გურია. საქართველოს დემოკრატიული კავშირის წევრები განაგრძობენ მონიტორინგს. 4 სექტემბერს ისინი დაბა ურეკს ეწვივნენ ადგილობრივი მაჟორიტარი დეპუტატის საქმიანობის მონიტორინგის მიზნით. კერძოდ, ხვდებოდა თუ არა ურეკის მაჟორიტარი დეპუტატი მოსახლეობას ყოველთვიურად.  როგორც ორგანიზაციამ გაარკვია სექტემბერში შეხვედრა ჩატარდა. ამას გარდა, ორგანიზაციის წევრებმა დაათვალიერეს სოფლის პროგრამის ფარგლებში გათვალისწინებული პროექტები. 

თბილისი. პროექტის – „პროფესიონალური მედია არჩევნებისთვის" – ფარგლებში შეიქმნა ვებგვერდი www.mediamonitor.ge, სადაც თავმოყერილია წინასაარჩევნო მედია მონიტორინგის უახლესი შუალედური ანგარიშები. პროექტი ხორციელდება ევროკავშირისა და გაეროს განვითარების პროგრამის ფინანსური მხარდაჭერით და მისი მთავარი მიზანია საპარლამენტო და საპრეზიდენტო არჩევნების პერიოდში პროფესიული, მიუკერძოებელი და დაბალანსებული მედია გაშუქების ხელშეწყობა მონიტორინგის გზით. პროექტის ფარგლებში ხორციელდება ქართული ტელე, რადიო, ბეჭდური და ონლაინ მედია საშუალებების რაოდენობრივი და თვისებრივი წინასაარჩევნო მონიტორინგი.  წინასაარჩევნო მედია მონიტორინგს 4 საზოგადოებრივი ორგანიზაცია ახორციელებს: კავკასიის კვლევითი რესურსების ცენტრი (CRRC), ინტერნიუსი-საქართველო, სამართლიანი არჩევენებისა და დემოკრატიის საერთაშორისო საზოგადოება (ISFED), სამოქალაქო განვითარების ინსტიტუტი.  წყარო: www.mediamonitor.ge 

თბილისი. ადამიანის უფლებათა ცენტრმა მოამზადა 2012 წლის საპარლამენტო არჩევნების წინასაარჩევნო პერიოდის კვლევის შუალედური ანგარიში. მონიტორინგი 1 ივლისიდან დაიწყო, თუმცა ანგარიშის ავტორები მიუთითებენ, რომ კვლევაში ასახულია ის მოვლენებიც, რომლებსაც ადგილი ჰქონდა 2012 წლის ივლისამდე და მნიშვნელობიდან გამომდინარე,  დღესაც ახდენს ან უკვე მოახდინა ზეგავლენა საარჩევნო პროცესის ამა თუ იმ ეტაპზე. ანგარიში წყარო: humanrights.ge

თბილისი. 3 სექტემბერს ეროვნულ–დემოკრატიულმა ინსტიტუტმა (NDI) გრძელვადიანი სადამკვირვებლო მისიის წინასწარი შეფასებები წარადგინა. ანგარიში 3-27 აგვისტოს პერიოდს მოიცავს. მისიის წევრებმა 24 ოლქი მოინახულეს და ჩაატარეს 120–ზე მეტი შეხვედრა მთავრობისა და საარჩევნო ადმინისტრაციის თანამდებობის პირებთან, პოლიტიკური პარტიებისა თუ სამოქალაქო საზოგადოებისა და მედიის წარმომადგენლებთან. არჩევნების დღის მიმდინარეობას NDI დაახლოებით 20 მოკლევადიანი დამკვირვებლის მეშვეობით დააკვირდება ეროვნულ–დემოკრატიული ინსიტუტის (NDI). გრძელვადიანი საარჩევნო სადამკვირვებლო მისიის შუალედური ანგარიში  (3–27 აგვისტო, 2012) წყარო: civil.ge

თბილისი. „სამართლიანი არჩევნებისა და დემოკრატიის საერთაშორისო საზოგადოება"  წინასაარჩევნო გარემოს მონიტორინგის მეხუთე შუალედურ ანგარიშს აქვეყნებს. ანგარიში მოიცავს შემდეგ პერიოდს – 2012 წლის 1 აგვისტოდან 26 აგვისტოს ჩათვლით. ამ დროის განმავლობაში „სამართლიანი არჩევნები" წინასაარჩევნო პერიოდის მონიტორინგს რამდენიმე მიმართულებით ახორციელებდა, კერძოდ, მონიტორინგს უწევდა: საქართველოში მოქმედ საარჩევნო 73 ადმინისტრაციის საქმიანობას; პოლიტიკური პარტიების/საარჩევნო სუბიექტების მიერ გამართულ საჯარო შეხვედრებსა და სხვა პოლიტიკურ აქტივობებს; ადმინისტრაციული რესურსის არამიზნობრივად გამოყენების ფაქტებს; პოლიტიკური ნიშნით ზეწოლა/მუქარის, პოლიტიკური საქმიანობისათვის ხელის შეშლისა და ამომრჩევლის მოსყიდვის შემთხვევებს. ორგანიზაცია აგრძელებს წინასაარჩევნო გარემოს მონიტორინგს და მომდევნო ანგარიშს სექტემბრის მეორე ნახევარში წარადგენს. წინასაარჩევნო გარემოს მონიტორინგის მეხუთე შუალედური ანგარიში წყარო: isfed.ge

თბილისი. „ინფორმაციის თავისუფლების განვითარების ინსტიტუტი" 2012 წლის 1 ივლისიდან ქართული ტელემედიის სოციალური ქსელების მონიტორინგს  ახორცილებს. მონიტორინგის ფარგლებში „რუსთვი2"–ის, „იმედის", „მეცხრე არხის", „მაესტროს", „საზოგადოებრივი მაუწყებლის" ოფიციალურ Facebook გვერდებზე გამოქვეყნებული ინფორმაციის ანალიზი ხორციელდება.  სრულად წყარო: eparticipationge.wordpress.com

თბილისი. „საერთაშორისო გამჭვირვალობა – საქართველო" ახალ ანგარიშს აქვეყნებს. ანგარიში პოლიტიკური პარტიების დაფინანსების გამჭვირვალობას და მათი ანგარიშვალდებულების საკითხებს ეხება. კვლევაში გაანალიზებულია 2011 წლის 13 პოლიტიკური გაერთიანების შემოსავლები და ხარჯები, რომლებიც შემდეგ შედარებულია 2007-2010 წლების მონაცემებთან. კვლევაში ძირითადი ტენდენციების და მიგნებების გარდა, ასევე წარმოდგენილია რეკომენდაციები არსებული პრობლემების გადასაჭრელად.  კვლევა   წყარო: transparency.ge

თბილისი. „მედიის განვითარების ფონდმა” წარმოადგინა მონიტორინგის შედეგები შემდეგ თემაზე: „განათლების საკითხების გაშუქება ქართულ მედიაში”. მონიტორინგი ჩატარდა პროექტის – „მედია მონიტორინგი – პასუხისმგებელი და ანგარიშვალდებული მედიის განვითარებისთვის" – ფარგლებში. პროექტის მხარდამჭერია ფონდი „ღია საზოგადოება – საქართველო". მოცემული ნაშრომი წარმოადგენს 2012 წლის 15 მაისიდან 15 ივნისამდე პერიოდში განათლების თემაზე გამოქვეყნებული სტატიებისა და ტელეეთერით გადაცემული სიუჟეტების ანალიზს. ანგარიში   წყარო: media.ge

თბილისი. ინტერნიუს - საქართველომ  გამოაქვეყნა  რეგიონალური ტელევიზიების ახალი ამბების წინასაარჩევნო მონიტორინგის მორიგი  ანგარიში, რომელიც  მოიცავს 2012 წლის 30 ივლისი-12  აგვისტოს პერიოდს.   მონიტორინგი ტარდება  საარჩევნო სისტემების საერთაშორისო ფონდის (IFES) ოთხწლიანი პროექტის „ნდობის გაზრდა საარჩევნო პროცესებისადმი" (ITEP) ფარგლებში, რომელსაც საერთაშორისო განვითარების სააგენტო (USAID) აფინანსებს. ინტერნიუსის კვლევის ობიექტს წარმოადგენს  20 რეგიონული ტელეკომპანია. ანგარიში წყარო: Media.Ge

გურია. 14 აგვისტოს საქართველოს დემოკრატიული კავშირის წარმომადგენლები ოზურგეთის მუნიციპალიტეტის მაკვანეთის თემს ეწვივნენ, რომლის  მიზანიც იყო სოფლის განვითარების პროგრამით გათვალისწინებული სამუშაობის მონიტორინგი. როგორც მონიტორინგმა აჩვენა დაგეგმილი საქმიანობების ნაწილი შესრულებულია. კერძოდ, შემოიღობა კულტურის სახლი, გარემონტდა საბავშვო სახლი, ზემო მაკვანეთის გზა მოპირკეთდა. დაგეგმილი სამუშაოების ნაწილის შესრულება მომავალ ერთ თვეში იგეგმება. მონიტორიგის ერთ–ერთ საგანს საკრებულოში სოფლის დეპუტატის მიერ ამომრჩევლებთან, კანონით გათვალისწინებული ნორმების ფარგლებში, შეხვედრები წარმოადგენს.

თბილისი. 13 აგვისტოს  სასტუმრო „შერატონ მეტეხი პალასში" ადამიანის უფლებათა ცენტრმა  „საპარლამენტო არჩევნების გაშუქების მედიამონიტორინგის" შედეგები წარუდგინა საზოგადოებას.  ადამიანის უფლებათა ცენტრი მედიამონიტორინგს ახორციელებს ამერიკის საერთაშორისო განვითარების სააგენტოს  (USAID) დაფინანსებული ოთხწლიანი პროექტის - „ნდობის გაზრდა საარჩევნო პროცესებისადმი"  ფარგლებში, რომელსაც ახორციელებს საარჩევნო სისტემების საერთაშორისო ფონდი (IFES). პროექტის ფარგლებში, ადამიანის უფლებათა ცენტრის მონიტორები აკვირდებიან შემდეგ ტელეარხებზე გასულ სოციალურ და ფასიან პოლიტიკურ რეკლამებს: საზოგადოებრივი მაუწყებელი, „იმედი", „რუსთავი 2", „კავკასია", „მაესტრო" და „მე-9 არხი". მედიამონიტორინგის მიზანია, მედიის მიერ წინასაარჩევნო პერიოდში სოციალური და პოლიტიკური რეკლამების გაშუქების ტენდენციების შესწავლა, ფარული პოლიტიკური რეკლამების გამოვლენა და საარჩევნო გარემოს გაუმჯობესების მიზნით რეკომენდაციების შემუშავება. ანგარიში – 18 ივნისი -29 ივლისი წყარო: humanrights.ge

თბილისი.10 აგვისტოს „საერთაშორისო გამჭვირვალობა საქართველომ" საქართველოს ტელემაუწყებლობის ანალიზი გამოაქვეყნა. იგი წინასაარჩევნო პერიოდში მედია სივრცეში მიმდინარე მოვლენებს ეხება. კვლევა წყარო: transparency.ge

შიდა ქართლი. 7 აგვისტოს, გორის დემოკრატიული განვითარების ცენტრში სამოქალაქო განვითარების სააგენტოს (CIDA) ორგანიზებით გაიმართა საინფორმაციო შეხვედრა. შეხვედრაში მონაწილეობდნენ ადგილობრივი საზოგადოებრივი ორგანიზაციები და CIDA-ს მიერ მოწვეული სტუმრები: ახალგაზრდა იურისტთა ასოციაციის, სამართლიანი არჩევნების და საერთაშორისო გამჭვირვალობა-საქართველოს წარმომადგენლები. განხილულ იქნა ორი საკითხი: საერთაშორისო გამჭვირვალობა-საქართველომ წარმოადგინა კვლევის შედეგები, რომლებიც ეხებოდა ცენტრალური ბიუჯეტის სახსრების განკარგვას არჩევნების წელს. ასევე შედეგები შედარდა არასაარჩევნო წლების ბიუჯეტების პრიორიტეტებთან და გაწეულ ხარჯებთან; მეორე საკითხი შეეხებოდა ახალგაზრდა იურისტთა ასოციაციის, სამართლიანი არჩევნების და საერთაშორისო გამჭვირვალობა-საქართველოს მიერ შექმნილ პორტალს www.electionportal.ge. პორტალი ასახავს როგორც წინასაარჩევნო პროცესებს, ასევე იმუშავებს კენჭისყრის დღესა და მის შემდგომაცც. ნებისმიერ მოქალაქეს აქვს საშუალება მიაწოდოს მის მიერ დანახული დარღვევა ან არჩევნებთან დაკავშირებული სხვა რაიმე ინფორმაცია, ფოტოსურათები და ა.შ. პორტალის ადმინისტრაციას. მიღებული ინფორმაციის შედეგად პორტალზე შედგენილია დარღვევების რუქა, რომელიც მუდმივად განიცდის ცვლილებას და განახლებას. პორტალის პრეზენტაციის შემდეგ გაიმართა დისკუსია.

თბილისი. „მედიის განვითარების ფონდმა" (MDF) მედია- მონიტორინგის შედეგები  გამოაქვეყნა თემაზე -„კონფლიქტების გაშუქება ქართულ მედიაში". დაკვირვება, რომლის მთავარი სამიზნე იყო საქართველოს სეპარატისტული რეგიონების ირგვლივ განვითარებული მოვლენები, ერთი თვის განმავლობაში მიმდინარეობდა და მოიცვა 2012 წლის გაზაფხული. დროის ეს მონაკვეთი საგანგებოდ შეირჩა, ვინაიდან ის ემთხვეოდა სეპარატისტულ სამხრეთ ოსეთში ე.წ. პრეზიდენტისა და აფხაზეთში დე ფაქტო საპარლამენტო არჩევნებს. მონიტორინგის ობიექტებად შეირჩა როგორც სატელევიზიო, ისევე ბეჭდვითი მედია საშუალებები. კერძოდ, გაანალიზდა ხუთი ტელეკომპანიის: საზოგადოებრივი მაუწყებლის პირველი არხის, „რუსთავი–2"–ის, „იმედის", „კავკასიისა" და „მაესტროს" დღის მთავარ საინფორმაციო გამოშვებებში გასული სიუჟეტები. ბეჭდვითი მედიიდან დაკვირვება განხორციელდა ყოველკვირეულ გამოცემებში: „კვირის პალიტრაში", „ასავალ–დასავალსა" და „ქრონიკში" დაბეჭდილ პუბლიკაციებზე. მონიტორინგის ფარგლებში აქცენტი გაკეთდა რაოდენობრივ და შინაარსობრივ კომპონენტებზე. სრულად წყარო: media.ge

თბილისი. „კონკურენციის პოლიტიკა საქართველოში" – ასე ჰქვია კვლევას, რომელიც „საერთაშორისო გამჭვირვალობა – საქართველომ" დღეს სასტუმრო „ქორთიარდ–მარიოტში" წარადგინა.  ანგარიშში განხილულია რას ნიშნავს კონკურენცია, რა განსხავება კონკურენციის პოლიტიკისა და ბაზრის რეგულირებას შორის, ასევე მიმოხილულია საქართველოში არსებული ზოგადი ფონი, „თავისუფალი ვაჭრობის და კონკურენციის შესახებ" სქართველოს კანონი და ეფექტური კონკურენციის პოლიტიკის დანერგვის კონკრეტული რეკომენდაციები, რომელიც ხელისუფლებისადმი არის მიმართული. კვლევა დაფინანსებულია აღმოსავლეთ–დასავლეთის მართვის ინსტიტუტის (EWMI) პროგრამის „საჯარო პოლიტიკის, ადვოკატირებისა და სამოქალაქო საზოგადოების განვითარება საქართველოში" (G-PAC) ფარგლებში. პროგრამის განხორციელება შესძლებელი გახდა ამერიკის შეერთებული შტატების საერთაშორისო განვითარების სააგენტოს (USAID) დაფინანსებით. კვლევა წყარო: transparency.ge

თბილისი.1 აგვისტოს საზოგადოებრივმა ორგანიზაციამ „ინტერნიუსი–საქართველომ" რადიოების მონიტორინგი გამოაქყვენა. მონიტორინგი მოიცავს 2012 წლი12 ივნისიდან 23 ივლისამდე პერიოდს. მკვლევარები 12 რადიო სადგურის საღამოს საინფორმაციო გამოშვებებს აკვირდებოდნენ: „რადიო1", „იმედი", „უცნობი", „პალიტრა", „აფხაზეთს ხმა", „ცხელი შოკოლადი", „ჰერეთი" (ლაგოდეხი), „ათინათი" (ზუგდიდი), „ძველი ქალაქი" (ქუთაისი), „მწვანე ტალღა", „ფორტუნა" და „რადიო თავისუფლება". აღნიშნული წინასაარჩევნო მედია მონიტორინგი ხორციელდება ევროკავშირისა და გაეროს განვითარების პროგრამის მხარდაჭერით. მონიტორინგი მიმდინარე წლის 11 მაისს დაიწყო და დეკემბრამდე გაგრძლედება. კვლევის ანგარიში  ყოველთვიურად ქვეყნდება.   წყარო: media.ge ანგარიში

სამეგრელო. „სამართლიანი არჩევნებისა და დემოკრატიის საერთაშორისო საზოგადოებამ" 31 ივლისს ხობში, პროექტის „აქტიური საზოგადოება–დემოკრატიის გარანტი" ფარგლებში 4 თვის განმავლობაში განხორციელებული საქმიანობის ანგარიში წარადგინა. პროექტის ფარგლებში ჩატარებული მონიტორინგის შედეგად, ხობის მუნიციპალიტეტში არსებული პრობლემებიდან პრიორიტეტულად იქნა მიჩნეული კოლხეთის დასახლებაში არსებული წყლისა და გზის საკითხი. ორგანიზაციის ხობის კოორდინატორის მაკა ლატარიას თქმით, მათ ეს პრობლემები მიმდინარე წლის მაისში წარუდგინეს ადგილობრივი ხელისუფლების წარმომადგენლებს, რომელთაც თავის მხრივ, პრობლემების გადაჭრის პირობა დადეს. მაკა ლატარიას ცნობით, მუნიციპალური განვითარების ფონდიდან უკვე გამოყოფილია 400 ათასი ლარი და უახლოეს მომავალში წყალმომარაგების გაუმჯობესების მიზნით სამუშაოების დაწყება იგეგმება. გზის სარეაბილიტაციო სამუშაოებისთვის საჭირო თანხები კი 2013 წლის ადგილობრივ ბიუჯეტში იქნება გათვალისწინებული.  პროექტი „აქტიური საზოგადოება–დემოკრატიის გარანტი" „სამართლიანი არჩევნებისა და დემოკრატიის საერთაშორისო საზოგადოება" „ფონდი ღია საზოგადოება – საქართველოს" ფინანსური მხარდაჭერით ახორციელებს.

აჭარა. 26 ივლისს, ბათუმის პრეს–კაფეში,  საქართველოს ახალგაზრდა იურისტთა ასოციაციამ პროექტის „ანგარიშვალდებულებისა და გამჭვირვალობის ხელშეწყობა საქართველოში" და ამავე პროექტის ფარგლებში მომზადებული „თვითმმართველ ქალაქ ბათუმის 2010 წლის ბიუჯეტით გათვალისწინებული გარეგანათების სახელმწიფო შესყიდვების მონიტორინგის ანგარიშის" პრეზენტაცია გამართა.  თვითმმართველ ქალაქ ბათუმის 2010 წლის ბიუჯეტით გათვლისწინებული გარეგანათების სახელმწიფო შესყიდვების მონიტორინგის ანგარიში დაკავშირებულია სახელმწიფო შესყიდვების განხორციელების პროცესთან და პროცესში გამოვლენილ ძირითად ტენდენციებთან.  მონიტორინგის ანგარიშის მიხედვით სატენდერო კომისიის მუშაობის დროს დარღვეულია კანონით გათვალისწინებული ისეთი მოთხოვნები, როგორიცაა განცხადების გამოქვეყნების წესი, სხვაობა წინასწარ განსაზღვრულ შესყიდვების წლიურ გეგმასა და სატენდერო განცხადებაში მითითებულ ფასებს შორის.  შეხვედრაზე მოწვეულნი იყვნენ სამოქალაქო საზოგადოების, საზოგადოებრივი ორგანიზაციებისა და მედიის წარმომადგენლები. 

იმერეთი. სასამართლო სისტემის დამოუკიდებლობა, გამჭირვალობის გაზრდა, მოსამართლეთა მიუკერძოებლობა და პრობლემები სისხლის სამართლის საქმეებში -  ამ საკითხებთან დაკავშირებით, 25 ივლისს, ახალგაზრდა იურისტთა ასოციაციის ქუთაისის ფილიალში საინფორმაციო შეხვედრა გაიმართა. საიას მიერ წარმოდგენილი რეკომენდაციები აღნიშნული საკითხების გადაჭრის გზებს ასახავდა. შეხვედრაზე საზოგადოებრივი ორგანიზაციების მიერ მომზადებული ანგარიში და თბილისის საქალაქო სასამართლოს სისხლის სამართლის საქმეების მონიტორინგის 6 თვის შედეგები იყო წარმოდგენილი. შეხვედარაში მონაწილეობა საზოგადოებრივმა ორგანიზაციებმა და მედიის წარმომადგენლებმა მიიღეს. მსგავსი ტიპის კვლევებს საია ყოველწლიურად ატარებს და აცნობს საზოგადოებას. ახალგაზრდა იურისტთა ასოციაციის თავმჯდომარის თამარ ჩუგოშვილის განცხადებით, მსგავსი ტიპის შეხვედრების მიზანია სასამართლო სისტემაში არსებული პრობლემების მოგვარება. საიას მიერ წამოდგენილი კვლევები ასახავს სტატისტიკურ მონაცემებს, რომლებშიც წამოდგენილია სასამართლო სისტემის დღევანდელი ვითარება.

გურია. ლანჩხუთის საინფორმაციო ცენტრისა და ოზურგეთის ახალგაზრდა მეცნიერთა კლუბის მხარდაჭერით, ადგილობრივმა მონიტორინგის ჯგუფმა ბოხვაურის თემში ჩაატარა მუნიციპალიტეტის მიერ 2011 წელს ამ თემის სოფლებში განხორციელებული პროგრამებისა და პროექტების მონიტორინგი.  რის საფუძველზეც მომზადდება შესაბამისი ანგარიში, რომელიც წარედგინება აღნიშნული სოფლის მოსახლეობას. მონიტორინგის შედეგებზე ასევე მომზადდება სატელევიზიო სიუჟეტი, რომელსაც გურიის მოსახლეობა ადგილობრივი ტელეკომპანია „გურიის" ეთერით იხილავს. მონიტორინგი განხორციელდა ევრაზიის თანამშრომლობის ფონდის მიერ დაფინანსებული პროექტის „საზოგადოებრივი მონიტორინგი ცვლილებებისთვის" ფარგლებში.

გურია. ლანჩხუთის საინფორმაციო ცენტრის მხარდაჭერით ადგილობრივმა მონიტორინგის ჯგუფმა დვაბზუს თემში ჩაატარა მუნიციპალიტეტის მიერ 2011 წელს ამ თემის სოფლებში განხორციელებული პროგრამებისა და პროექტების შედეგებისადმი მოსახლეობის კმაყოფილების ხარისხის კვლევა. კვლევა განხორციელდა ევრაზიის თანამშრომლობის ფონდის მიერ და ფინანსებული პროექტის „საზოგადოებრივი მონიტორინგი ცვლილებებისთვის" ფარგლებში.

თბილისი. „სახელმწიფო სახსრების საარჩევნო მიზნებით ხარჯვა"  – ასე ქვია საერთაშორისო გაჭვირვალობა – საქართველოს ახალ ანგარიშს, რომელიც პროექტის „გამჭვირვალე და ანგარიშვალდებული პოლიტიკური ფინანსები საქართველოში" ფარგლებში ჩატარდა. ანგარიშში ცენტრალური მთავრობის საარჩევნოდ მოტივირებულ ხარჯვაზეა გამახვილებული ყურადღება და იგი არ მოიცავს  განხილული საკითხების ეკონომიკური მიზანშეწონილობის ანალიზს. „საჯარო ფინანსების ხარჯვის ტენდენციები საარჩევნო წლებში განსხვავებულია – ბიუჯეტი  უფრო მეტად სოციალური, მოკლევადიანი დასაქმების და სხვა ტიპის პოპულისტური პროექტების განხორციელებაზეა ორიენტირებული. ამ კუთხით არც 2012 წელია გამონაკლისი", ნათქვამია კვლევაში. კვლევა – „სახელმწიფო სახსრების საარჩევნო მიზნებით ხარჯვა"   წყარო: transparency.ge