალობა - საქართველომ" მარნეულის მუნიციპალიტეტის მიერ გამოცხადებული ტენდრების შესახებ განცხადება გაავრცელა. ორგანიზაციამ „ცოტა ხნის წინ გაასაჩივრა (და შესაბამისად გააჩერა) მარნეულის მუნიციპალიტეტის მიერ გამოცხადებული 4 ტენდერი, რომელთა მეშვეობით მუნიციპალიტეტი 270,000 ლარი მთლიანი ღირებულების 5 ავტომობილის შეძენას გეგმავდა. ...გვინდა აღვნიშნოთ, რომ ავტომობილების შესყიდვის დროს მათი მეტისმეტად დეტალური აღწერა პროცედურულ დარღვევას წარმოადგენს, რის შედეგადაც ხშირად მხოლოდ ერთ კომპანიას ეძლევა საშუალება მონაწილეობა მიიღოს ტენდერში, ეს კი მნიშვნელოვნად ზღუდავს კონკურენციას და ზრდის შესყიდვის ობიექტის ღირებულებას სახელმწიფოსთვის", ნათქვამია ორგანიზაციის გვერდზე სოციალურ ქსელში. აღნიშნული ტენდერების შესახებ დეტალური ინფორმაცია შეგიძლიათ იხილოთ „საერთაშორისო გამჭვირვალობა - საქართველოს" ტენდერების მონიტორინგის ონლაინ ვებ-პლატფორმაზე. დეტალური ინფორმაცია ტენდერების შესახებ წყარო:ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი აქვეყნებს თბილისის საკრებულოდან გამოთხოვილ საჯარო ინფორმაციას ხარჯების შესახებ. კერძოდ შეგიძლიათ გაეცნოთ პრემიებისა და სახელფასო დანამატების, თანამდებობრივი სარგოების შესახებ ინფორმაციას. ორგანიზაციამ საკრებულოს 14 ნოემბერს მიმართა სხვადასხვა შინაარსის საჯარო ინფორმაციის მოთხოვნით. სრულად წყარო: opendatablog.wordpress.com

თბილისი. საქართველოს ახალგაზრდა იურისტთა ასოციაციამ 19 დეკემბერს კვლევის - „საჯარო ინფორმაციის პროაქტიული გამოქვეყნება" – პრეზენტაცია გამართა. მასში წარმოდგენილია ინფორმაცია, როგორც საქართველოში არსებულ ტენდენციების, ისე საერთაშორისო გამოცდილების შესახებ. კვლევაში ინდივიდუალურად არის განხილული საქართველოს მთავრობის კანცელარიის, საქართველოს ყველა სამინისტროს, სახელმწიფოს მინისტრის აპარატებისა და შემთხვევითობის პრინციპზე დაყრდნობით შერჩეული, მათ დაქვემდებარებაში მყოფი, 18 საჯარო სამართლის იურიდიული პირის მიერ, 2013 წლის 1 სექტემბრიდან 2013 წლის 10 დეკემბრამდე, საჯარო ინფორმაციის პროაქტიული გამოქვეყნების, ელექტრონული ფორმით მოთხოვნისა და გაცემის უზრუნველყოფის მიზნით გატარებული ღონისძიებები. ასევე, ასახულია, ამ მიმართულებით მონიტორინგს დაქვემდებარებულ საჯარო დაწესებულებათა ვებ-რესურსზე არსებული მდგომარეობა და საერთაშორისო პრაქტიკის მაგალითები. საია-ს მიერ ჩატარებული კვლევის შედეგად ცნობილი გახდა, რომ: „შესწავლილ საჯარო დაწესებულებათაგან, ამ ეტაპზე, არც ერთს არ განუთავსებია პროაქტიულად გამოსაქვეყნებელი საჯარო ინფორმაცია სრულყოფილად, რის გამოც შესაძლოა ვივარაუდოთ, რომ 2014 წლის 1 იანვრისთვის საჯარო დაწესებულებებმა სათანადოდ ვერ უზრუნველყონ დაკისრებული ვალდებულების შესრულება..." სრულად წყარო:gyla.ge